سما:ايه ده تعالوا نشوف اللوحه دي بتقول ايه؟
رنا:يا ستي فكك تلاقيه اعلان مالوش لازمه يلا بقي نطلع انا هاموت وانام
سما:تعالي بس نشوف بسرعه ونطلع ع طول.....وبعدين انتي مش شايفه الناس واقفه قدامها كتير ازاي اكيد حاجه مهمه (وراحت شداها) تعالي بقي وبطلي مأوحه
يلا يا حبيبه
حبيبه:ونبي حبيبه فصلت خلاص
سما(بزهقان):يووووه هو انا هاتحايل عليكوا ما يلا يا بت منك ليها بقي كان زمنا عرفنا ايه ده
وراحت سما شداهم ورايحه قدام اللوحه الكبيره تقرأها بأهتمام وكان أسر برده واقف قدامها بيقرأها بس ماخدش باله ان سما واقفه جامبه ولا هي كمان اخدت بالها المهم الاتنين اكتشفوا انها اعلان عن حافله بمناسبة عيد الحب وهاتكون بكره بالليل الساعه9......
حبيبه:انا هاروح وش
رنا:هاتروحي مع مين ان شاء الله دي للي بيحبوا بعض عشان ده عيدهم هاتروحي بقي انتي تحبي ع نفسك
حبيبه:علي فكره بقي في ناس كتير سنجل هاتروح عشان بس تستمتع وهاتشوفي
انا عن نفس هاروح خليكوا بقي جدعان وتعالوا معايا
سما:انا جايه اهو نشوف فيها ايه
رنا:يعني هاقعد لوحدي خلاص انا كمان هاجي
كل الحوار ده وأسر سامعه وابتسم ابتسامه مش مريحه لما عرف ان سما رايحه كأن جت في باله فكره........
أسرطلع اوضته وغير هدومه وراح اوضة مصطفي اللي كان مازن عنده
مصطفي:يا تري ايه الاكتشاف اللي وصلتله لما قريت اللوحه وماردتش تطلع معانا
أسر(بإبتسامه):لااا ده انا اكتشفت حاجات كتير
مصطفي:يا تري ايه!؟
أسر:في حفله لعيد الحب بكره عاملها الفندق والبت اياها رايحه
مصطفي(بإستغراب):بت مين؟
أسر:البت بتاعت الخناقه اللي ع البلاج
بس تصدق انا خدت بالي اني معرفش لسه اسمها
مصطفي ومازن في نفس الوقت:يييييييه
مازن:تاني يا أسر
أسر:تاني وتالت وعاشر انا هادفعها تمن اللي عملته ده كويس اوي
المهم انا هاروح الحفله دي
مصطفي:ليه بقي ان شاء الله واحنا من امته بنروح الحفلات دي
أسر:افهم يا غبي انا عرفت ان الزفته دي رايحه فأنا هاروح عشان اخد بطاري واعرفها مقامها كويس عشان تحرم تتحداني
مصطفي:وربنا انت مش هاتسكت غير لما تحبسنا
أسر(بضيق):تعرف تسكت
مصطفي:اديني سكت وريني هاتعمل ايه
أسر(بإبتسامه شيطانيه):هاعمل كل خير ان شاء الله
