Part 16
~~~~~
أسر(بإبتسامه وقاطع سما بسرعه):احب اعرفكم سما....... خطيبتي!
مصطفي:كح كح كح
أسر(وبيقرب سما منه وبيبصلها):طبعا في في حياتي حب وسما هي حب حياتي
سما كل ده بصه لأسر بصدمة وفاتحه عنيها ع الأخر ومش قادره تستوعب اللي قاله
كيم(بسعاده):واو جميل جدا تشرفنا جدا بمعرفتك(ومدت اديها تسلم عليها)
أسر لاحظ سكوت وثبوت سما فزقها في دراعها..
سما(بتوهان):احم ااا.... أنا.. انا كمان
(ومدت اديها هي كمان وسلمت عليها)
وبعد كده بصت لأسر اللي كان علي وشه ابتسامه غريبه وهي مازالت مش فاهمه حاحه..... مين خطيبة مين!
مصطفي:كح كح كح
جان:مصطفى انت كويس؟!
مصطفي(بصوت غريب):انا تمام... بس في حاجه في زوري بس كملوا انتوا كملوا
أسر:اتفضلوا ادخلوا
كيم:أنتوا مخطوبين جداد؟
أسر:اه تقريبا من شهر كده
(وبعد كده بص لسما وقال بإبتسامه):هو انا قولت أنها حب حياتي!
سما بنظره ماطمنش وابتسامه غريبه:ااه قولت
جان:so cute
أسر:أتفضلوا أتفضلوا
أسر شد سما من اديها اللي كانت عامله زي الصنم وراحوا وراهم للجنينه
مصطفي(في نفسه):ده اللي هو ازاي!
واضح ان انهارده في حرب هاتحصل.... ربنا يستر (وراح وراهم)
في الجنينه....
كيم:خلوني بقي اديكوا روايتي الجديده قبل ما ناكل
سما:انتي كاتبه؟!
كيم:مش قوي يعني.... بكتب روايات بسيطه كده
جان:لا دي كاتبه رائعة
كيم ابتسمت لجان وبعد كده قاالت لأسر وسما:حبايبي الحب ده مراحل.... أولهم الحب من بعيد يعني إننا نراقب الطرف التاني ديما بعنينا يعني نركز في كلامه، شكله، لبسه، نظراته، أفعاله وو
أسر مسك أيد سما اللي كانت ع التربيزه وسما بصن لأيده وبصتله بمعني شيل إيدك بس هو تجاهلها
كيم(مكمله):وده اول حاجه في روايتي أما الجزئيه التانيه او المرحله التانيه من الحب بيكون الشخص ده خلاص استولي علي العقل تماما
سما:ايوه بنفكر فيه كتير قوي بطريقه مستفزه وبقعد اعيد في دماغي كل حاجه عمالها وكل حاجة قالها بطريقه غريبه
مصطفي(بخبث):هو مين ده؟
سما(بتوتر وندمت ع تسرعها):اااا... لا انا.. احم انا قصدي.. قصدي ع الروايات... يعني بشرح المرحله التانيه اللي بتتكلم عليها يعني
