وجع قلب 💔

البارت 24

البارت24

(بقلم أنسام الربيعي)

داخذ العصير ويصير رمي وكع الكلاس من ايدي والجهال كله خافت كامت تبجي ....

كام عمر طلع بساع واني بسرعه باوعت الامي ...

طلع عمر واني ميته بس جسد موجود واباوع عليهم شلون منتظرين يعرفهم سبب الرمي دوخه لزمتني وعيوني غوشن

كمت اشوف بتشويش اريد اصيح على اهلي ماكدر صوت انبح لشويه ويدخل عمر يضحك وعيوني تباوع لعيونه تسأله...

كعد يمي واجته امه كالت ...يمه شنو هالرمي ... كال ...هذا واحد من الولد حالف أذا اخذ من بنات بغداد يرمي شاجور ...

هو يحجي وعيوني عليه ...
..يمه جاميصير بالخطبه جان عافه لعرسك ... هو باوعلها وضحك ...هاي بقت يمه ...

اخذت نفس واشرت لعلا تجي اجتي بساع ...اريد اكوم تعبت ...اصبري لحدما يروحن ... علا مختنكه من الفستان والله ..فدوه اتحملي بس هاي الساعه ...

لشويه وراحو هم طلعو واني ركض لغرفتي ابجي على شنو مادري ابجي على الجبته النفسي ولا ابجي لان مو علي طلع اليرمي ....

نزعت الفستان وغسلت وجهي من المكياج داغسل واشوف الحلقه بيدي اختنك كلشي بيه سديت البوري وطلعت ...

الجوه جانت هوسه موجودين بيت عمي واهل امي منزلت بقيت بغرفتي واليجي اسوي نفسي تعبانه ونايمه حتى مانزل ...

ثاني يوم الصبح عندي دوام طلعت بدون ريوك بس كعدت علا كلته طالعه والطريق كل خطوه امشي يصيح علي هناك ينتظر ...

احس طريقي يلومني ويعاتبني نزلت ادموعي وامشي امسح ادموعي يحركني ويجرحن خدي ....

دخلت للمدرسه باركولي البنات بس مريم مشفته سالت عنه كالولي بطلت واليوم خطوبته كلت الله يسعده ...

امشي وحدي لو اكعد وحدي بالساحه عاد فاتن بنات اثنين اسمعهن يكولن ...لج هي هاي جان صاحبه ينتظره بالمدرسه

لو ياخذه وياه وهسه انخطبت لابن شيوخ والله احظوظ جانت دايحه ولمه من الشوارع ....

اني سمعتهن هيج حجن متحملت كمت فتت من يمهن تفلت عليهن ومشيت وهنه كامن يصيحن... اعااااا شنو هاااي ...

خلص الدوام وطلعت واول ما راحت عيني على مكان الينتظرني بيه شفت واحد طابك بمكانه ....

خليت ورحت دخلت الفرع ومكانه فارغ كلبي بده يوحعني وينه ليش ماموجود ...

دخلت لبيت محمد جان كاعد على قنفه ...
باوعلي ورجع عينه على تلفزيون خليت وصعدت ماتغديت مالي نفس لاكل نمت وكعدت الساعه ب6 ....

كمت دالم بشعري دخلتي علا ...شمس عمر جوه انزليه ...
...كوليه نايمه ... امشي لج نايمه شنو انزلي ترى بابا جوه ...