سما:احنا رايحين فين؟!
آسر:............
سما بنرفزه:بكلمك علي فكره
آسر:ممكن تسكتي ولما نوصل هانتكلم وهاجوبك علي كل اللي انتي عايزاه
سما بعصبيه:انا اصلا مش عايزه اروح معاك..انا عايزه اسافر...وقف الزفته دي ونزلني الطياره هاتفوتني
آسر بهدوء مستفز:قولت مفيش سفر...انسي
سما واتعصبت اكتر من بروده وهدوؤه:انت جايب البرود ده كله منين..انت مالك اصلا اسافر ولا لا حياتي وانا حره فيها اسافر اقعد ..اطلع الفضاء مالكش فيه...ولأخر مره بقولك بالذوق اقف ونزلني
آسر:هاتعملي ايه يعني
سما مردتش وقربت منه اوي وهو مستغرب وراحت فتحت السنتر لوك بسرعه وقعدت مكانها تاني وفتحت الباب...كل ده عملته بسرعه وآسر طبعا اتخض وركن علي جمب بسرعه جداا...وبعد سما عن الباب وقفل الباب تاني..كل ده وهو ماسكها من معصمها بقوه..
آسر بعصبيه:انتي مجنونه!؟
سما بعصبيه مماثله:وهاعمل اكتر من كده لو مسبتنيش...كفايه بقي انا مش عايزااك هو بمزاجك
آسر:قولتلك مش هاسمحلك تبعدي..واصبري لحد ما نوصل وقولي واعملي اللي انتي عايزاه
سما بعصبيه وبتحاول تبعد ايده:مش عاااايزه اروح معااااك في حته
آسر:مش بمزاجك
وراح سايب اديها وقفل القفل تاني وشغل العربيه وشويه وشغل الراديو...
راحت سما قفلاه بعصبيه....راح شغله تاني...راحت قفلته تاني وكرروا الحركه دي مرتين كمان..
آسر بحده: سما انا هافتح الراديو..وتبقي ايدك تتمد عليه
سما:ماتزعقليش ...وطول ما انت مش راضي تسيبني وتنزلني هافضل ادايقك
آسر برخامه:انا مابتضايقش منك..اتهدي بقي
وفتح الراديو تاني وراح بصلها:انا حذرتك
سما نفخت بضيق وسكتت لأنها يأست انها تسافر او حتي تنزل من العربيه...
......................
