قصة بالهجة العراقيه
فتاة تعشق احدهم ويبقى كتمان المشاعر والاذى في الحب والمها مشاعر مكتومة بقلبها فكم سيسع هذا القلب حبا وهل تعترف ام سيكون للعشق قول اخر؟؟؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سارة خلصت اول سنه من كليتي ومن يوم اللي رجعت من بيت جدي ما رحت بعد كل ما يروح والدي مودة ما تقبل تروح لان اعرف بيها ما تحب القرى ولذلك ابويه يروح وحده ومرات ياخذ وياه احمد اللي صاير يدور عذر حتى يروح لهناك طبعا احمد من شاف ريم وهو لازك ببيتهم بحجة غدير وعود اخوانها اصدقاءه ضل يروح وكل مره يجي تايه اكثر عرفت وكع
بنات خوالي وخالاتي صاروا ما يجذبوا رغم حلوات وانيقات الظاهر اخونا تفكيره انسلب وحتى هديل اللي كانت المقرر يتزوجها تعاركوا بسبب الحجاب وعافها بس كانت اكوا مشكلة وحدة صح ريم فتاة وحلوة ولطيفة بس تبقى البنت القروية القوية موجودة بداخلها وتشوف احمد ما يفيدها لان على كولتها اخوكم المايع مرات اصفن ليش تسميه المايع وارجع اتذكر معصب اللي هو عينة من اخوانها واني نفسي ارجع اكول عن اخويه مايع صح يروح جيم ونوادي وجسمه رياضي بس يضل مايع لان اذا ضربته الشمس ينام بالفراش شهر وبشرته الترفه البيضا تصير مطكعه من الشمس وجايين يريدون ريم اللي ينصبون عليها اخوتها يكولون من جانت صغيرة كتلت حيه وشالتها وتركض وره جهال الطرف تخوفهم بيها هههه لازم اكو بالزواج تكافؤ وريم واحمد مثل ثلج ونار اذا اتقربوا واحد منهم لازم يغير حالته بعد ما عطلت وهالسنه احمد متخرج اقترحوا عزيمة التخرج تصير ببيت جدي وكلنا نروح هناك شكد حاولنا نقنع ابويه يغير قراره ما قبل وكال اني اريد اسوي عزيمه لاهلي كلهم ورجعنا لموضوع روحتنا لهناك ورجع القهر شلون راح التقي بمصعب ويكعد يتحكم بلبسي وشعري واني حتى بابا ما يحاجيني عنهم وهذا حاطني براسه وصلنا لبيت جدي واستقبلتنا غدير اللي متغيره كلش لابسه حجاب وكلابيه طويله وجانت سعيدة جدا خصوصا وهي حامل بطفلها الاول وبطنها كبرانه حبيبتي بس لايق عليها الحمل وصايره احلى وكالعادة اول يوم كله بين عزايم واكل هوايه مصعب ما شفته اول ما وصلنا وهالشي ريحني اما احمد وريم فمثل توم وجيري بس يتعاركون كل شويه يندك بيها وهي ما تتحمل اله كلمه يتناوشون بالكلام ويسكتوهم والصدمه القويه لحد الليل بابا فاجأنا وطلب ريم لاحمد من جدي وطبعا وافقوا بدون حتى ما يسألوها كنا اني وهي بالمطبخ من سمعت الخبر كسرت سلة المواعين كامله وشالت سكينه كبيرة وطلعت للحديقه احمد بره كاعد هو ومرتضى ومصعب طلعنا نركض وراها والله عائله ما بيهم واحد وهو صاحي هاي العاقله الفقيره اللطيفه وكت الخبال جرتلنا الساطور
