ဝတ္ထုတို စုစည်းမှု

အတွင်းစိတ်

"အတွင်းစိတ်"
_____________________________________
လင်းဝေ(ဒဿနိက)
_____________________________________


။တစ်။

ဒုတိယအကြိမ်သည် ကျွန်တော်အတွက် ပထမဆုံးအတွေ့အကြုံသစ်ကို ခံစားရစေသည်။ 
မန္တလေးမြို့သည်  ယခင်လို  မပြောင်းမလဲ  တည်ရှိနေသည်။ ဆိုင်ကယ်သံ တဝီဝီနှင့် ဆူညံစွာ လှုပ်ရှားလျက်ရှိသည်။  ကားပေါ်က ဆင်းဆင်းချင်း  ခန္ဓာကိုယ်သည် ချမ်းစိမ့်စိမ့်ဖြစ်သွား၏။ ကြိုသူမရှိသော်လည်း ချမ်းစိမ့်စွာ အေးသော မန္တလေးဆောင်းသည် ကျွန်တော်ကို နှုတ်ဆက်ဖော်ရပါသည်။
ထို့နောက် ဘေးဘီဝဲယာကို ကျွန်တော်ကြည့်လိုက်၏။
ဆိုင်ကယ် တက္ကစီ တစ်စီးကိုတွေ့၍ ဘာမျှစဉ်းစားမနေဘဲ တက္ကစီသမားပြောသည့် ဈေးအတိုင်း ငှားလိုက်သည်။
တောင်သမန်အင်းကြီးသည်  နှင်းမြူတို့ အုပ်ဆိုင်းလျှက် လွမ်းမောဖွယ်ကောင်းလှသည်။
ခပ်လှမ်းလှမ်းက ဦးပိန်တံတားကြီးသည်လည်း နှင်းမြူတို့ ဝေ့ကာသီကာ ဖုံးလွှမ်းထားသည်။
ထို့နောက်  ပတ်ဝန်းကျင်ကိုငေးရင်းနှင့်ပင်  ရတနာပုံတက္ကသိုလ်ကို ရောက်ရှိလာခဲ့သည်။
ဒုတိယအကြိမ် ရောက်ရှိလာသည့် ကျွန်တော်ကို တက္ကသိုလ်ကြီးမှ နွေးထွေးစွာ ကြိုဆိုနေသည်ဟု ထင်ရသည်။
တစ်ချိန်ထဲမှာပင် အားလျော့စိတ်ပျက်မှုနှင့် အထီးကျန်ဝမ်းနည်းမှုကိုပါ ခံစားလိုက်ရသည်။
ဒုတိယအကြိမ်မှာ ပထမဆုံး အနေဖြင့် တစ်ယောက်တည်း  ဖြတ်သန်းရတော့မည်။
သူမရှိတော့သည့် ဒီကျောင်းကြီးမှာ တစ်ယောက်တည်း  ပြန်ရောက်စေခြင်းသည်  အနည်းနှင့်အများ   ကျွန်တော်ကို နာကျင်စေပါသည်။



။နှစ်။

"မေ့သွားမှာပါ။ နေနိင်သွားမှာပါ"
ဟု အကြိမ်ကြိမ် သတိပေးထိန်းချူပ်ခဲ့ရသည့်စိတ်သည် သူနှင့် အတူရှိခဲ့ဖူးသည့်နေရာဟောင်းတစ်ခုကို ပြန်ရောက်ချိန်တွင်ဗြောင်းဆန်လာသလိုပင်။  
စာသင်ချိန်မရှိသေးသောကြောင့် မေဂျာဌာနဝန်းကျင်ကို ပတ်ပြီးကြည့်နေမိသည်။
ကျွန်တော်သည်သာ ပြောင်းလဲသွားခဲ့သည်။ 
စာသင်ခန်းလေးတွေသည်  ဆေးရောင်မှိန်သွားသည်မှအပ ဘာမျှထူးထူးခြားခြားပြောင်းလဲခြင်းမရှိပါ။
အခန်းတစ်ခုရှေ့ကို ခြေချမိသည်နှင့် အတိတ်က ပုံရိပ်တွေသည် လျှပ်စီးလက်သကဲ့သို့ ရိပ်ကနဲ ရိပ်ကနဲ ပေါ်လာ၏။
မှတ်မှတ်ရရ ဒီအခန်းလေးသည် ပထမနှစ်မှာတစ်ခါ မဟာတန်းနောက်ဆုံးနှစ်မှာတစ်ခါ  နှစ်ကြိမ်တိုင်စာသင်ခဲ့ရသည့် အခန်းဖြစ်သည်။
ပထမနှစ်မှ သူနှင့် စတင်ဆုံခဲ့ရသော်လည်း ငယ်ပေါင်းရင်းချာများကဲ့သို့ ကျွန်တော်တို့သည် အရင်းနှီးဆုံး သူငယ်ချင်းတွေဖြစ်ခဲ့ကြ၏။
ကျန်သည့်  အရာတွေ တော်တော်များများ သဘောထားခြင်းမတိုက်ဆိုင်ခဲ့သော်လည်း စာအုပ်စာပေချစ်သည့် ဝါသနာခြင်းတူ၍လည်း အတွဲအညီဆုံးဖြစ်ခဲ့ရ၏။ ထိုအချိန်မှစပြီး သူ့အပေါ်တိမ်းညွတ်ခဲ့သည်ဆိုရင်လည်း မမှားပါချေ။
သို့သော် ချစ်တယ်ဆိုသည့် စကားကို ကျွန်တော်မပြောဖြစ်ခဲ့ပါ။
ထိုကြောင့်လည်း မဟာတန်းအထိ ကျွန်တော်တို့ အဆင်ပြေပြေတွဲသွားနိင်သည် ထင်ပါ၏။