part 9
مصطفي:مازن ياسيدي قال نغير المكان ونروح نقعد ع البسين اللي وره الفندق
أسر:ماشي
وفعلا راحوا المكان اللي فيه البسين اللي مازن صمم انهم يروحوه انهارده تجنبا لأي مصادمات تحصل.... بس مايعرفش انو كده بيروح للمصادمات برجليه... المهم فعلا راحوا وأول لما مصطفي ومازن دخلوا شافوها.....
مصطفي(بملل):لا كده كتير
مازن:فعلا كده كتير اوووي وانا تعبت
أسر واقف وسطهم ومش فاهم حاجه...
أسر:في ايه يابني انت وهو مالكوا! وتعبتوا من ايه؟
مازن:بوص هو انت يمين شمال هاتعرف فبوص هناك
وراح مشاورله ع المكان اللي قاعده فيه سما وصحابها...
أسر بص مكان ما مازن بيشاور ووشه قلب احمر من الغضب...
مصطفي(بخوف):متهيألي اننا نروح البلاج احسن ده حتي الجو هنا كتم ع الاخر والرطوبه زادت وهاتقلب ع عواصف
أسر(بهدوء غريب):لا نروح فين احنا هانفضل هنا
هي مش هاتقعدنا ع مزاجها
مصطفي ومازن بصوا لبعض بإستغراب من هدوءه وجواهم خوف من اللي جاي
المهم راحوا وراه وقعدوا وكل ده وسما ماشافتهومش لإنها كانت مندمجه مع الروايه اللي كانت بتقرأها من موبايل رنا المهم القلق زاد عندهم اكتر لما لقوا أسر رايح يقعد ع الشيزلونج اللي جمب الشيزلونج اللي سما وصحابها قاعدين عليه بس هي برده ماشفتوش عشان كانت قاعده ومدياله ضهرها وهو كمان قعد واداها ضهره عشان يبقي قريب منها....
رنا:يابنتي سيبي ام الروايه دي بقي واتكلمي معانا
سما:يااا فصيله.... استني ونبي ده انا خلاص قربت اخلصها
رنا:لا اتكلمي معانا... احنا جايين نقعد مع بعض مش نقعد ع الموبايلات
سما(بزهقان وبتسيب الموبايل):يووووه طيب اهووو
وسكتت شويه وبعدين قالت(بحزن مصطنع):ما انا لو كان معايا موبايلي كنت عملت اللي انا عايزاه بس نقول ايه بقي منه لله اللي كان السبب
رنا:خلاص بقي انتي غاويه تنكدي ع نفسك وبعدين ده انتي مرمطي الواد متهيألي انو سابلك الغردقه كلها وطفش
حبيبه(بضحك):ده لو كان لسه فيه الروح
وضحكوا هما التلاته... وأسر قاعد هايموت من الغيظ ونفسه يقوم يجبها من شعرها بعد ما سمع اللي بيقولوه بس مسك اعصابه المهم سما ورنا وحبيبه قعدوا يتكلموا ويضحكوا وكان اغلب كلامهم عن موضوع سما....
حبيبه:صحيح هو اسمه ايه؟
سما:معرفش ومش عايزه اعرف وبعدين يا مااااما
سما اتخضت وقامت وقفت لأنها شافت نحله كبيره جايه عليهم....
رنا:يا بنتي خضتيني اقعدي يا هبله مش هاتعملك حاجه
سما(بخوف حقيقي وصوتها بيعلي):لالالا انا بخاف انا ااا انا هامشي من هنا دي عماله تطير حولينا يا مااااما
