البارت 2
(بقلم أنسام الشريف )
شمس...اي ادري ... اخذت الشال وطلعت داحط الصابون وطلع علي…
قبل لا اطلع باوعت على الكراج شفته مابيه احد مشيت
رحت امشي يم المغسله داحط الصابون
وانتبهت موجود الصابون بقيت احجي ويه نفسي
لعد شبيه محمد ثبر الدنيا مو هياته موجود
التفت داريد اروح جان انضربت بصدر علي صار راسي يم صدره هو اطول بحيث اوصله يم جتفه
هو ابتسملي كال…
اني كتله ماكو شبيج ادردمين ويه نفسج
اني بسرعه ابتعدت منه دخلت للمطبخ سديت الباب بقيت واكفه وره باب المطبخ وكلبي يدك قووي جان تدخل علا...
علا...هااا شبيج
شمس.. مابيه شي
علا...لا واضح مابيج شي ...
شمس....علا شنو تحقيق داكولج مابيه شي....
علا.. لا مو تحقيق بس انتي روحي شوف وجهج شلون اصفر
شمس... ماحجيت وياه شي بقيت ساكته وهي فتحت الثلاجه اخذت مي وفواكه وراحت جانت يمي برده مال شباك المطبخ رحت فتحت البرده على خفيف شفته ديغسل بالدشداشه من الجاي
كمل سد البوري دار وجه يبتسم وصارت نضرته على الشباك اني راسآ سديت البرده ورحت للهول من الرجفه شويه ودخل كرم ....
كرم ... هاااا ولجن شلونجن
شمس... هلا بكرومي وينك من الصبح ماشايفتك
..حاولت احجي واغير ملامح شكلي لان كرم راسآ يلكفني....
كرم ... هلا بأم السان ولج كم مره كتلج مصيحلي بهيج اسم
شمس... غير اخويه وادلعك قابل ادلع محمد شايل خشمه
علا... لايسمعج يمعوده
كرم ... اشو هوسه اليوم شكو
علا... اي محمد عازم جماعته ...شمس انطين جهاز التحكم من يمج
كرم ... لعد امي وين
شمس.... هاج ....جوه بالغرفه متمدده
كرم ... خلي اروح اسلم عليه
راح كرم يم امي بالغرفه دك الباب ودخل يمه واني صعدت فوك وعلا بقت كاعده بالهول اتابع مسلسله مال باعت الورد....
كرم ... هاا يمه شنو نايمه
ام كرم ... لا .كلت اتمدد شويه ... فرح اجتي وياك
كرم ... لاعفته بيت اهله كالت امي تعبانه
ام كرم ... سلامته مشوف شر ..يمه انت متشعي لو اخلي علا تصبلك
كرم ... اي والله ميت جووع انتو شمسوين عشه
ام كرم ... دولمه وسمج على زلاطه
كرم ... اي خليه صبلي واني رايح اسلم على الشباب وارجع ام كرم ... خوووش ... علا تعالي صبي لخوج عشه
علا ... اي جايه.... هسه وكتهم هستوني كعدت
كامت علا اسوي العشه وهي شكد اضوج من احد يأمره وهي دتابع المسلسل لو الدنيا محتركه اتابعه وكرم راح يم الوالد ..
اجه محمد واكف يم الدرج يصيحني نزلتله ...
محمد ...شمس وينج… .نزلي النركيلة من غرفتي
شمس .. جان حجيت هسه الا تنزلني والله احس ظهري انكسر
محمد...يله جيبيه وبعد ماصيحج
شمس... ماشي ...
دخل كرم الاستقبال....
كرم....السلام عليكم
الكل ....وعليكم السلام هلا بكرم
علي.... هاا عريس شدعوه كمنه منشوفك
كرم ... ههههههه والله عندي شغل
ليث... شدكول نزوج لو نبقه عزابيه احسن
...ليث اكيد تعرفونه لان عرفت عليه بالبارت الاول ...
أنت تقرأ
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
