Part 13
سما وأسر(مع بعض بصدمة):هو انت/ي
أسر:انتي بتعملي ايه هنا؟!
سما(بسخريه):انا اللي بعمل ايه هنا
انت متأكد ان السؤال ده ليا انا
أسر:لا اظبطي معايا واتكلمي عدل
(وبيضغط ع كل كلمه بيقولها) بتعملي ايه هنا
سما:ايه ده ايه ده انت ازاي تكلمني كده ما
محمود(قاطعهم بصوت عالي شويه):باااااس... في ايه مالكوا.....بتكلموا بعض كده ليه؟ انتوا تعرفوا بعض!
سما(بسخريه):هه عز المعرفه
أسر(بسخريه):اه طبعا عز المعرفه... مش حضرتك برده الأنسه الصاعقه!
سما:ايوه انا يا عفريت العلبه
محمد:في ايه يا أسر؟
أسر:مفيش حاجه يا بابا... الانسه بس اتعرفت عليها في الغردقه
محمد:والله... يااسبحان الله
شوفت يا محمود الدنيا صغيره ازاي
محمود بعد الحوار ده طبعا استنتج ان أسر هو الشخص اللي سما قابلته في الغردقه
الخدامه:الغده جاهز يا محمود بيه
محمود:طيب اتفضلوا يا جماعه يلا السفره جاهزه
علي الاكل........
أسر وسما طبعا مبطلوش يبصوا ع بعض بنظرات تحدي ورخامه........
أسر(بتحدي وباصص لسما):الا قولي يا انكل محمود... اخبار النحل ايه عندكوا؟!
سما(بأبتسامه مستفزه وباصه لأسر):تمااام.. بس الفتره اللي فاتت سمعنا ان جاتلوا شوية تشنجات وكان بيفرفر
أسر(بنظرة غيظ):اممم تلاقيه قابل نحله صعقته ااا قصدي قرصته
سما بصتله بصة غيظ
وسكتوا شويه وبعد كده أسر اتكلم تاني..
أسر(وباصص لسما):الا قولي يا بابا اخبار موبايلك ايه؟!
سما(وباصه لأسر بصة تحدي):تماام... بس اكيد مش احسن من موبايلك
أسر بصلها بصة غيظ وسكت...
محمد:في ايه يا ولاد... مالكوا.. وايه موضوع النحل والموبايلات ده... في ايه؟!
أسر:مافيش حاجه يا بابا(وبص لسما) ده احنا بنهزر
سما ابتسمتله ابتسامه مستفزه:اااه بنهزر
وبعد ما خلصوا اكل او بمعني ادق تلقيح كلام قاموا غسلوا اديهم وقعدوا في الجنينه وطبعا محمد ومحمود قاعدين يتكلموا في ذكرياتهم وأسر وسما قاعدين مش طايقين بعض....
أسر(بصوت واطي لسما):اوعي تفتكري أني هنا بمزاجي.. أنا اصلا لو اعرف اني هاشوفك ماكونتش عتبتها
سما(بنفس نبرته):أنا اللي لو اعرف انك جاي ماكونتش روحت انهارده ان شاالله أبات في الشارع
