البارت 23
(بقلم أنسام الربيعي)
لج ليش انتي مكيفه وتوافقين ويجوووون ويأكلون وطبخيلهم
شنو مكييييفه اني لو اريد جان قبلت ....وماحس اله كفخه على وجهه صوفرت اذني من راجدي .....
...حطيت ايدي على خدي واباوع عليه هو دار ويمسح بوجهه
...تضربني علي ..هه ماكو فرق بينك وبين محمد كلكم من نفس الطينه كل واحد يركض وره مصلحته ....
علي...
محترك ابوووي وعشيرتي واتكولين لو اريد مسحيه من بالج حتى تفكير متفكرين اتكولين اي
داريد اروح لزمني من ايدي كمت اصيح عليه ....عوووووفني
علي عوفني روح النور تلكاه منتظرتك ودزلك مسجات...
تلفونك الثاني حاطه بالسيارتك وتخابرها وكل هذا ومحجيت لان اعرف اني منو مو اكعد اشكك بنفسي ....
عفته ورحت وادموع تجري وامسح بدموعي وازيد بالبجي اكثر وهو كام يصيح وراي ...كوولي كووووولي موافقه لحركهم واحد واحد.....
هو يصيح كمت اركض حتى ماسمع صوته ولا اريد اسمع شنو يكول دخلت للبيت وركض للغرفتي بجيت لحدما مامليت ....
غسلت وبدلت ونزلت شفت امي كاعده تسبح رحت يمه رفعت راسه وكالت ....هايمته اجيتي اشو ماشفتج .... ماما اني موافقه ...
حضنتي وكالت ...يايمه ريحتي كلبي وعفيه عليج اخوج هذا وعمر مايتعيب ....هي تحجي وكلبي محروك من جوه ....
طب ابويه كال ...شلونكم بوويه ...امي جاوبته ...انشالله خير وتسمع الاخبار لتسر كلبك ... ضحك وكال خير انشالله ..
اني رحت لمطبخ واسمع امي اتكوله خابر وتوكل على الله مدام الامور مشت وخلينه نخلص من هالمشاكل والطلايب
خابر ابويه ابو عمر واتفقو على الخطبه وحددو اليوم محمد رجع للبيت بس ميحجي وياي ابد واني كمت لا اكل ولا اشرب ضعفت وجهي شحب ..
اخلص اليل ابجي على علي وافقت لان ماعندي حل غيره وعلي وصلت بي مرحله يضربني وشنو الي راح انتظره ...
اجه يوم الخطبه اخذت اجازه ورحنه من الصبح نشتري فستان اني ماحجي بس اباوع والي اتكول علي امي اكول اي ..
اخذته فستان لون بصلي دلع من كدام ومخصر عليه اطويل بنهايته بي كلوشه صغيره عبالك شلون كركش فرح حفتلي سوتلي المكياج ...
مضبوط شغله كلنه خطبه لازم شي بسيط مو هوسه
فتحت شعري و كصته كصته الاسد جان موديله طالع....
طلعت حلووه بس جان ناقصني شي هي ابتسامتي ...
اجوي جوارينه وبيت عمي واقرب امي نزلتي علا وفرح شافني خالي كريم...
كال...هالله هالله والله كبرتي يابعد خالج...باسني من راسي وباركلي
دخلت الاستقبال كله تباوع عليه كل احساس وحده مخطوبه ماعندي بس مجرد بالاسم ...
لشويه اجوي الجهال تركض يصيحون اجه العريس اجه العريس دخلن كومه نسوان وحده تهلهل ...
وثانيه التهوس بعبايته ... نتشكر من عمه وابوها نتشكر من كال اخذوه... هرجن الاستقبال هرج بهوساتهن ....
كالوا راح نعقد اجتي امي كومتني وكفت يم الباب والشيخ يكول ... تقبلين بزواج من عمر ابن عزام بالمهر المتفق عليه مقدم هلكد ومؤخر هلكد ...
سكتت ودمعتي حصرتني من كال اسمه واتمنيت يغلط بالاسم يكول علي بس كل هذا جان امنيه ...
امي ندستني كالت ...يمه احجي شبيج ...وكله واكفه منتظره موافقتي عاد الشيخ مرتين ....
كلت نعم ...وكله كامت تهلهل رجعت كعدت اجتني اخته الي اجتي قبل الخطوبه كالت ...شطالعه مشالله تجنيين مشالله عين بارده عليج ...
هنه يردحن واني ميت وجع داخلي واردد بداخلي ياريت موافقت لشويه يدخل عمر واخواته وراه يهوسن ...
....هاي الرادهه وهاي التمناهه ....
اجه كعد يمي بس عطره گفخني صرت لكمه يمه من ضخامته دنكت اشوف بس ايده البس بيه محبس اسود حاطه بالاصبع الصغير..
اجتي امه انطتهه يلبسني الكلاده وتراجي ميعرف يلبس اجتي اخته ساعدته لبسنه الحلقات وكل هذا مرفعت عيني وباوعتله..
كل ساعه ويمسح وجهه من العركه بالكلانس اجه ابوه باسني من راسي وكال ..صرتي منا وبينه بويه ... حط بيدي فلوس
وباس عمر كال ...بالخير بويه ..عمر باسه ابوه من راسه ورجع كعد ....
انوب جابو الكيك والعصير دتعالي وكلي ويوكلج...
داخذ العصير ويصير رمي وكع الكلاس من ايدي والجهال كله خافت كامت تبجي ....
كام عمر طلع بساع واني بسرعه باوعت الامي ....
&&&&&&&&
.
.
.يتبع
مع تحياتي
أنسام الربيعي
أنت تقرأ
وجع قلب 💔
Romance#انسام الربيعي عندما تزرع امل بأحد وبعدها تترك علامه اثر توجع له وانت لم تكن القاصد بذالك الوجع لكن الظروف كانت اقؤى من ذلك الامل ....أما اذ كان القدر قد اختار لك حياه غير خيارك ... ... .تأمل بان تكون افضل ولا...
