Part 17
سما اتخضت واتوترت جدا لما شافت ألم ووجع آسر وحست بوجع في قلبها لأنها شايفاه بيتألم وكمان بسببها....المهم سندته لحد عربيتها وفتحتها وركبته ورجعت قفلت عربيته بسرعه وهي متوتره ومخضوضه وبعد كده رجعت لعربيتها وساقت بسرعه كبيره لأقرب مستشفي وهي عماله تلوم نفسها طول الطريق لما تسمع آسر بيتألم ولحد ما وصلوا هي عماله تمنع نفسها انها تعيط لحد ما دخل أوضة الكشف وانهارت من العياط....
سما بعياط:يارب يارب مايكونش في حاجه خطيره...يارب خفف آلمه يارب انا مكنتش أقصد يارب اني أذيه يارب يارب استر
ممرضة ما كانت داخله لأوضة الكشف:يا أنسه اهدي مش كده دي حاجه بسيطه وان شاء الله هايبقي كويسب
سما:يارب ...طمنيني بالله عليكي
الممرضه:ماتقلاقيش...ان شاء الله خير
وبعد فتره عدت علي سما بصعوبه اخيرا الدكتورييي
الدكتور بعد ماخرج وسما جريت عليه:دكتور دكتور ط طمني هو كويس صح
الدكتور:اطمني هو كويس بس عنده كسر بسيط في قصبة الرجل....احنا عملنا اللازم وجبسنهاله وهايحتاج يقعد فيه أسبوع..
سما بحزن:أسبوع!..طيب ممكن أدخله
الدكتور:كمان ربع ساعه هانقله أوضه عاديه وتقدري تقعدي معاه
سما:تمام ماشي...طيب هو ممكن يخرج امته؟
الدكتور:ان شاء الله علي انهارده باليل...ماتقلاقيش الكسر بسيط
وفعلا بعد ربع ساعه سما لقت باب الأوضه بيتفتح وبيخرج منها الترولي اللي عليه آسر....سما بصتله بحزن وندم وكتمت شهقاتها بالعافيه لحد ما نقلوه علي السرير وظبطوله الأدويه وخرجوا من الأوضه وهي دخلت...واول ما شافته ماقدرتش تمسك نفسها وشهاقتها عليت...لأن اصعب شئ علي سما انها تشوف حد بتحبه بيتألم وموجوع وطبعا الموضوع المره دي بزياده لأنه بسببها....
سما بعياط:انا اسفه انا اسفه سامحني و والله ما كنت اقصد..انا أخر حاجه ممكن اعملها او اعوزها هي أذيتك
آسر بتعب وصوت واطي شويه ولسه مغمض عنيه:بس يا هبله انا كويس
سما اتصدمت لما شافته بيتكلم لأنه معني كده انه كان سامعها بس فرحت جدا انه كلمها وانه فاق....
سما بصوت عياط:انت..انت كويس
انت اتكلمت صح
آسر بتعب وهزار:كل ده عشان قولتلك بحبك! امال لو قولتلك نتجوز هاتعملي فيا ايه؟!
سما ضحكت في وسط عياطها من جملة آسر....
آسر بتعب:اااااه يا قادره...اتضحكي اتضحكي
سما وبتمسح دموعها:ما هو انت اللي فايق وبتهزر
آسر بتعب وابتسامه بسيطه:ما انا قصدي أهزر عشان اضحكك...بطلي عياط انا كويس
سما بنظرة حب:ماشي....نام انت دلوقتي وارتاح
