البارت 31
(بقلم أنسام الربيعي)
فتحت حلكي واباوع على عمر وابلع بريكي عمر يباوعلي وعيون صارن دم ... اسمعني عمر ....
..تتواعدين من وراي شمس...
...عمر والله مابيناتنه شي بيش تريد احلفلك ... جرني من زندي كال ...
... جنت رايدج وشاريج ماحجيت وسامحتج كلت انسه هاي لواحد بمكاني جان شمرج الاهلج فضحج بس اني الغشني كلبي كلت جاهله تكبر وتعقل بس مدام وصلت هيج لحضه وحده ماخليج على ذمتي ...
ادموعي عشره عشره جسمي كله يرعش اباوع بعيونه دم هدني وصعد سيارته وراح ...
واكفه بالباب وامسح بدموعي دخلت بساع بالكراج غسلت وجهي اخذت نفس وطبيت جوه شفت امي تصلي ...
ابويه على تلفزيون خليت صعدت بدون حس طبيت للغرفه نزعت حجابي لميت نفسي يم الجربايه ابجي ...
حسيت الباب انفتحت شويه رفعت عيوني اباوع يدخل محمد هنا جمد دمي من شافني بهاي حالاتي ...
اجه وكف فوك راسي ومن الخوف كمت بس اسمع دكات كلبي كال...شبيج تبجين ... يحجي ومخنزر ...
اباوعله وعيوني تصب ابلع بريكي كرفس يمي كال ... عمر مسويلج شي ... اني بس ساكته ماكدر احجي الساني ثكل..
...جاي احاجيج لييييش تبجين ... كلت ..عمر ..
كال..اي شبيه ... كمت من يم محمد اخذت نفس ...شفته ديراسل ابنيه ...
كام يباوعلي هز ايده وطلع اني كعدت على جربايه من الهبطه وشلون طلعت وياي مادري تمددت فكري متشدتد...
حاولت انام مكدرت كمت احوس بالغرفه احجي ويه نفسي وين يريد يوصل علي شنو غايته بهذا التصرف ...
نزلت جوه شفتهم يتعشون وملتمين كلهم صاحتني امي ...تعالي تعشي ... كلت ... ماريد .. طبيت للمطبخ ...
اخذت مي شربت سرح فكري بكلام علي يوم الخابرته عرفت شنو قصده من السواه اااخ لو بس اشوفه ...
حطيت الكلاس على ميز رحت للغرفه اتمددت وفكره تجيبني وفكره توديني غفيت ...
فتحت عيوني على ضوه الشمس كمت لميت شعري طبيت للحمام غسلت طلعت رتبت الغرفه نزلت صبحت على كل...
طلعوا الولد وابويه وامي وفرح ينضفن كمت حضرت ريوك كيمر و مربه حميت الجاي حطيتهن على ميزه ...
كملت ريوك بس صفنات كمت غسلت الامواعين للغده اجه اخواني صبينه غده الهم...
وللعصر كعدت اباوع ع تلفزيون اكلب بالقنوات مثبت على قناه بالي كله يسـأل شراح يصير...
سمعت صوت نسوان بالاستقبال كمت اسمع عرفه صوت ام عمر هاي وكفت واستمع من وراه الباب كالت ...
أنت تقرأ
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
