Part 15
~~~~~~
سما اول ما دخلت:احم اا كنت عايزني نعم يا أسر
أسر(بنبره رسميه وبيقوم يقف ووقف قدامها):اسمي مستر أسر
سما(بعدم استيعاب):نعم!.... لا ثانيه واحده انت.. انت فاكر نفسك مدير بجد.. ثم حتي لو مدير فده ع نفسك مش عليا... انا مسمحلكش انك تعاملني بالطريقه دي او الأسلوب السخيف ده.. مفهوم
أسر:لا واضح انك انتي اللي مش فاهمه.. انا هنا دلوقتي مدير الشركه دي يعني كلمتي هي اللي هاتتنفذ
سما:انت ليه محسسني انه ملكك لوحدك علي فكره انا زيي زيك هنا
أسر:اه طبعا مفهوم بس انا دلوقتي اللي في ايدي كل حاجه... التوكيل اللي معايا يسمحلي اني ادير كل صغيره وكبيره هنا... ومش مسموح لحد انه يتدخل
سما(بزهق):أنا ايه المطلوب مني دلوقتي؟
أسر:تنفذي اوامري بدون نقاش
سما(بإستهزاء):وانا ايه اللي يجبرني... انا محدش هنا دلوقتي ليه سلطه عليا... حتي لو كنت انت رئيس مجلس الإدارة
أسر:لا طبعا مش مجبره... بس بقي ماتزعليش لما اكلم انكل محمود وقوله انك مقصره في شغلك او بمعني اصح مش بتشتغلي اصلا
سما:انت بتهددني!؟
أسر:افهمي زي ما تفهمي.... بس لازم تعرفي انك هنا زيك زي اي موظف...... يعني لو حصل تقصير في شغلك حتي لو كان بسيط هاتتجازي..
سما:يعني ايه؟
أسر:يعني هو ده اللي عندي... والمطلوب منك دلوقتي انك تروحي مكتبك وتشتغلي.. ااه وياريت وانتي خارجه تقولي لمها تعملي نسكافيه
سما(بغيظ):انا هنا مش سكرتيرتك.. عايز حاجه اعملها لنفسك.. انا شغلي هنا المالية وبس. (وسابته وخرجت وقفلت الباب جامد)
أسر ابتسم وقال في نفسه:هو انتي لسه شوفتي حاجه.........
سما خرجت من عند أسر طبعا مش طايقه نفسها المهم وهي رايحه مكتبها لقت يوسف في وشها..
يوسف:الجميل متعصب ليه!
سما:لا ولا حاجه... انا تمام
يوسف:متأكده!
سما(بإبتسامه):ااه
يوسف:اوكي... بوصي بقي يا ستي بريك انهارده هاتقضيه معايا ومش مسموحلك الرفض
سما:اشمعنا يعني؟
يوسف:احنا من اول ما شوفنا بعض وانا عايز أقعد معاكي ونتكلم
سما:نتكلم في ايه!؟
يوسف:لا عادي.... انا قصدي نتكلم زي زمان لما كنا في اعدادي وثانوي كنا بنحكي لبعض كل حاجه ونهزر ونتكلم كده يعني... ولا انتي نسيتي ولا ايه
سما:لا طبعا انسي ازاي..... اوك طبعا موافقه
يوسف:تمام يبقي استنيني في مكتبك في معاد البريك
