وداع الابتسامة
.
.
الايام التي نفقد فيها احبابنا هي اتعس الايام نتمنى لو يعود الماضي لنعيش الايام معهم و نرى ابتساماتهم
.
.
امير جان عايش عند خالتة يدرس كما قلنا في البارت السابق و لما دخل شاف العوبة هيلين و سمع كل كلامها .. هيلين و هي خجلانة :- اهلا بيك .. يلا خالة اني ح اروح اشوف اهلي حيل مشتاقتلهم باي
الخالة و هي متفاجئة من تغير ملامح هيلين :- خالة شبيج قبل شوي تكولي اتغده يمج ؟
امير و هو يتقدم من خالتة و يخلي ايده ع جتفها :- خالة اتركي البنية احتمال نزعجت من وجودي
ارتبكت الخالة و باوعت ع هيلين الي ردت بسرعة :- لا ابد بس اني تعبانه من السفر الافضل انام و ارتاح
باوع عليها امير و ابتسم بشر و كالها :- هاااا مو ع اساس مشتاقه لاهلج اوك روحي باي
هيلين و هي تشوفه يمشي مبتعد عنها حجت وي روحها :- ياربي هذا مو بعقله خل يطير
:- يلا خالة مع السلامة
و طلعت ركض لبيت اهلها و هي فشلانة من الموقف الي صار عرفت امير سمع كلامها و جانت فشلانة لا تعرف الخالة انو هو نفسه الي قصدته
:- لازم اكوله م يكول للخالة انو اني جنت اقصده هف خلي ارجع بسرعة
رجعت و صاحت :-
الخالة ح اخذ كم غرض من المطبخ امي تريدهم
ماكو رد استغلت الفرصة و راحت للاستقبال ادور ع امير دورت م لكته فجاة طلع من الغرفة و كالها ب برود بدون م يباوع بوجهها :- خالتي صعدت لغرفة مي (بنتها) تنظفها
هيلين و هي تفرك ب اصابها بتوتر :- ا .. امير لتكول لخالة عيب
امير ب استغراب و هو رافع حاجبة :- ع شنو ؟
هيلين و هي تنزل راسها :- يعني قصدي ع كلام الي كلته لا تكولها انو جنت اقصدك
امير كتم ضحكته لان شافها خجلانه و خدودها حمر :- اي كلام ؟!
هيلين بعصبية :- لا تسوي روحك م تعرف انت سمعت كلامي وي خالتي
امير و هو يتقدم منها بعصبية و هي ترجع الى ان نصدمت بالحايط .. رفع اصبعه و هو يهددها :- اسمعي بالقران بعد اذا تجاوزتي و كلتي جاهل امحيج من مكانج ف خافي ع روحج و لا تضلين تمسلتين و تغلطين ضحكت بوجهج هواي
هيلين نصدمت هذا شنو يحجي و باوعت بعيونه حست بخوف و ضلت ترجف و كالت بنفسها :- هذا مخبل و اذا طولت بالحجي وياه احتمال كلامه صدك اصلا شورطني و رجعت للبيت لازم اجنبه و افلت منه لازم م يشوف وجهي
هيلين و هي تدفعه :- لك وخر عني .. اصلا اني شعرفني بيك انت غريب و بعد لتطلع كدامي و ركضت طلعت
ضحك امير و ضغط ع ايده حيل و كال :- تدفعني هالزعطوطة انا اعلمها بسيطة
..........
(هيلين) ضليت خايفة منه و م طلعت ابد ورة يومين ابوي و امي و اخوية عمار م حجيتلكم عن عمار لان هو صغير عمره ١٠ سنوات شخصيته حلوة يهتم بروحه ليكول كبيير و عقله اكبر من عمره بس هو ابد م يختلط وي احد عنده داء االتوحد المهم جان ليل و كل احنه كاعدين نتعشة و لاحظت ابوي و امي حيل ضايجين
هيلين :- بابا شبيكم شو مو ع بعضكم هاي لان اجيت هالشكل ضايجين ييلا من باجر اروح ادورلي عريس و اتزوج هههه ؟
رفع حاجبه ابوي و امي خزرتني و اني ضحكت بصوت عالي :- ههههه شبيكم اشاقة اصلا راح اعنس و اضل طول عمري وياكم شعندي غيركم
امي و هي تضحك بس بشكل م يدل ع فرحها :- هههه يلا عاد احنه نريد نخلص منج بس مسكين الي ياخذج
الاب بعصبية ممزوجة بضحك :- لا ام هيلين لتحجين ع بنتي اصلا الكل يتمناها و الي يتزوجها هذا امه داعيتله
هيلين و هي ادز بوسه ل ابوها بالهوة :- فديت حبيب البي اني
ام هيلين و هي رافعه حاجبها :- داعيه عليه مو داعيتله ههههه
ابو هيلين :- و الله يا ام هيلين انتي تغارين من هيلين لان أحبها اكثر منج
ام هيلين بعصبية :- شنووو اكثر مني الي اجاك تالي عكبك هالخبلة تحبها اكثر مني
هيلين و هي ميتة ضحك :- ههههههه فديت مامااتي الغيورة الحب الج و بس يبعد هالعمر و باستها براسها
ام هيلين و هي تبتسم :- م اريد بوساتج مبينة تضحكين علي
هيلين بضحكه شريرة :- تريدي بوسات بابا مووو
ام هيلين وجهها صار احمر من الخجل :- اش عابت هالشكول لتحجين هيج
ابو هيلين و هو يباوع لامها :- كلام بنتي صحيح
عمار كان ياكل و يستمع الهم فجاة ترك الخاشوكة من ايده حيل و وكف بعصبية و راح غسل و دخل لغرفته
هيلين و هي تباوع عليه بحزن :- اوف عمار شبيه و باوعت ع امها
ام هيلين بحزن :- م يحب احد يحجي يمه هواي و انتم ما شاء الله شكد حجيتو هههه
ابو هيلين :- اي ع اساس م حجيتي ويانه
هيلين و هي تباوع عليهم :- اي عمار راح احجولي ليش هيج ضايجين
ابو هيلين و هو منزل راسه بحزن :- عمج مريض
هيلين بملل :- هف و شنو يعني هو بيه سكر مو الف واحد بيه سكر شسويله يعني
ام هيلين بعصبية :- لج لتحجين هيج هذا عمج ميصير هيج تحجين كدام ابوج
هيلين و هي توكف بعصبية :- لشوكت بابا يضل يفكر ب اخوانه الي م وكفو وياه ولا شافو وجهه ولا سألو حتى من سوة عملية ولا كانهم اخوان
ام هيلين و هي تخزر هيلين :- اش ولا كلمة مالج دخل كل شخص و ضروفة بعدين مو وكت هالكلام
ابو هيلين و هو يباوع لبنته بعتاب :- بنتي اني علمتج انو الشخص مهما يسوي م نواجهه بالي يسويه نواجهه بالي احنه تعلمنه عليه مو احنه الي نحاسب الله هو ليحاسب البشر و بعدين حتى لو كطعو عنا احنه لازم م نتركهم هذول عمامج باجر يصيرولج سند اذا اني متت
هيلين بسرعة :- لا سامح الله بابا شنو هالحجي
ابو هيلين :- بنتي المهم باجر نطلع و نروح نشوفه لان نقطعت اخباره عني صار ييومين اتصل و م يرد
هيلين شافت قلق ابوها ع اخوه و م كدرت تحجي لان حقه هو اخوه ..
(هيلين) هذه الليلة جانت الاخيرة او ليلة الوداع جان ابوي و امي يجون كل شوي و اني نايمة يطمنون علي اني كل شوي افز لما يدخلون بس م احسسهم انو يكعدوني لما يدخلون للغرفة حسيت يريدون يحجون وياي او بيهم شيء اخر مرة و المرة الخامسة كعدت و كلت لهم :- شبيكم ؟
ام هيلين بحزن:- ماكو شي يمه بس دا نطمن عليج
باوعتلها باستغراب :- اوك حبيبتي اني حنام باجر ورانه كعده من الصبح و مشاكل وي العباية😂
ام هيلين ابتسمت :- ي يمه م يصير مرة هناك تطلع بلا عباية لذا نجنب حجي الناس علينه و الكل يعرف احنه اقرباء شيخ سلام
هيلين :- وين يعرفوني هم اصلا م شايفيني تحجين صدك يمه و الله بدي م اروح هههه
ابو هيلين :- بابا حبيبتي يحتاجلج عقاب مثل ايام قبل صايرة لسان
هيلين باوعت لابوها بدلع و هي زعلانه
ام هيلين :- و الله م طلع لسانها غيرك
هيلين :- ماماتي حبيبتي لتغارين يلا تصبحون ع خير
ام هيلين :- اوف منج و انتي من اهله
.......
ياريت بقيت وياهم نسولف و نضحك و منعتهم م نروح و ضلينه سوة
من حضرنه اغراضنه الصبح خليناهم بالسيارة شفت ابوي لازم عمار و يبوس بيه
تقدمت منه و كلت :- اخر جنطة يلا بابا خلي نطلع و كافي تبوس بعمارو ترة اغار 😢
الاب :- هههههه يلا بنتي
......
طول الطريق نسولف و نضحك بس اني احس بشعور حيل مخيف احس قلبي حيل ياذيني مختنكة بس م بينت لامي و ابوي
م اعرف شنو السبب
يمكن هذه اشارة انو ح اودع اغلى اشخاص بحياتي
عمار كان يلعب بالايباد مالته درت ابوع عليه لاول مرة باوعلي و اني استغربت نظراته جان يباوع بعيوني و كانو يحاول يحجي وياي
ابتسم ابتسامه خلت قلبي يرجف مدري من الفرح مدري من الخوف حيل استغربت اول مرة عمار يضحك هو ابد م يضحك
فجاة قطع نظراتنه و افكاري باابا و هو يكول انزلو
نزلنه بمطعم بنص الطريق
تغدينه و طلعنه امي جانت تنتظر عمار يطلع من الحمامات و ابوي واكف يمها يسولفون ف اني دورت ع موبايلي م لكيته كلت لماما وين موبايلي ؟
كالت لي بالسيارة تركته ف رحت للسيارة جانت السيارة بعيده عن المطعم وصلت يمها و فتحت الباب لكيت مكالمة من خالة سميرة اتصلت عليها و جان يرد امير
تفاجئت و ضجت بنفس الوكت
:- نعم شتريد
:- انتي الي اتصلتي
:- بكيفي و الله يلا م عندي وكت شنو تريد لكيت مكالمة من خالة
احجي و ابتعدت عن السيارة هواي
سألني امير :- خالتي تكول راحتلكم م لكتكم بالبيت و هي دا تطبخ و م تكدر ترد ع فون و كالت لي اني ارد فهمتي ليش رديت
و اني دا امشي م حسيت الا اني مبتعده هواي عن المطعم رديت ع امير و كلت له انو احنه سافرنه لبيت عمو فجاة درت و شفت باابا و ماما طلعو و عمار يركض و هو يحاول يصيحني
رجعت بخطوات بطيئة و اني احاول اغلق الموبايل
1
2
3
صوت قوي طرش اذني و وكعت بالكاع و اني احاول استوعب الي دا يصير اباوع كدامي بس نار و ناس تركض و سيارات وكفت و المطعم صار عبارة عن كتلة من النار
صورة امي و ابوي من طلعو .. صوت عمار من يركض و يصيح و هو يبتسم كان يصيح ب اسمي حتى ارد
هييييلييين
هيليييين
حاولت استوعب الي صار م كدرت
م اكدر اشوف شيء
اصواات الناس و صريخهم صار بعيد و صوت عمار يناديتي
و صورة امي و ابوي يضحكون بوجهي
م حسيت بروحي و وكعت
.
.
.
ستوووب نهاية البارت اتمنى يعجبكم البارت
انتظروني في البارت القادم
مع رواية احزان القمر
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
