البارت 30
(بقلم أنسام الربيعي)
لشويه اجتي سياره عمر وكفت بالباب درت وجهي واتافأف جان اشوف واحد واكف براس الفرع لمحته علي ...
اي وألله هذا علي نسيت اني واكفه وين منو يمي صرت بس اشوفه صارت عيني بعينه وضايع الكلام بيهن ...
وهاي اول مره اشوفه بعد مارجع اتمنيت اركض واحضن ابجي اشكي كل عندي بين اديه صارت بس العين تحضن وكلب يبجي ...
صعدت السياره وعيني عليه يباوعلي وعيونه ابد متحركت لا يمين ولا يسار كله غضب وشراره ...
طلعنه على شارع اباوعله من جامه السياره الورانه صار يبعد شويه شويه حسيت روحي التبعد عني ...
...مو جاي احجي وياااج ..درت وجهي شفت نفسي صاعده بسياره عمر فتحت عيونه والتفت يمن ويسار ...شصعدني هنا...
...شكو شبيج ... ..
...اوووف مابيه ...درت وجهي على الجامه مد ايده بساع وخرت ايدي ...شنو شبيج ...
... منا اخواني ... جا وشني يعني خطيبتي ولزم ايده ...مده ايده مره ثانيه رجعت سحبت ايدي ...
... اني ماريد تلزمني ... وليش متريدين ...
سكتت مجاوبت كال ...الله كريم ...
احجي وياه ورحي طافره لسماء شلون صعدت يمه مادري وصلنه لبيت عمي نزلت بساع دخلت للبيت وبدت الهوسات..
واكفه متحركت حركه بس اباوع وفكري يم علي شفت كومن علا يصعدوه رحت بوسته وباركتله هي فرحنا ...
صبوا العشه شفت مره جبيره ما يمه ماعون اخذت ماعون وانطيته كالت .. تسلمين يمه انشالله الله يريح كلبج ...
بساعته حسيت تعرف البيه ومنو شنو اعاني ابتسملته رحت كالوا راح يصعد العريس وكفت على صفحه ...
دخل حمزه وهنه كامن يهلهلن شافني غمزلي وصعد ضحكتله
رحت طلعت وكفت بالكراج اباوع على اليركصون ...
اجه ابن عمي الثاني وصلنه للبيت جانت اجواء كولش حلوه
دخلت فرح تصيح ...يمه رجليه موتني ...
امي كامت تحجي عليه لان لابسه كعب عالي وهي حامل
عفتهم وصعدت غيرت ملابسي حطيت راسي على مخده ..
اباوع للغرفه بس اني علا مكانه فارغ بجيت لان اشتاقتيله
مامتعوده تعوفني وحدي بس الله يسعده بحياته المهم تكون هي سعيده ...
غفيت وكعدت على صوت امي تريد تروح لعلا اخذت ريوك كيمر عرب وراحت اخذه ابويه كمت غسلت وجهي ...
وكعدنه نتريك اني فرح جان ينزل محمد باوعلي كال ..شمس حذائي الرياضي وين ... فرحت من حجه وياي ..
من يوم العرف علاقتي بعلي لهذا اليوم بده يحجي وياي كمت بساع طلعته ولمته وحطيته كتله ... اسويلك ريوك ...
أنت تقرأ
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
