وجع قلب 💔

البارت25

البارت 25

(بقلم أنسام الربيعي)

احجي وابجي .... تعبت كااااافي ارحمنييي ... لزم ركبتي ورجعني على كرسي السياره ويحجي ويسك بسنونه ...

لج حاااااربت الدنيا علمووودج وجاااايه تكلييي تعبت لج شسويتي فهمينيييي ....

وخر مني حطيت ايدي على ركبتي واشهك اريد نفسي يرجعلي وهو يصيح ... احجيلييييي ليش وافقتي ....

...تعبت ماكدر اتحمل من جهه انت ومن جهه اهلي كااافي ارحموني ...

..وترحين توتفقيييين لج شنو الحل الساااقط هذااااا وتبرير التافهه هاااا...

... مااااريدك علي ماااريدك ... يباوعلي وفاتح عيونه حمر مثل الجمر ... شششلون مسمعت ... ...

حاطه اديه على راسي وابجي جر ايدي ويصيح ... باوعيلييي شنو يعني متريدني .... جاوبته .. اي ماريدك وانساني ...

ضرب الستيرن ثلاث مرات ويصيح ... يااااااااربي ...والتفت عليه .. ترديينه مو كوووووولي ....

...كاااافي تصرخ عليه ... فتحت السياره داريد انزل جر ايدي وكال ... ويييين ... خلينيييي امووت واخلص من هالوجع ...

... حط راسه على ستيرن وكام يبجي ... شلون كلبج انطاج توافقين ...رفع راسه باوعلي ... لج يعنييبي عندج عادي بحضنه هيج تنشمرتييييي ....

بس ابجي واشهك يصيح ويضرب بصدره ... لج بعتينيييي انـتي شمس حساااافه خسرت صديق لوحده مثلج ...

باوعتله هو حرك سياره ويسوق سريع واني بس دمع تجري
واحجي بصوت همس .. مابعتك والله مابعتك .. وابجي

وصلنه يم الفرع باوعتله مباوعلي جر الباب من ايدي وسده قوي وحرك وراح الشارع ضلمه وبس ابجي وخايفه احد يشوفني ....

بهيج لبس كمت اركض حتى اوصل للبيت وصلت وخايفه افتح الباب وتجيني مصيبه فتحت جان شفت فرح كاعد يم باب المطبخ ..

اجتني بساع شافتني ولطمت على خده ... ييييمه شمسويلج ليش هيج وجهج ... كمت ابجي وكعت بالكاع ...

كالت ... كوومي فدوه كرم جوه ليشوفج ادخلي بالحمام غسلي واطلعي بسرعه ... هزيت راسي ...

دخلت غسلت وجهي بس دموعي مبطلت بجي اخذت نفس ودخلت للمطبخ فرح تكلي كالت ... صعدي بسرعه لغرفتج ..

صعدت شمرت نفسي على جربايه واحط راسي بالمخده وابجي شفت الحلقه بيدي شمرته بالكاع دخلتي فرح ...

فرح ...شصار احجيلي من اجه كرم كتله بالحمام البره وانتضرتج لحدما اجيتج وين رحتي ....

شمس... ااااخ يارتني ماطلعت ولاسمعت شكال يكولي حسافه خسرت صديق لوحده مثلج ...

شسووويتي اني كل الاريده ارتاح تعبت من وجع كلبي جاي امووووت فرح ...

حضنتي وغفيت بحضنه وال ساعه ب6الصبح كعدت نايمه على الجربايه كمت شفت عيوني مورمه وجهي شاحب ...

اذكرت الي صار ونزلت ادموعي رحت للحمام سبحت وطلعت
كمت افتر بالبيت وكلت لنفسي خلص كلشي انتهه ...

ولازم انسه احد بحياتي اسمه علي ولازم اعيش المشكله كل زاويه بالبيت تذكرني بيه كل موقف كل ضحكه شلون راح انسه ....

يكفيني وجهه عمر اذا شفته راح اذكر مستحيل انسهه ياااارب فتحت باب المطبخ اجتني نسمه هوى شرحت صدري ...

بقيت واكفه وماحسه بالوقت ال ساعه 8 نزلت فرح كالت ..شلونج اليوم ... درت وجهي .. شلوني الواني كله راحت..

كعدت على كرسي كالت ...شمس علي حقه ...باوعتله شلون حقه فرح انتي مشوفيني الديصير بحالي كل يوم كتل ورزاله
ومحمد قافل وعلي يهدد يذبح ويصلخ وعمر واهلي بجهه ثانيه
يعني اذا موافقت اخسر الكل فرح ...

نزل كرم ديريد يطلع صبح علينه كمت حتى ميشوف وجهي تعبان خلصنه انضف البيت ب3 ورجع محمد من دوامه ...

صبناله غده وفرح كالت ... شمس هاج ودي وصالحي خطيه ..
... اخاف يضربني ويكوم يصيح واني مابيه حيل بعد ...

....هسه انتي شخصرانه ودي وشوفي شيكول ... اخذت الصينيه جان متمدد على قنفه خليت الاكل بالكاع ...

رفع ايده شافني كال ... شيلي صينيه وروحي ... محمد الله يخليك سامحني وهاي اني وافقت على خطوبه ...

اشو ماحسه اله كام وجرني من ايدي.. وغصب عنج توافقين افتهمتي لو لا ... هد ايدي وصعد فوك باوعت لفرح ...

اشرتلي اسكت شلت الصينه وحطيته بالمطبخ انتظرت اهلي يرجعون اجوي ب6 العصر استقبلناهم ...

وجايبن من حلاويات النجف وكربلاء من حلاوه دهنيه هواي شغلات حلوه حتى امي جايبتلي تراك لون احمر ...

سالتني امي ..رجع محمد ..كتله اي نايم فوك ... كعدنه دنسولف على اجواء الزياره مانسمع غير الباب اتفلش علينه

امي كالت ...سترك ربي ... نزل محمد من الدرج يسال ...شكو هذا يا تثو هيج يدك الباب ...

راح يفتح الباب واحنه كلنه وراه جانت تدخل نور ... تصيح الله لايوفقه وينه هاي ام الرياجيل.. محمد سد الباب وصاح بيه..

احترمي نفسج وعرفي انتي وين واحجي بهدؤى... هي كامت تغلط وتسب ولايمه الحجي عاد شافتني واكفه يم باب المطبخ ...

اجتي يمه جرتني كالت ... الله لايوفقج هيجتي الزلمه من بيتهه من وراج عسنج لاتهنيتي بحياتج... بقيت واكفه مصدومه

محمد عاط بيه ... لاتعلين صوتج احجي العندج وبلا كلام زايد
هي راحت يمه تبجي وكالت ... علييي

&&&&&&&

.
.
.
يتبع

غلسو على السحكات هستوني كتبته بدون حتى مراجعه 😚😚

مع تحياتي
أنسام لربيعي