قصة بالهجة العراقيه
فتاة تعشق احدهم ويبقى كتمان المشاعر والاذى في الحب والمها مشاعر مكتومة بقلبها فكم سيسع هذا القلب حبا وهل تعترف ام سيكون للعشق قول اخر؟؟؟؟
سارة: من يوم دخلنا بيت عمي ابو خضير اكو اشخاص ما اتحملهم ولو بيدي اسمعهم كلام من اللي يعجبهم بس حافظت على هدوئي مو لشي لخاطر والدي لا يتفشل وياهم بسببنا اول واحد ضوجني كان مصعب شايف نفسه وحتى من يحجي ويانا من وره خشمه ويباوعلنا بنضرة تعالي من يحجي ويايه ابد ما يباوع الي كل كلمه طلعت من حلكه خلال اربع ايام غثتني اللي اشوفه هو وزوجة خضير وعمتنا سهيله حزب وعزلوا نفسهم عنا وراح بعيد مصعب يعتبروه ابن عمتي سهيلة لان هي فايتها الزواج ومن كبرانه مربيه مصعب فكله يصيحلها يوم ويمه وامه الحقيقية يسميها امي عرفت سبب عدم تقبله النا واسلوبه الجاف ويانا تأثيرات عمتنا المصون اكيد اللي لحد هسه ما تباوع النا الا بنظرة استهزاء وكره
ينتقد لبسي وينطي اراء كدام الكل وجدي يسانده بكلامه همه السبب مكبرين راسه وكلامه مسموع بالبيت وحتى الشيخ خضير اكبر منه وافهم بس يسمعله اني ابد ما حبيت تسلطه وجبروته اول يوم شافني نزلت بالتراك حجه وما سكت وكدام الكل فشلني وخلاهم يحجون ووالدي طلب نلبس كلابيات واني بعمري ما لابستهم بحيث اشيل كلابيتي لحد ركبي حتى امشي مرتاحه وما اعثر وحتى بهاي ما خلصت منه كل ما افوت من يمه يخزرني واعرفه يريدني اذب طرف ثوبي بس اني عناد بي ارفعه اكثر واطلع رجلي
حاولت اعرف اساس المشكله القديمه وليش امي ما تقبل تجي ولا تريد تتصالح ووالدي ما كدر يجبرها تتصالح ويه اهله واذا هي صدك تريد خاطره ليش ما قبلت عالاقل تسلم عليهم بالموبايل ادري بريم تعرف كل شي ومسولفين كدامها بس ابد ما نطتني اي معلومة ودائما تتهرب من اسألتي سالت جدتي ما قبلت تحجي الي اي شي وكالت لا تفتحين دفاتر قديمه وامج احنا نعرف شلون نخليها ترجع تواصلنا وترجع مثل اول واحسن صح كلام جدتي كان مبهم بس فهمت انه ببالهم شغلات يجبرون امي بيها تجي اني كنت ماليه ايدي من مسألة الزواج من اولادهم ما اسويها وببساطة ارفض واللي يردوه يسووه ما اخذ منهم اني لو يذبحوني هم بقريه وهم بعيده عن بغداد وهم بالجنوب اكيد ما اقبل المكان هنا صح حلو والطبيعه رائعه وبساتينهم حلوة بس على كد ما اجي سفره يومين وارجع مستحيل اعيش هنا هو اموت من البك والحشرات ومن تكرصني بكايه اضل الليل كله احك وشويه اكوم ابجي يريدوني ابقى هنا غير اموت ثاني ليله قضيتها كاعده للصبح لان كهرباء ماكو والليل كله يكرصني البك اختنكت وضجي حيل وبس طر الفجر باول شعاع نزلت ركض اريد اكعد بره حارة والبيت يسمط الطل كانوا نايمين والبيت ساكت وهدوء كلش طلعت من باب المطبخ الخلفيه للحديقه الخلفيه اللي وراها تجي البساتين مالتهم كعدت هستوني عالكرسي اجانر جلب يركض من بعيد المشكله ما اكدر ارجع للبيت اخاف منه يعضني رحت دخلت بقفص الدجاج وسديت الباب مالتهن عليه لابسه كيمونه وبرموده ومشايه ام الاصبع لونهم كريمي يا ربي شلون لة بيه اصيح والم الناس ويشوفوني هيج ولا اني سباعيه واكدر اطرده لهذا اللي كعد بباب القفص ضليت ربع ساعه على هالحال والجلب مكابلني اكوله هش ما يروح هو مبين اليف لان ما ينبح ولا خوفني شويه وانفتحت باب المطبخ طلع مصعب اووو كملت هذا اللاخ لو باقين عالجلب هوايه احسن شفته شايل ماعون بي بقايا اكل ويصيح للجلب اسمها سونا اذا كل هاي ومسميها سونا فوكاها طلعت بنيه راحت سونا تركض اله واني استغليت انشغاله وياها ويمرغها ويبوس بيها طلعت ركض اريد ارجع للبيت حظي الفكر سونا طلعت تحب تتصارع ويه البشر الظاهر الاستاذ معلمها بعدني ما وصلت للبيت ما اشوفها غير تذب روحها عليه واني وياها بالكاع تمدني من خذلتي وخوفي كمت بس اضرب وادفر بايدي ورجلي ومغمضه عيوني وابجي وعيت لنفسي بالكاع ومصعب يباوع الي بنضرة استغراب لان هو اخذها واني مستمرة مثل المخابيل كمت نفظت ملابسي حتى بطني طالعه كلها شعري تخربط كمت لكيت نفسي هالنوب هاي ما تعوفني وكل شويه تجيني ركضت وره مصعب صار بيني وبينها ومجلبه باكتافه وكل شويه اعيط ويرزل مو همزين محد طلع وكلهم نومهم ثكيل جان شكلت وشحجيت ملابسي اتبهذلت اصلا اني شطلعني هيج اووف شلون موقف لحد دخلت للمطبخ من عمري راح سنين من الهبطه دخلت عالبراد اشرب ماي وايدي ترجف ومصعب اللئيم كل ما اندار عليه اشوفه يضحك شكد حقير عدلت ملابسي كدامه وسحبت شعري رجعته كدامه ومشيت بكل ما عندي من ثقه رجعت لغرفتنا وحتى شكرا ما كتله بس المشكله نظرة مصعب ولمساته لخصري وهو يحاول يهديني خلتني احس بشغلات غريبه خوف وضوجه كان شعوري وراها وفشله شلون راح نلتقي بهاي الايام اللي راح نقضيها هنا وهذا المتعالي المغرور شلون راح اكدر بعد ارد عليه لو ضوجني او ضايقني ضليت حايره بهمي ونسيت كل شي بس من صار العرس نسيت واندمجت ويه ريم واخواتي والملابس والعطور وغيرها لان هالشغلات عندي اعز من كل شي ومة انتبهت ولة درت بال لمصعب رغم هو كان ما يسكت وكل شويه يضوجني بسالفه بس اتجاهلته
مودة: الايام اللي قضيناها ببيت جدي كانت كارثيه وكلام خضير خوفني اكثر شنو يعني بباله ولشنو يفكر كل ما نصير بمكان وتلتقي عيونه اشوف بعيونه كلام اني خايفه منه ارتاح هو من عرف اهلنا مختارين غدير لجعفر بس واني كل ظني خلص هاي المشكله ما يريدني اتزوج منهم لان ما يريدني قريبه من نزلت وتعاركت لاجل غدير اشوفه هو ضاج اكثر من والدي وعصب وبس ساكت وياكل بنفسه بس خلصت العركه وياهن صعدت لغرفتنا اشوف غدير شويه وابويه كال اطلعي بصراحه مو طبعي اتجسس على احد بس ما رحت بعيد وكنت واكفه يم الباب اتسمع الهم شيحجون ما اريد غدير تتورط بجعفر لان صدك مو طبيعي ويريدوها تتورط بي خلال استماعي الهم ما حسيت الا بالايد اللي تجرني وياها اريد استوعب شنو خضير هذا ووين موديني دخلنا بغرفه من غرف الطابق الثاني وقفل الباب اني هنا لو انذبح يمكن ما بيه قطرة دم وحدة من خوفي وهذا خضير الهادئ الحكيم اللي سلموه العشيره كلها لان يعرف يتصرف بهاي اللحظات كان متحول وحش والله خوفني من كل عقلي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-انت ما افتهمتي كلامي البارحه بي شي مو واضح ما استوعبتيه -اأاي كلام ما ادري عن شنو تحجي بعدين مسائل عائليه بيني وبين اختي ما تخصك -تسكتين لا افرك حلكج والله... شوفي مودة اختج انخطبت لجعفر انت شعليج لو جنت تريدين بمكانها
-اسكت عيب عليك تحجي وياي بهالاسلوب منو سمحلك -اني سمحت لنفسي مو تكولين مسائل عائليه وما تخصني اكلج تخصني ما دامها تخصج فاهمه مودة واي تصرف تتصرفي انت احسبي حسابج يخصني لان يا مودة انتي وببساطه وبدون لف ودوران كلج تخصيني وكلها فتره حتى لو اختج ترفض او توافق على زواجها انت راح تنجبرين تتزوجيني افتهمتي
-انت شنو شايف نفسك تخبلت.. انت رجال متزوج وزوجتك بنت عمي لو صدكت نفسك صرت شيخ تره على نفسك مو عليه ما كملت كلامي اجاني راشدي فر راسي خلاني ما اعرف بشنو افكر ولساني حسيته مشلول ما اكدر احجي كمل هو كلامه
-شوفي انت بنت عمي متزوج وحدة لو اربعه ما الج دخل افتهمتي انت ما تتزوجين غيري ومنهيه والنهوة عدنا ماشيه مثل السيف وروحي خل اشوف اللي يقرب الج منو اذا رفضتيني كلها فتره وانت وغدير اثنينكم هنا ببيتنا افتهمتي واذا هي مخيره انت تمشين باللي اريده وهذا اللي اريده اني افتهمتي
طلع خضير وعافني صافنه هذا اتخبل شنو يجبرني يعني وتصير هاي ضرتي عزه هذوله مو صاحين كلهم وينج يا امي الحكي بناتج كلنا راح نضيع وبابا كل همه امه وابوه يرضون عنه حسيت بانكسار لاول مره بحياتي اني مودة صاحبة الشخصية القويه اللي اذا امشي بمكان الناس تخجل تشير الي هيج يصير بيه وانضرب ما هانت عليه نفسي والله يا خضير نجوم السما اقرب الك من مودة بهذا الاسلوب اني الك.... --------- ها شلونها عائلة المشخوطين حلوة مو ههههه
