Part 11
(وبدون اي مقدمات رمت الموبايل في البسين) كده بقي نبقي خالصين
أسر اتفاجأ جدا بحركتها المش متوقعه واتضايق كمان من تصرفها
أسر(بزعيق):ايه ده انتي اتجننتي ازاي تعملي كده؟
سما(ببرود):شوفت بقي احساسي ساعتها كان عامل ازاي شوفت احساس وحش ازاي
أسر(بعصبيه):انتي ايه يا شيخه مفيش حد عارف يلمك.... اعتذرتلك ساعتها ودلوقتي جاي وبحاول اراضيكي واتأسفلك ع كل اللي عملته معاكي وانتي جاحده سامعاني انتي بجحه ومناخيرك في السما معرفش ع ايه
سما(بنرفزه وصوت عالي):انت حبيت تعتذرلي بعد ما عملت اللي علي مزاجك بعد ما خدت حقك انت جاي هنا بس عشان تقولي انك وقت مابتحب تعمل حاجه مفيش حاجه بتمنعك جاي هنا تعطف عليا عشان ضميرك يستريح
أسر:انتي تفكيرك كله غلط
ولعلمك بقي اللي انتي بتعمليه معايا ده مفيش حد يستحمله واللي انا عملته ده اقل حاجه علي تصرفاتك.. لو حد غيري مكنش ساب في جسمك حته سليمه.... بس اقولك انا اللي غلطان اولعي(وراح زاققها جامد ومشي وبما انهم كانوا واقفين جمب البسين فسما ماقدرتش توازن نفسها بسبب الزقه الجامده فوقعت في البسين والمشكله انها وقعت في المنطقه الغويطه)
سما:اعااااااا الحقوني اعااااا
هااااا مش قادره اخد نفسي اعاااااا
أسر سمعها وهي بتقع في المايه بس مهتمش وقال في نفسه تستاهل بس سمع استنجادها وصويتها فلف يشوف مالها وفعلا لف واتخض لما شافها فعلا بتغرق ومن غير تردد قلع التيشرت بتاعه ونط في البسين وشدها من تحت وفضل يشدها لحد حرف البسين لأنها نزلت تحت خالص وتقريبا شبه غرقت وشالها وطلعها وطلع هو كمان وقعد يضغط علي قلبها ويضرب وشها براحه وبعد فتره من المحاولات الكتيره اخيرا فاقت أسر اتنفس جامد اول لما شافها فاقت وحس ان روحه رجعتله......
سما:كح... كح. اااه كح
وبعد فتره سما بقت كويسه وأسر قام جبلها مايه وبعد كده قاموا وأسر وصلها لأوضتها من غير ولا كلمه كأن الكلمات هربت من بؤهم وبعد كده طلع اوضته اخد دش وغير هدومه وناام ومسمحش لنفسه انو يفكر في اي حاجه... علي عكس سما اللي مابطلتش تفكير وعياط لأنها اول لما دخلت اوضتها عيطت وماكنتش عارفه هي بتعيط علشان حست ان هي غلطانه وانها زودتها وحست ان كلامه صح ولا عشان كانت مكسوفه من نفسها ع اللي عملته المهم بعد ما اخدت دش وغيرت هدومها هي كمان نامت.........
تاني يوم الصبح الساعه8 أسر صحي وحس انه مخنوق فغير هدومه ونزل يتمشي ع البحر شويه لوحده... وسما برده قامت الصبح وهي مخنوقه فغيرت هدومها ونزلت برده تتمشي ع البحر بس وقفت بعد فتره وبدأت تسرح تاني وتعيط بهدوء وأسر كان خلاص راجع فشافها فقرر انه يمشي عادي ومايكلمهاش عشان مكنش عايز يتخانق....
بس سما لفت راسها فجأه فاشفته وهو شافها وبصوا لبعض بصة عتاب علي حزن علي لوم.... المهم بعد فتره أسر راح وقف جمبها من غير ولا كلمه وكانوا باصين هما الاتنين ع البحر وكان فيه صمت غريب بس أسر بعد فتره كبيره قطع الصمت ده....
