احزان القمر

part 1

قصة { احزان القمر }
للكاتبة كاثرين
الجزء الاول

حب من العركة الاولى
.
.
في حياتنا قد نلتقي باشخاص يصنعون لنا ذكريات لا تنسى .. بعضهم يبقى للابد و البعض الاخر يصنع فينا جرح كبير و يرحل تاركاً انين بكائناً الذي يمحو الابتسامة عن وجوهنا ..
( خلي نسولف شوي عن الفقدان .. تعرفون شنو معناه ؟ محد يعرف معناه الا شخص عاش فقدان اهله و ناسه فقد امه ابوه صديقة و حبيبة .. الانسان م يكبر بالعمر الانسان يكبر من يفقد شخص غالي ع قلبه ..
(ساترك القلم لبطلة روايتي لتكمل معكم قصتها و مسيرة حياتها التي ستتعمق في قلوبكم بما فيها من احزان و ألام ..
( شو قلمج م يكتب😐 هههه شكرا كاتي حبي😘 خلي اعرفكم بنفسي اسمي هيلين يعني القمر هواي اشخاص بحياتي يسموني قمر عمري ٢٤ سنة حاليا احضر لحفلة تخرجي الي راح تكون اخر يوم الي بالندن بعدها ارجع لاهلي و ل اروع و احن صديقة الي .. اني شخصيتي هادئة مرات مشاعري تصير باردة و مرات معوقة هههه شخصيتي حيل فكاهية احب كل شيء بي لان كل شي بي حلو😎 مو غرور لكن ثقة و حقيقة😎 ( كافي قمورة تره اهفج براشدي اصحيج و اعرفج الحقيقة شنو 😂 اوك عاد😒) المهم اني بيضة حيل و عيوني لونهم بني شعري قصير و دائما الناس تتغزل بشعري و عيوني هههه ( و تالي وي الغرور ههه) حلكي حيل صغير لدرجة اكل التمن بخاشوكة مال جاي هههههههه . اوف كافي كلام عني و خلي احجيلكم عن اجمل و احلى اهل بالدنيا هم مو بس اب و ام هم اصدقاء الي كل شي يصير وياي احجي الهم احبهم لدرجة اتمنى اصير لتراب الي يمشو عليه صار سنة م شايفتهم اوف مشتاقتلهم اني ادرس ب لندن بس هم كل عطلة يجون يشوفوني و هذه السنة م اجو لانو هي اخر سنة الي و ح ارجع ... المهم كملت حفلة التخرج و ودعت كل اساتذتي و زملائي و طلعت للمطار كانو اريد اشرد من هالبلد و ارجع لبلدي و الاهلي و ناسي ... خلال السنوات الي خلصتها بالخارج حسيت بغربه مو طبيعية كل يوم اموت الف مرة لاني بعيدة عن اهلي و بلدي صرت شخص كئيب و متوحدة و م تعرفت ع اي صديقة ..المهم سويت مفاجئة لاهلي و م كلت لهم اني راجعة للعراق .. من وصلت حسيت انو دا اشم الهوى و اخيرااا الهوى هم اهلي و صديقة عمري .. و اني طايرة من الفرح و دا امشي او اركض بالاحرى لاني اريد اوصل بسرعة فجاة ..انصدمت بولد و وكعن كتبي من ايدي لا مو بس كتبي اني هم وكعت اخ يا ربي .. رفعت راسي و اشوف شاب كووولش حلو اوويلي ملامح عراقية . تمثل الشهامة و الرجولة و اهم شي الغيرة العراقية من شكلة هيج حسيت جان طووويل ليكول ساريه علم و شعره اسووود و عيونه لونهن اخضر فاتح وجهه اسمر و كفشته تخبببل عذااب اويلي . رسم ع وجهه علامه الضوجة و رفع حاجبه و ضحك بصوت عالي .. ضحكته تخبل و كانو طفل يضحك لحظة هذا ع شنو يضحك :- غفوا استاذ ع شنو تضحك م اعتقد مهرج كدامك فاتح حلكك مترين ع شنو ؟؟ باوع بعصبية و رفع حاجبة و رد :- انتي الي ضربتيني و وكعتي حيل وياج حتى تمشين عدل مرة ثانية و م تركضين استغفر الله .. صرت عصبية حيل و اخذت كتبي من الكاع و وكفت . رديت بصوت هادئ :- علاج الجاهل التجاهل .. مشيت و اني اسمعه يصيح :- هوب هوب منوو الجاهل لج ماغيرج الجاهل لحظة لا تشردي اعتذري يلا تولين ..درت و اني اضحك باستهزاء :- هه اعتذر؟ لو تموت .. انت الغلطان مو اني انت اعتذر تقدم مني و كال و هو يفور من العصبية :- و محمد لو م بنت جان علمتج الاخلاق .. انصدمت بكلامة شنو يعلمني الاخلاق شكد جاهلل هذا :- اخلاقي افضل من الف مثلك لتحجي عن الاخلاق و انت م عندك ذرة منها ولا تعرف شنو هي اصلا .. ضرب جنطتي و كال بعصبية :- ولي من جهرتي لا و محمد ادفنج هنااا بنات اخر زمن بلاا اخلاق ... باوعت بعيونه و كلت و اني احاول اخليه يموت من العصبية :- قليل جدا من يملكون الاخلاق هم من يستحقون الاحترام اما البقية ف علاجهم كما قلت قبل دقائق علاج الجاهل التجاهل .. مشيت و اني احاول م اسمع صياحه الي جان يعبر بيه عن عصبيته الله يستر جان دفني عدله ههههههههه المهم غثيتة عابت هالشكوول اوي ... ( و جان تبدي المشاحنات وي ابطالنه تعالو وياي نعرف هالعصبي الصاك .. كاتي ابتعدي عني لا ادفنج .. خاب دطير ابو اعصاب عوفك من العصبية و عرف عن نفسك .. اووك هلو عيني اكيد كلكم كرهتوني و الله اني فقيررر بس هالبنية خبلتني اصلا هي الغلطانة ..اعرفكم عني اني امير عمري 24 كسلان ابوي هههههه اقصد وحيد ابوي ( هو هيج يسميني لان عدت بالاعدادية ) م عندي اي اخ ولا اخت امي ولدتني و ماتت الله يرحمها ام ابوي و ما ادراك ما ابوي واحد مخبل م يخاف من احد يسوي الي براسه مكرهني ب حياتي يعشق امي بجنون و من اول م وعيت ع دنية اشوف حزنه و دموعه م اعتقد راح ينسى .. اني طالب مرحلة ثالثة كلية طب اسنان (لخاطر بعض الناس😂) اني و ابوي عايشين ب بيت جدي (ابو ابوي) بس مقسوم نص الي اني و ابوي و نص لعمامي .. عمامي عبارة عن كتلة من الخباثة و الضيم يهتمون للعشائر اكثر من حياتهم .. م اريد احجي عنهم هواي لو حجيت عن تصرفاتهم الخبيثة م اخلص المهم اني هسة ادرس ب بغداد عند خالتي لان اني محافظتي الاصلية هي العمارة(ميسان) يعني العشق الحب احببها اكثر من روحي بس للاسف طلعلي قسم طب الاسنان ب بغداد و هذا حلمي خالتي عندها بنت بالثالث متوسط و اولادها ثلاثة ثنين شهداء قتلهم داعش و واحد بعده يحارب م يقبل يرجع الا شهيد مثل اخوانه و هو صديقي و اغلى شخص عندي .. المهم فد يوم ابوي اجاني لبغداد ودعني و سافر خارج العراق .. اني حيل ضجت لان راح اشتاقله ف طلعت من المطار ضايج و اتصل بي صديقي الي جان مسافر و كال اني حاليا بالمطار ف رجعت للمطار بس التفتت اريد ارجع نصدمت ب بنت شنو من وجه يييا ربي معقولة اكو هيج جمال .. الفاهية وكعت بس اصطدمت بي ههههههه متت ضحك عليها بس طلع لسانها سبع مترات و شوي حيل ضجت منها .. مدري ليش طولت وياها و ضليت اتعارك وياها مع انو اني مو من هذا النوع .. احس بشعور غريب اريد استمر بالمكامش وياها يمكن حبيتها ؟ شنو هاي اني سامع بحب من اول نظرة مو من اول عركه ههههه ...

هيلين ) رجعت و اول م دخلت فاجئت ماماتي و بابا و حيل فرحوو و بعدها طلعت اشوف اغلى صديقة الي هي خالتي سميرة صح هي بعمر امي و صديقة امي بس هي صديقتي هم كل شيء احجيه الها و رحت دكيت الباب و طلعت هي حضنتها و كلت لها :- سبرايزززز يا احلى خالة بالدنياااا ..كعدت اني وياها و سولفنه هواي الى ان كلت لها ع هذا الجاهل الي بالمطار .. : خالة هو جاهل شلون يحجي بعد م اروح للمطار بسببه هههههه .. سميرة : - لج حبيبتي معليج انطيني السلة مالت الطماطة الي يمج .. لزمت الطماطة و اني احجي بعصبية :- خالة لو تشوفي جهرته هالجاهل ليكول ملاك بس للاسف بلا اخلاق اخذت السلة و درت و صرررخت و وكعت الطماطة بالكاع .. بسسم الله جنننننننن خالة جنننن .. ضليت انكز و اصيح جن و اني ضامة روحي ورة ظهر خالة سميرة .. دارت و هي تكول يمه بسم الله شكوووو ؟؟ .. جان ساند روحه على الحايط و هو رافع حاجبة و كال ::- ايييي عيني كملي كملي منو الجاهل هاااااااا ؟؟

هيلين :- خاالة منو هذاااا ؟.. سميرة :- خالة هذا ابن اختي امير تعال يمه اعرفك ب بنت صديقتي و جيرانه .. باوعلي بنظرة بيها شر و كال و هو يتقدم :- ييا كل الهلاااااا هالسنة راح نتونس هووواي هه

ستووووووووووب نهاية البارت الاول اتمنى عجبكم هذه كانت البداية فقط انتظرو البارت القادم غدا ان شاء الله ..