قصة بالهجة العراقيه
فتاة تعشق احدهم ويبقى كتمان المشاعر والاذى في الحب والمها مشاعر مكتومة بقلبها فكم سيسع هذا القلب حبا وهل تعترف ام سيكون للعشق قول اخر؟؟؟؟
هذا البارت خاص بخضوري ،خضرة حسب الالقاب اللي طلعتوها تصبيره وانتظروا بارت ثاني احبكم حبايب ----------- مودة كل الفتره ببيت اهلي خضير يجي بس لسانه ما يطخ لساني زعلان يمكن مني واني مرات اكول اني استاهل صديته وهو حقه يزعل وارجع اكول لا مو حقه اني كنت مصدومة بي وما شفت منه الا العصبية والغصب والاجبار ومو هاي الحياة اللي ردتها وياه
جعفر ضل كل يوميه يجي ويسولف ويه غدير ومرات نلكفهم يسوون وكاحه اني ارزلها وما يفيد بيها يمكن جعفر بمكان ما هي تعقله خبلها تالي كام يحجي ويه ابونا وكل مره يضل يسمعه حجي يريد غدير وامهم من تجي تشوف ريم وتشوفنا هم تفتح الموضوع وياه تكله خلي البنات يرجعون ويايه والدي من كثر ما حس بذنب بقضية سارة صار يخاف يكول النا على شي تالي بعد الضغوط فتح الموضوع بصيغة طلب مو امر رادنا نرجع لبيتنا بس اللي حز بنفسي خضيير ما اجا ولا هو اللي اقترح نرجع واني رجعت وجهي بارد هو ماكو يستقبلني تلكتنا عمتي سهيلة بس هالمره مكسورة وما تحجي وابد ما تباوع بوجهنا مصعب هاج من البيت وهي النهار كله تتصل عليه وتبجي حتى يرجع وحتى امه تتصل بيه وهو ماكو لما وصلنا جعفر اخذ غدير ولغرفتهم واني بقيت كاعده شويه بعدين صعدت لغرفتي اللي على وضعها مثل ما عفتها ضليت كاعده بيها لحد ما صار وقت العشا نزلت احضر بعشاهم والبيت فارغ حمويني طالعين وجدي وجدتي وعماتي كاعدين بالاستقبال وخضير ماكو فتحت باب الثلاجة اطلع شغلات العشا انفتح باب المطبخ سديت الباب صار خضير مقابيلي ضل مثل المصدوم نطاني علاليك المسواك من ايده -الله يساعدك قواك الله -سالمه بنت عمي هلا بيج -احضر الك ملابسك حسيته ارتبك بس تدارك نفسه ورجع يحجي بخشونه وياي -لا مشكورة اني ادبر نفسي راح وضليت واكفه اني بمكاني اباوع لطوله الحلو ومشيته الحلوة انتبهت لروحي ورجعت للطباخ منو من عدنا غلط ما ادري هو غلط اي ولازم هو اليعتذر اني مو جهاز للانجاب اني بشر ومستحيل اشيل ابنه واني ما احبه لو مو راضيه لازم يصلح اللي سواه وشويه ارجع اشتاق واقول اني زودتها وياه وحس بأهانه لان هوايه رفضته شي اكيد يزعل وهسه لازم اني اصلح كل شي سارحه بافكاري انمدت ايد عالطباخ وطفته من يمي فاتت فزيت منها انداريت هذا خضير -دير بالج الاكل احترك خلي بالج وياه -لا ما بيه شي باوعت الاكل صدك شويه ويحترق راح شرب ماي من البراد وطلع من المطبخ حضرت كل شي ونزلت غدير عاركتها شويه الما يستحون -لج مو عيب فضحتينا عاد خلوها لليل لو ما تكدرون فوكاها جدتي عبالك متعمده تحرجني كل شويه وصاحت عليه تسألني عليكم عابت فضحتينا ثكلي شويه شكد اضل اعلم بيج -خايبه سكتي احسن لو بيج خير مو صارلج كومه متزوجه وما دبرتيها وهاي عود خضير يحبج وميت عليج واخذج وهو رايدج بس اني ادري انت ما بيج خير وكضيتها براسه مثاليات يا اختي من توصلين يم الحب عوفي المثاليات بره الغرفه ما توكل خبز احلى شي الواحد يسوي كل اللي بنفسه وما يفكر بين قوسين عقلج ويه خضير طردي بره الغرفه والخجل ضميه جوه المخده لحد ما تخلصون فاهمة عليه لو اشرح اكثر اسمعيني اختج الفاهمه صح دا تعلمج -ولي ما تستحين شنو هالكلام منو كالج اريد اسمع هيج نصايح غبيه مثلج -ههههه خليج عيني بداعة اعزازج مودة هم فد يوم خضير شافج لابسه ثوب قصير لو بدون ردن -انجبي -ههههه مو لان اني متأكده ما اسألج بس شوفي جنتي تكولين متزوج واخذني للخلفه مو لان يحبني صح كلامي هاي قبل بس هسه اتأكدنا من حبه من كل همه انت ما تنقهرين وسوه كل شي لاجل لا تبجين خضير رجال وشيخ صدك انطيه مجال لا تخليه يجيب وحده عليج تسود عيشتج خيه الغيره تموت اسأليني كل ما يصفن جعفر اني اغار وهاي هي ميته صارلها كومه بس جيبي عقل اللي يفهم كلام غدير صحاني لنفسي وصرت ابرر لخضير واطلعله اعذار بنفسي كنت كاعدة يمه عالسفرة وهو ياكل واني لا قرب الي الاكل بدون ما يحجي اكلت شويه وبطلت ووراها كملوا وعزلت المطبخ والبيت والكل راحوا لغرفهم واني بقيت كاعده وحدي على كرسي بالمطبخ ما اعرف شنو اريد لو شسوي خضير كل ظني نام واني كاعده هو دخل للمطبخ وكعد مقابيلي بس بعيد -ليش لساج هنا ما صعدتي لغرفتج -ما جايني نوم ومكاني متغير -اي حقج مكانج مو هنا مو صح -ما اقصد شي بس ...... خضير اني ضايجه -منو مضوجج احد سمعج كلام احجي -لا -جا شنو الي صار كولي عمتي سهيلة رجعت تضوجكم -خضير محد مضوجني يلا تصبح على خير اريد اصعد انام وكفت اريد امشي لزم ايدي وهو كاعد جرني اله خجلت هوايه هالنوب كعدني بحضنه -ها لساج ضايجه -لللا اريد اروح -يلا اخذيني وياج اليوم اني اريد انام بهالحضن فتحت عيوني بقوة عليه -يا بويه قلبي لج عيونج بعديهن راح يموتني لا تباوعيلي اذا اكو شي خلاني اتسودن العيون ولج صرت اشك انت مسويتلي سحر - هالنوب سحر هههه -اروح فدوة للضحكه دنكت واحس نار تطلع من وجهي رفع راسي واجتي عيوني بعيونه احس روحي اختبصت ما اعرف شسوي انفذ اللي كالته غدير لو اتصرف مثل كل مره بين ما كاعده افكر هو بادر واخذ روحي بشفافه اللي انطبعت اعلى رقبتي يمكن ردت اموت لان كلبي كام مو يدك ينفض نفض كمت من حضنه وصعدت لغرفتي وقفلت الباب عليه ما اكدر اني جبانه ما اكدر والله اموت جنت امشي بالغرفه ذرعتها روحه ورده يجي خمس مرات ورقبتي كثر ما مسحت بوسته منها اباوع عليها صارت دم شويه واندكت الباب خفيف احس الهدوء اللي بالبيت صار ضوضاء براسي وهوايه ناس تحجي بس صوته سكتهم كلهم -مودة افتحي الباب حبيبتي اريد اسولف وياج شايفين قصة الذيب والعنزات الصغيرات اني هيج تخيلت نفسي جاوبته بصوت كله اصرار -روح ما افتح -ها -اي ما افتح -ههه زين بس نتفاهم -روووح -تطرديني -اي -ماشي يلا راح اروح بس تره زعلان منج ابقي هنا واني راجع لغرفتي وانت تحضري لعرسي الجديد ......سمعته راح عزه هذا يسويها اني اعرفه من يكول شي يسويه فتحت الباب وركضت للدرج اشوفه وينه ما لكيته اكلني الهم وافرك بأيديه نزلت لغرفته ماكو يا ربي وين راح رجعت لغرفتي والوم بنفسي بصوت عالي سديت الباب التفتت من فرحي ما اعرف شسوي كان متمدد بفراشنا فتح ايديه - تعالي يلا -ها -وجعا تعالي شلعتي قلبي ما اعرف شسوي جزء مني يكلي روحي اله وكافي عناد والجزء الثاني يمنعني ولو هذا الجزء بشر الا اخنكه بهاللحظه اريد خضير وخجلي وخوفي يوكف دائما بيناتنا تالي تشجعت وتقربت اله بس احس حتى شعر راسي يرجف ما نطاني مجال وهو هذا الشي الحلو بعلاقتنا خضير نار ويشتعل واني قطعة جليد بعالم كله ثلج والاحلى بدون تفكير ولا كلام لكيت نفسي بعالمه وصرت مثله حسيت البرود اللي عندي اشتعل مو وقت طويل ومثل اعصار يضرب جزيرة وما يبقى بيها شي مثل ما هو كانت هيج علاقتنا بس بعدها وعيت على ضرب خضير لخدي يصحيني -مودة !!! اصحي حبيبتي شبيج افتحي عينج بيج شي مودة كوه فتحت عيني وسحبت ايده لفيتها عليه ونمت وما كعدت لثاني يوم الصبح واحلى احلامي شفتها بهاي الليله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-صباح الخير عروستي -ههه -اروح فدوة للضحكه دنكت خجلانه من اللي صار -يبووو ي عالخجل يموت -يلا نسبح وننزل -شعدنا نازلين اليوم احنا عرسان -لا خضير عفيه...... كلتها بجفله -شكو شبيج مخبله راح تنجلطين اليوم ما ننزل تبقين وياي -عندي شغل وكفت جرني وكعني مره ثانيه -لج ماكو شغل غيري -غدير تضحك عليه البارحه رزلتها لان ضلت بغرفتها -هههه خلي تولي هاي تغار منج والله -لا تحجي على اختي -واحجي على اهلج كلهم اذا حاولوا يبعدوج عني بعد هو يسولف واني اباوع لشفافه وافكار غريبه تجي ببالي بس اطردها -ها يلا فضيها شوكت راح تسويها ننتظر هوايه -شنو هي -شكد باردة يبوو البوسه شوكت راح تبوسين -خضير!!! -اووف حبيبتي مو مصدك تعالي اشو خلي اتأكد حضني قوي لدرجة اضلااااعي وجعوني وطال الحضن وطال بقاءنا سويه وما قبل انزل الا شبع مني ادركت كلامهم وفعلا اني جنت باردة وجامدة بس الاكيد ما راح ابقى هالشكل لا اني اقبل ولا خضير يسمح بهالشي
