البارت 18
(بقلم أنسام الربيعي)
اتفاجئت بيه وفتحت عيوني ع كبرهن واباوع ع فرح بصدمه وهي تشرلي شكوو وعيوني تدمع.....
فرح.. هاي شبيج متحجين شكالج
شمس...سد تلفون بوجهي ..حتى معرفني احجي والعبره خانكتني
فرح ... اي دكي مره ثانيه اخاف كطع عنده
شمس...رجعت دكيت عليه مره ومرتين وثالثه وماكو مدايجاوب ..فرح انغلق الخط معقوله عافني
فرح.. انجبي عافج شنو اخاف صارت عنده شغله اكولي يالله...
امبين علي صوته مخنوك اكيد صاير شي وياه مامعقوله يعوفني ويروح....
يارب ساعدني بس هو ليش معرف صوتي وجع راسي ذبحني لزمته وكمت افتر بالغرفه اروح واجي ....
كعدت ع جربايه وكل ساعه اطفر يم شباك واكول هسه راح يجي وماحس اله الباب اندفرت دخل محمد امي وراه كمزت من مكاني ....
محمد... كوومي لج غسلي ملابسي كولهن
ام كرم ... يمه اني اغسلهن الك
محمد... لا هي اريده والكعبه اذا معجبني الغسل اشكهن فوك راسه
شمس.....محجيت ولا كلمه رحت لغرفته اخذت الملابس وحطيتهن بالاغساله لحدما خلصن غسل اني بس ابجي...
اخذتهن وصعدت فوك اشرهن ضربتني نسمات هواى كعدت اخذ شهك وزفير لحدما دخل هواى نقي جوه صدري ...
نزلت ....
علا...وين جنتي تعالي تعشي يله
شمس...ماريد مامشتهي اكلو انتو
علا... شمس انزلي منريد مشاكل بتالي اليل
وهمه واكفيلج ع وحده
نزلت رحت للمطبخ مالي عين اباوع بعيونهم صبو العشه ويه كعدتي ع صينيه محمد كال ...
محمد... كومي ما أريد اشوف خلقتج كدامي
شمس... صدوك ختنكت وبرطمت بلحظته باوعت عليه ياكل ومارفع عينه عليه اباوع ع اهلي محد حجه وياه ولا واحد ...
عفتهم وصعدت دخل الغرفه وسديت الباب وكعدت ابجي ع حظي وادعي ربي....
وماحس اله الصبح وصوت العصافير كمت لميت شعري
شفت عيني مورمه وصايره مثل كتله جراحه عقمته وحطيته لزكه ولو هي متفيد بس من المنظر الشكل ....
كمت نظفت البيت كوله والي يحجي وياه اطنش وماجوب احد ودوام مدوامت صارلي يومين لشويه جنت دا اكنس الهول ..
واجتني امي ...وينه مو كلتي يجي اشو صار يومين وماكو
شمس... واني شدراني حالي حالكم ماما اني تعبت لاتصيرين انتي هم عليه
ام كرم... يمه اني ماكرهج بس غلط السويتي وتعاي شوفي اخوج شلون تعبان
شمس... ليش شسويت اني قابل كفرت دنسولف
و اندكت الباب ..
أنت تقرأ
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
