رنا:اصل عرفت ان في رحله للغردقه لمدة اسبوع اعلنوا عنها في الجامعه وبكره اخر يوم في التقديم
ها؟هاتروحي ولا ايه!؟
سما(بفرحه):طبعا جايه ما انتي عارفه اني دايما راشقه في الحاجات دي
رنا(بحماس):اشطاا يبقي اتفقنا وهاكلم برده البت حبيبه(صاحبتهم برده وزي اختهم وكانوا كلهم مع بعض من ابتدائي) اقولها
سما:اشطاا وانا هاقوم اقول لبابا برده قبل ما ينام
رنا:اوك.....سلام يا موزتي
سما(بضحكه):هههههه سلام يا حتتي
سما قفلت مع رنا وراحت تقول لباباها وتستأذنه.....وفعلا قالتله وهو وافق وبعد كده دخلت نامت وكلها حماااس
.........................................................
....علي الجانب الاخر....
مصطفي:اووبااااا وجوول وجول وجول الله عليك يابني تسلم رجليك والله
أسر(بضيق):ما خلاص يا اوڤر ماكنش جون يتيم جبته ده انا هاريك من صباحة ربنا
مصطفي:ياعم سبني افرح شويه هي الكحكه في ايد اليتيم عجبه
أسر:طب يلا يا يتيم نكمل ده انا هانفخك
وفجأة موبايل أسر رن.......
أسر:الو
شخص اخر:الو ايه ياعم ان فين
أسر:اميزوو حبيبي...انا برده اللي فين!
اه صح ما انت هايص
مازن(ابن عم آسر):بصراحه الجو هنا في الغردقه جاااامد وفي هنا حبة مزز تعقد
آسر(بأبتسامه):انت بتغظني يعني....ع فكره انا ممكن اكون عندك من بكره وانت عارفني مجنون واعملهاا
مازن(بإستفزاز):ده كان زمان يا ريسو
أسر:طب وحياة امك لاكون عندك بكره انا ومصطفي
مازن:هو ده الكلام يا برنس يلا سلام اشوفك بكره
أسر:سلا يا خويا
وبعد ما قفل معاه راح وقال لمصطفي ومصطفي ماصدق ووافق و روح يجهز نفسه وحاجاته وأسر طلع يعمل كذلك
نعرف بقي شوية معلومات عن البطل....
أسر محمد السويفي.عنده 25سنه عيونه زرقاء وتجنن وشعره اسود ناعم وطويل شويه وشيك جداا كل البنات بتجري وراه وبتعجب بيه عصبي شويه ومدب بس جدع وحنين.....خريج ادارة اعمال...بيشتغل نائب رئيس مجلس الاداره في شركة باباه وبالمناسبه هي شركة اقمشة وجلود واي ماتريال ليها علاقه بالبس والفاشون
.........................................................
.....في كليه اقتصاد وعلوم سياسيه.....
سما ورنا وحبيبه راحوا وحجزوا في الرحله
رنا:انا مبسوطه اووي بقالنا كتير ماروحناش رحله وخرجنا من جو الكليه والمذاكره والروتين الكئيب ده
حبيبه:ده علي اساس ان احنا بنذاكر اووي ده احنا ضربنها السنه دي ميت جزمه..احنا هانصيع ع بعض!
سما(وبتحاول تكتم الضحكه):هههه ايه الاحراج ده مش كده يا حبيبه البت فرحانه يعني وبتحاول تعبر
حبيبه:طيب هاسكت عشان خاطرك بس
سما:حبيبة هارتي
................................................................في احدي الفنادق في الغردقه.......
أسر ومصطفي سافروا الغردقه وقابلوا مازن وسلموا ع بعض وبعد كده كل واحد فيهم طلع غرفته يرتاح شويه
وفي وقت الغدا نزلوا من غرفهم وراحوا مطعم يتغدوا......
أسر:الجو هنا جااامد فعلا
مازن:شوفت بقي اي خدعه يا باشا
مصطفي:لالا الأكل هنا هو اللي جامد
أسر:يلعن ابو طفستك يا أخي فصلتني
مصطفي(بضحك):هههههه خلاص يا عم بهزر
بس عايزين من بكره بقي نخربها بحر بقي ورمل وشواطئ ومزز ومليطه
أسر:اراهنك انك جاي هنا عشان تاكل وتتعرف علي بنات وبس
مصطفي:حد قالك اني ببيع سبح يعني
وبعد ما خلصوا غدا راحوا يتمشوا ع البحر شويه وكان الجو تحفه......
مازن:تفتكروا ممكن في يوم نحب ونتجوز وجو النحنحه الخنيق ده
أسر:يا عم افتكرلنا حاجه عدله
مصطفي:وليه السيره دي
مازن:ايه يا خولنا انا بسأل بس
أسر:لا طبعا احنا اخرنا نمشي معاهم يومين تلاته وخلاص انما بقي خطوبه وجواز وشبكه والقرف ده لا مالناش فيه...
بس انت بتسأل ليه(وغمز له)انت وقعت ولا ايه؟
مازن:لا والله ابدا بعد الشر
ده مجرد سؤال جه في دماغي
أسر:ماشي هانشوف
وبعدين بصراحه انا عمري ما اقتنعت ان في حاجه اسمها حب ده كلام ناس فاضيه اصلا
يعني مثلا مثلا لو حبيت ايه المميز في البنت اللي هاحبها عن باقي البنات يعني اشمعنا هي!
فده بصراحه انا بشوفه ممل وخنقه وخيال اوڤر
مصطفي:ايوه وانا معاك في كل اللي بتقوله
مازن:خلاص يا جدعان مكنش سؤال برئ انتوا اتفتحتوا كده ليه؟!
أسر(بضحك):لا ده احنا بنفهمك بس
مازن:طيب يا عم خلاص فهمنا
وفضلوا سهرانين قدام البحر يتكلموا ويضحكوا ويفتكروا ذكرياتهم مع بعض بس يا تري هاتفضل وجهة نظر أسر ومصطفي زي ما هيا ولا هاتتغير يا تري هايفضلوا شايفين ان مفيش بنت مميزه تقدر تخطف قلبهم وتفكيرهم؟!..........................................................................................................................................................................هانشوف!
