رواية احزان القمر🥀🌕
بارت 13
للكاتبة كاثرين
ارسم لي !
ارسم لي لقاء يجمعنا بعد هذا الفراق الطويل "#
.
.
جانت تركض و هي تتنفس بصعوبة و دموعها ع وجهها
عثرت و وكعت ع ركبتها صرخت ب ألم:- ااااه ياااابة وينك خلافك اني ضعت
حاولت توكف ع رجليها و هي تسمع صوتهم
حجت بتعب :- لا لا مراح يلزموني
مشت وهي تضغط على رجلها الي ماذيتها و تشهك فجاة سمعت صوت كرهها الدنية
احمد :- هيلين عدنه البنية اذا شردت معناها مسويه مكسورة شنو من مكسورة مسويه انتي
ركضت بكل قوتها و هي تحاول تهرب بس هو جان اسرع منها و ركض وراها و لزمها من خصرها و شالها
ضلت تصرخ تريد تخلص منه بس م تكدر
حضن خصرها قوي و مشه بيها و هو يهمس ب اذانها
:- اتونس من اعذبج هلونتي
هيلين بكلام متقطع :- حقير اتر..كن.ي.
حست بدوخة و صار دخان ع عيونها غمضت عيونها و استسلمت للواقع
.......................
جان شايلها مثل الطفلة باوع بوجهها الي مثل الملاك ابتسم ابتسامه خبيثة و تركها ع جرباية و باوع ع مرت عمه نسمه
احمد بعصبية :- عمه هالمرة اذا شردت حسابي وياج
نسمة بعصبية :- جيب اخوها الها و هي مراح تشرد
احمد باوع ع هيلين النايمة مثل الملاك
كال و هو يطلع :- هه خلي تحلم يرجعلها
وكف كرار و هو صافن على هيلين شاف امه تريد تطلع :- يمه اسف
نسمة :- مو الي تعتذر اعتذر منها من تكعد اروح اسويلها اكل بلكي تاكل راح تموت
تركته و طلعت
كعد بمستوا السرير و لزم ايدها
:- ياريتج تفهمين انو البنية عيب تشرد و اتوبين اووف يا هيلين شلعتي قلبي
جان يهمس بصوت ناصي قريب من اذنها و مخلي راسه قريب ع اذنها
سند راسه ع خدها و ضغط ع ايدها و كانو يترجاها تسامحه
هيلين كانت غايبة عن الوعي و عايشة ب احلامها
الي ضاعت من راح اخوها
●●●●●●●
( عودة )
*قبل يومين*
جانت هيلين كاعدة ع كاع و لازمة رجلها الي التوت و تعثرت بسببها
وكفت و هي تضغط ع رجلها
حاولت تطلع و تروح ورة عمار الي اخذه فضل
فجاة لزمها احمد
:- هوب هوب وين رايحة حياتي ماكو طلعه من بيتج
هيلين بعصبية و هي تضربه :- اترككك ايدي وين اخذت عمار
احمد :- لتخافي كلها ١٧ سنة و يرجعلج ههههه
هيلين ضلت تضرب ع ايده
:- اتررركني حقير اكلب الدنية ع راسك و الله احركك اخليك تندم طول عمرك اذا مترجعه
كرار اجه يركض من الباب :- شكووو احمد فضل وين ماخذ عمار ؟ شفته و صحت عليه بس مسمعني
دارت عليه هيلين :- ويننن اخذه احجيييي
كرار :- م اعرف و الله .. احمد احجي وين اخذه
احمد جر هيلين و دخلها و هي تصرخ :- اتركني
كرار ركض وراه
:- لك اتركها شبيك تخبلت
احمد :- عزيزي طير من وجهي لا افلش راسك
دفع هيلين بغرفة الخالة نسمة و لزم جنطتها طلع تلفونها و اخذه و طلع
قفل الباب و هو يسمع صريخها
:- لك كلب رجعععلي عمار حرام عليكم
التفت لكرار :- كرار هيلين م تطلع و اذا طلعت العب طوبة
كرار بعصبية :- انجب احسلك وين ماخذ اخوها منها
احمد تقرب من كرار و يباوع بعيونه
:- اريد ادب بنت عمنه و اربيها فاهم حتى تكون صالحه الي
غمز ل كرار و دار وجهه و طلع
كرار صرخ بصوت عالي عليه :- من انعل ابوك يا ابو عمك كلب
اجت ام كرار (بسمه) و باوعت عليه و هي معصبة و رافعه حاجبها :- صرت مثلهم حتى الموته ميسلمون منكم
دار وجهه بعصبية و مسح وجهه بيده
:- مووو منهم اني يمه ..
باوع ع الباب الي طلع منه احمد و كمل كلامه
:- الله يلعنكم شلون عائلة .. تجبرون الواحد يوصخ لسانه
■■■■■■■■■
لزم ايدها و باس راسها و هي نايمة
:- احبج يا اجمل اخت لا لا اجمل ام بالدنية
فتحت عيونها بتعب :- عمار حبيبي
عمار :- الام متترك ابنها ليش تتركيني وحدي
هيلين كعدت و دموعها على خدها
:- متركتك راح نرجع سوة
عمار ترك ايدها بخوف و صرخ بصوت عالي :- لا تعوفيني لاااا
فزت و كعدت بسرعة و هي تصيح :- عماررررر
صرخت و هي تشوف روحها بالغرفة نفسها
:- اااااااااه عمارررررر
●●●●●●●●●
احمد دخل و خله مفتاح السيارة ع طاولة و كعد
ابتسم و هو يباوع ع سرور :- سرور جيبي لي استكان
باوعت بعصبية و هي لازمة صينية الجاي تقربت منه خلت الاستكان بصفه و باوعت بعيونه
احمد :- خيررر
سرور :- ام بغداد صدعت راسنه شوكت يخلص صياحها
روان :- هه كولي شوكت تبطل تشرد من البيت صار مرتين تشرد و محد يحجي
كرار بعصبية :- اسكتن لا بالقران ذبحجن يصير ع ايدي
روان :- و الله كلامي مابيه خطا بدل ماتذبحنه روح اذبحها هي.. لو عيني هاي بنت بغداد سيطرت ع عقولكم
احمد ضرب استكان الجاي الي ع طاوله و صرخ بصوت عالي :- بسسسس
لتفت ع روان و سرور و كمل كلامه
:- اذا حجيتن يمي او يم اي احد هيج اخليجن تتمنن الموت ولن من وجهي يله
وحدة لزمت بيد الثانية و طلعن بسرعة
فضل جان لازم كتاب بيده و هو مركز بالكتاب و حجه بصوت هادئ
:- احمد الي جاي تسويه غلط
احمد بعصبية :- انت مالك حق تدخل
فضل سد الكتاب و نزع نظاراته :-
بالعكس البنية بنت عمي و الي كل الحق مثلك تماماً الي اريد اكوله لازم تفكر بشي يخلي هيلين تتقبلنه و تعيش ويانه مو تجبرها لان الظاهر البنية عنيدة و مراح تتقبل فكره تعيش بعيده عن اخوها
كرار :- صح انا خايف عليها يصير بيها شي لا سامح الله
فضل :- فكرة احمد غلط من البداية احمد سرمد وين اخذ عمار ؟
احمد :- ماريد اي احد يدخل
كرار بعصبية و هو يضرب الطاولة الي كدامه :- يعني شلون الا تفرقها عن اخوها صارلها كم يوم لا تاكل ولا تشرب البنية راح تموووت و الله مهزلة وين عمي شنو انطاك حرية التصرف و ضليت تلعب لعب انت عقل ماعندك سمع اذا عمار مارجع و الله اخذها و اروح اشتكي عليك
تركهم و طلع
باوع احمد ع فضل
فضل :- كلامه صحيح و اني طلعوني من كل السالفة تعرف ماعندي غير كتابي و غرفتي
احمد و هو يفكر عدل كعدته و باوع ع فضل بهدوء
●●●●●●●●●
جانت كاعدة ع جرباية و حاضنه رجليها ب كل اديها حيل و هي تبجي و كانو خايفة من شي
الغرفة ظلمة و باردة بيها ضوة خفيف من الشباك
فجاة نفتح الباب و دخل و سد الباب وراه
فتح الكنتور اخذ ملابسه و باوع عليها
كرار :- هيلين كافي تبجين اخوج يرجعلج بس احمد يريدج تبقين هنا
باوعتله بسرعة :-
اريد عمار فدوة جيبه الي
تقرب منها بسرعة و كعد يمها
:- صدكيني راح اجيبه الج لو اطريت ابيع روحي لخاطرج
باوعت بعيونه و ضلت تبجي بحركة
كرار :- هيلين بس اريدج تبطلين بجي صدكي راح اجيبلج اخوج لا تسوين هيج بروحج راح تموتين
هيلين :- يعني راح اشوفه
كرار :- انتي بس صيري قوية و طلعي وي البنات خلي احمد يشوفج قوية و ميكدر عليج هيج راح يرجعلج عمار صدكي هو يريدج تعيشين ويانه بس
هيلين :- ابقى وياكم بس خلي يرجعلي عمار
دخل احمد و هو يضحك
:- اهوووو شكد قهرتيني يعني صارلج كم يوم بلا اكل و متفكرين بس ب اخوج عادي هذا الاسبوع تشوفينه بس بشرط ماريدج تشردين من البيت او تلعبين بذيلج
هيلين :- اريد عمار هسة
احمد :- انا الي اقرر شوكت تشوفينه اذا شفتج عاقله و متسوين مشاكل اجيبه الج
دار وجهه و راد يطلع
:- كرار يله لا اطول
كرار :- احمد هيلين راح تنام يم البنات كافي نحبسها
احمد بعصبية :- انت لا تدخل
كرار وكف و تقرب من احمد :- انت شحاسب روحك
احمد :- بكيفي الي اريده يصير خوش
كرار :- لا تخليني انعل سابع جد الك شنو عدنه سجن محد يحجي وياك انت
احمد :- ليحجي وياي ينكص لسانه
التفت ع هيلين و كمل كلامه
:- كل الي اريده يصير خوش كرار
لزمه كرار من قميصة و صرخ بوجهه
:- ادري حكم فرعون حابس البنية و ماخذ منها اخوها متكلي شنو تاليتك لوين تريد توصل تذكر كلامي مالت الظهر و الله العظيم ماتهمني قرابتنه
فجاة دخل ابو كرار
:- شكووو نص الليل تتعاركون جهال انتم
كرار ترك احمد و باوع ع ابوه
:- انتم مو كبار البيت ماتحجون لو بس وي الظلم توكفون البنية محبوسة و اخوها مادري وين ماوين الله يرضه محمد هاي يتيمة
ابو كرار :- كل شي يسويه احمد ب امر من ابوه لذا لا تدخل انت
كرار ضل يضحك بصوت عالي و صفك :- عفية عليكم عفية انتم مو بشر انتم حيوانات لا و الله الحيوانات احسن منكم
صرخ بصوت عالي :- كرار ابوك كدامك مو ابنك
كرار رفع ايده بوجه ابوه :- هو انتم شنو متكولولي ماعترف بيكم كلكم
جانت ام كرار واكفه بالباب و اديها ع حلكها مصدومة من ابنها و تبجي
باوعلها كرار نزل راسه و طلع
دار ابو كرار ع ام كرار :- شششفتي دلالج وين وصله هاي تربيتج ؟ هيج لسانه زفر و يغلط ع ابوه
عافها و طلع
كعدت بالباب و ضلت تبجي
احمد و هو يتقصد ياذي ام كرار :- كرار يحتاجله تربيه من جديد عود ربيه زين
و باوع عليها و طلع
هيلين صرخت بصوت عالي ورة احمد :- لك شتعرف بالتربية و تحجي عنها انت ممربة اصلا يا حقيرررر
نزلت من الجرباية و ركضت ع ام كرار
:- خالة الله يخليج لتبجين
ام كرار :- انا ماعلمته ع غلط
هيلين :- خالة كرار حجه الحق الي ربيتيه عليه
حضنتها و ضلت تبجي
●●●●●●●●
امير :- خالة صارلي يومين اتصل بهيلين و ماكو هم اتصلتي بيها ؟
الخالة سميرة :- يمه هم اني اتصلت بس مترد قلقت عليها
امير :- اتصلي ب اختج
سميرة :- مو ...
امير :- شكو خالة ؟
سميرة :- خالة رجلها ميقبل اتصل عليها و هي معدها تلفون بس تلفون رجلها و خاف اتصل و اسببلها مشكلة
امير :- خالة رحمه لوالديج اتصلي خايف ع هيلين
سميرة باوعت ع تالين :- انطيني تلفوني
●●●●●●●●●●●●●●●
دخل ابو كرار ع هيلين و هو لازم التلفون و مخلي ايده ع سماعة
:- سميرة تريد تحجي وياج اذا كلتيلها ع اي شي ف طول عمرج مراح تشوفين اخوج
هيلين باوعتله بعصبية :- تسمعني صوت اخوي اذا مكلت لها ؟
ابو كرار :- اي
هيلين :- شلون اصدك ؟
ابو كرار :- و روح ابوج
هيلين اخذت التلفون و هي متوترة
:- الو خالة !!
سميرة :- يروح خالتج وينج قلقتينه
هيلين :- خالة اني زينة الحمد لله انتم شلونكم
سحب امير التلفون من خالته :- الوووو حبيبتي مشتاقلج ولج ليش متردي اتصل و ماكو
هيلين بتوتر :- خالة مو جهازي وكع بالمي و عطل مشتاقتلج اكثر ليضل بالج اني بخير
امير :- اهوو متكدري تحجي يمج عمج مو ؟ شوكت تجين طولتي ترة
هيلين :- اي .. ان شاء الله قريبا
امير :- حبيبتي عمار شلونه طاك قلبي عليكم طولتو .. شبيه صوتج تعبان
ابو كررار و هو يحرك بديه بمعنا يله
هيلين :- يله اني رايحة دير بالكم ع روحكم احبكم هواية
امير :- وين وين هيلين .. لج اتصل الف مرة عليح و مغلق و عمار كذلك وينه هالشيطان خلي احجي وياه مشتاقلكم والله
هيلين :- مو عمي راح يطلع يريد الفون مالته راح انطيه اله
غلقت الخط و انطته لعمها الي ابتسم و طلع
صرخت وراه :- لحظظةةة مو كلت اسمعج صوت عماررر .. عمووو
طلع بدون ميسمعها
................
امير و هو يباوع ع خالته :- خالة اكيد بيها شي صوتها تعبان و مع..... قطع كلامه و هو يفكر و باوع بعيون خالته و شافها قلقانه :-
مراح ابقى هنا لازم اشوفها
●●●●●●
طلعت هيلين من الغرفة الي نساها عمها مفتوحة
ضلت تمشي ع اطراف رجليها و تباوع يمين و شمال
فجاة صوت من وراها
فضل :- القط الجوعان شبيه يمشي هالشكل
التفتت هيلين بهدوء و هي متوترة و خايفة :- ان.. اني اريد احجي وي احمد و ادور عليه
فضل و هو يبتعد منها و يكعد ع كرسي
:- مممم او قصدج تهربي من احمد ؟
هيلين بتوتر :- لا مو هيج بس...
قطع كلامها و هو يرسم ابتسامه خفيفة :-
ماتعرفين اجذبين
هيلين حجت و هي ترفع حاجبها :- هف مريد اشرد بس اريد اتصل بالشرطة علمود هالكلب احمد و انت وياه تتعاقبون و يردلي اخوية
فضل و هو يلبس نظاراته و يشغل تلفونه :- هههههههه انتي غبية لو تستغبين
هيلين بعصبية :- و الله يجي يوم تندمون كلكم الا اخليكم تبوسون ايدي علمود اطلعكم من السجن بس ابد مطلعكم
فضل و هو يحاول يستفزها :- اعتقد عندي رقم تكدري تحجي وي عمار منه
بسرعة ركضت و كعدت يمه
:- الله عليك بس اسمع صوته !
فضل :- ههه منو الي يتوسل هسة
خله تلفونه ع اذنه
:- الو .. اهلا ... اي ... اريد احجي وياه .. ياريت .. انتظرك
باوع عليها و ابتسم بهدوء
شوي و كمل كلامه
:- هلا عمار حبيبي شلونك.. شبيك ؟ ع كيفك لتبجي هاي هي وياك
انطاها الجهاز
اخذته بسرعة
:- عمار حبيبي شلونك ؟ ليش تبجي ماذينك ؟
عمار :- لا م اذوني بس مريد ابقى هنا عبالك سجن عفية هيلين تعالي مشتاقلج
هيلين :- حبيبي وين انت كولي حتى اجي اخذتك
سحب فضل الجهاز منها
:- خلاص انتهى الوقت
هيلين :- الله يخليك بس شوي احجي وياه فدوة بداعت كل غالي عندك
باوعلها بهدوء
و وكف مشه خطوتين حجه بصوت ناصي
:- هيلين ليش تشردي كل مرة ؟
صفنت عليه :- يعني متعرفون ليش ؟
فضل :- اعرف بس مفكرتي بالموت الي تشرد تنكتل هيج تقاليدنه ليش ماتعرفي
هيلين :- اعرف الي تشرد مع حبيبها مو تشرد علمود تشوف اخوها الوحيد الي بقى الها من اهلها
فضل :- الي عرفته عندج حبيب ؟!لذا تريدي تشردي علموده
هيلين وكفت بهدوء :- اعترف عندي حبيب بس هو خاطبني و اني موافقة متفقين بس ادور السنة نزوج و هو ابد ممسوي شي مو زين اول مماتو اهلي خطبني و اني رفضت حتراما لوفات اهلي و هو كال انتظرج و وكف وياي و سندني بوقت حيل جنت محتاجة احد يوكف وياي و اذا عبالكم اشرد حتى اروح اله ف انتم غلطانين اني اشرد علمود ابلغ ع احمد و عليك لان اخذتو اخوية مني
فضل مشه و تركها بدون اي كلمة
مشت وراه و دخل هو لغرفته
دخلت وراه
:- فضل اترجاك كلي مكان اخوي وين بالضبط
فضل تقرب منها و باوع بعيونها
:- هيلين اطلعي برة ماحب احد يدخل غرفتي
صرخت بصوت عالي :- هذا مخزززن مو غرفة
فضل بهدوء :- اكو جرباية اكو كنتور اكو اغراضي يعني غرفتي يله برررة
هيلين كعدت بعصبية :- مراح اطلع الا تكولي مكان عمار
ابتسم فضل بهدوء :- هههه عادي ابقي بس انا اريد اغير ملابسي اذا تريدي تبقي عادي مو مهم بده يفتح دكم قميصة
حترك قلبها و غطت عيونها و حجت بصوت ناصي :- حقيررر غمضت عيوني و راح ابقى
تقرب منها و همس ب اذانها
:- يابنت بغداد ماتخافين بغرفة شاب عزابي و ه....
قطعت كلامه و هي ادفعه و طلعت بسرعة
و هي ادردم و عصبية نضربت بكرار
:- اخخخخ متشوف ثول
كرار رفع حاجبه :- اسف عيني شططلعج من غرفتي لحظة شنو تسوي بغرفة فضل ؟!
هيلين :-مو هو.....
(بقلبها :- غبية لتكولين خاف يعرفو سمعني صوت عمار لازم اصير ذكية و اجر فضل حتى ينطيني مكان عمار)
كرار :- هههييي شبيج نثولتي وخري مني طالعة روحي روحي نامي يلا تاخر الوكت
دفعها و دخل للغرفة شاف فضل قميصة مفتوح و شعره مخربط رفع حاجبه و حجه بعصبية
:- هيلين جانت يمك و ليش هيج حالتك ؟!
فضل :- اسألها .. و شعدك جاي يمي مو كلت لك ماريدك بغرفتي
كرار بعصبية :- من انعل ابوك لابو غرفتك كاعدلي بمخزن و متكبر علي طيح الله حظك ظهري تكسر من الكاع
فضل كعد بهدوء :- صار عندي ثنين احمد (يقصد صار كرار يشبه احمد بالسب و الغلط)
كرار ضرب الباب حيل و طلع
باوعت عليه هيلين بعد ماسمعت كلامهم
:- ارجع لغرفتك اني راح انام بالصالة
كرار بعصبية :- احسسسن
( اذا تركتها وحدها بالصالة احتمال فضل يكولها نامي بغرفتي مممم لا فضل مايترك غرفته )
:- هيي هيلين روحي نامي يم البنات
هيلين ب ابتسامة :- اوك
دكت الباب الي جان قريب عليها
فتحته سرور :- خير شرايده و شعجب طلعتي من السجن الانفرادي
هيلين :- سرور اني اريد انام يمكم مراح اضوجكم
سرور :- لحظة لحظة شنو تنامين يمنه ماكو مكان سبق و كلت لامك ماكو مكان روحي نامي بمكانج مو غرفه خالتج عشتو
هيلين :- انتي شنو مشكلتج وياي ؟!
سرور :- وسم لتردين علي هيج .. كرهتج من شردتي من بيتنه اكيد مسويتلج مكسورة
ابتسمت هيلين :- اي مسويتله غلطه و هي شفت جهرتكم
تركتهم و مشت للصالة نامت ع قنفة و حضنت رجليها و ضلت تبجي
كرار باوع ع سرور :- انا الج اذا ماكسرت كل عظمه بجسمج
و راح ورة هيلين
سرور هزت ايدها :-
هه ع اساس اول مرة راح تضربني حقير راكضلي وراها كببووور اي و الله
●●●●●●●
كرار دخل للصالة شاف هيلين شلون نايمة
:- اسف هيلين مو قصدي .. روحي لغرفتي انا انام هنا
هيلين :- لااا روح اني مريد ازعج احد .. و هنا باردة
كرار :- عندي حل يرضي الطرفين امي تنام يمج يومية عادي انام يمكم انا هههه و كل احنه بالغرفة
ابتسم هيلين و وكفت و مشت للغرفة :-
اوك بس اني بالكاع
مشه وراها كرار
:- انا راح انام بالكاع لان اذا نمتي انتي بالكاع لازم انام ع جرباية و امي ع جرباية و استحي ههههه
هيلين وكفت ب باب الغرفة و انتظرته يوصل يمها و دخلو سوة و هم يضحكون
جان احمد يباوع عليهم و هو يفور من العصبية
:- كرار ادري شنو بقلبك بس صدكني راح اندمك
.................................
دخلت هيلين للغرفة و شافت ام كرار ركضت و خلت راسها بحضن ام كرار و ضلت تبجي
:- خالة تعبت
ام كرار حضنتها و هي تمسك ع راسها :- حبيبتي الله موجود
ضل كرار واكف و يباوع عليهن راد يلطف الجو
:- هيييي قمورة عوفي امي ترة اغار
ام كرار بعصبية :- هيلين يمه كولي لذاك الولد لا يحاجيني زعلانه عليه
هيلين و هي تمسح دموعها :- يولد امك متريدك بعد تريدني الي هههه
كرار بعصبية و هو يركض و يقفز ع الجرباية
:- فديت الزعلان
ضل يبوس ب امه و هي ادفعه
:- كرير وخر زعلانه منك هيج تخلي الناس تحجي علي و تكول ابنج مامربه
كرار و هو يحضنها :- ماماتي مربة لو كيمر😂✌
هيلين :- شكد تافه
دار كرار عليها و قرب وجهه الها :- هالتافه احلى شاب بالعشيرة و كل البنات تتمنى كلمة منه
ام كرار دفعته و هي تضحك :- يلا روح منا و لا تعارك بنتي يلمكطع قلوب البنات
كرار بعصبية ممزوجة بضحكة :- هيج صارت ؟
دار ع هيلين :- اسمعي ولج منا و رايح راح تبدي معارك وياج ترة اني اغار صح اتمنى تصيرلي اخت ادميه بس من شفتج بحضن امي صارت الغيرة فول
هيلين ب ابتسامه :- ولك الغيرة بس للبنات عيب انت رجال ثول كوم يلا روح ع فراشك
كرار بعصبية :- طفل كدامج و تكولي ثول هاي ثاني مرة تتجاوزين .. ادبسزز
نزل من الجرباية بعصبية و نام ع فراشه و تغطه
هيلين :- ياااا شبيك جنت اشاقه الووو لك كرار هههههه هالكلمة عصبتك
ا
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
