قصة ( احزان القمر )
الجزء التاسع
للكاتبة ( كـُـْـًّৡـًًٌٌاثــْْٰٰـريـَْْٰٰن❥║🦋🍂)
اتمنى لو لم يكن النوم
سارقاً لساعاتنا..!
هيلين :- عمااار حبيبي بيك شي
عمار و هو خايف :- هيلين خلي ننزل نشوف بس لا مات
باوعت هيلين و هي ترجف
نزلت و تقربت منه
جان واكع بالكاع و لازم رجله و صاك ع اسنانه من الالم
باوعلها و صرخ :- غغغبية م.....
نصدم من شافها و ابتسم
هي تقدمت منه
:- اخي اخذك للمستشفى بيك شي
حجه و هو مبتسم بكل فرح :- لا لا م بي شي الحمد لله م متت و شفتج
رفعت حاجبها :- نعم
وكف و تقرب منها و هو يحاول م يمشي ع رجله
:- نسيتيني بسرعة
هيلين ركزت بشكله بس متدري وين شايفته
:- اممم م اعرف وين شايفتك اسفة اخي اني مستعجلة اذا م تحتاج مستشفى خلي اروح
:- نسيتي الي نقذج من الخطف ..( تنفس بصعوبة) احمد اني احمد عرفتيني
هيلين بتوتر :- اهلا اسفة م عرفتك
احمد :- عادي ولا يهمج و اسف لاني جنت السبب بالحادث جنت مستعجل و عبرت بدون م اشوف الشارع
هيلين :- ياريت تنتبه مرة لاخ خوفت الطفل
احمد :- امممم منو ؟
هيلين باوعت ع عمار و هي تحاول تتخلص من احمد
:- ابني😐
ابتسم و هو يشك انو تجذب عليه
:- ما شاء الله ما شاء الله صار عندج ابن و كبر خلال الشهر
هيلين و هي تحاول تتهرب منه :- اسفة مرة لاخ و انتبه مرة ثانية باي
احمد و هو يرجع شعره ب ايده :- باي ل اشعاراً اخر عزيزتي😏
صعدت هيلين و هي متوترة
:- هفف مدري ليش اخاف من هالصخل هذا
عمار :- منو الصخل و منو لتخافي منه
هيلين ابتسمت :- هيج حبيبي مو يمك .. يلا لنتاخر ع امتحانك
دار وجهه و رجع يباوع من الشباك و هو ضايج
و كانو ذكره هالحادث ب اهله و اشتاق الهم
و هو يتمنه يرجعون و يحضنونه
اشتاق لسوالفهم
اشتاق لابتسامتهم
لاهتمامهم بيه
لكن كيف لميت ان يعود ..
تبقى هذه امنية رسمها هذا الطفل في خياله
●●●●●●●●●●●●●●●●●●●●●●●●●
جان يوم عادي بالنسبة لهيلين و هي تشتغل كالعادة بالشركة و تنتظر ل ١ ع احر من الجمر حتى تروح لخطبة محمد الي انتظرتها من اول يوم شافت خلود
تقربت من خلود و صارت صديقتها المقربة و اول صديقة تحسها مقربة بعمرها
ضاجت و هي تنتظر نزلت للكافترية القريبة من الشركة
:- خلي انزل و اتصل ب امير اكوله يمر ع الكافترية مو ع الشركة
كعدت ع الكرسي و طلبت قهوة
حاولت تتصل ع امير
فجاة
:- سلام .. و كعد كبالها
هيلين رفعت راسها بسرعة
:- نعمممممم شنو تسوي هنا و منو سمحلك تكعد ع طاولتي منو انت اصلا .. لتحاول تتقرب مني اوووك يلا روح من وجهي
احمد :- هههههه هاي شبيج عصبية ردت اسلم بس لتتكبرين بفلوسي اشتري الاكبر منج ترة .. عرفي وي منو تحجين و صوتج لتعلينه بوجههي
هيلين عصبت من كلامه رفعت اصبعها بوجهه
:- احترم نفسك و احجي عدل .. بس هو الاعوج يبقى اعوج .. عبالك م اعرف انت دا تراقبني سالفة الحادث مو خالية .. امشي منا يله
احمد بعصبية و هو يلزم اصبعها و ينزله :- نزلي اصبعج لج لترفعينه بوجههي الظاهر انتي مو مال احترام .. اني من اول م شفتج كلت هاي رخيصة اكدر اشتريها بسرعة .. بطلي كلام بايخ مثل وجهج الحادث مجرد صدفه و شفتج هنا صدفه صدكتي م صدكتي بكيفج .. هواية شفت مثلج و ب يوم واحد كدرت احصل عليهن و هسة يتمنن مخابره مني
هيلين نصدمت و هي تلزم اصبعها الي ضل يوجعها :- شنو دا تحجي انت و الله م غيرك الرخيص انت لو م رخيص م تضحك ع بنات الناس عيب عليك و الله ..
احمد :- ههههه لتخافين شبيج دا ترجفين اني مو جن كدامج .. مجرد اريد نتعرف😉
كمل كلامه و غمزلها
وكفت بعصبية :- انجب و احترم نفسك و شمرت كلاص المي بوجهه
و طلعت من الكافترية
مسح وجهه و رفع حاجبة :- هه تمثل دور البنت المؤدبة الوفية ل امير الفاهي هع😏
●●●●●●●●●●●●●
طلعت و هي مختنكة و تتنفس بصعوبة و مسحت وجهه و دموعها
شافت امير ينزل من التكسي
ركضت عبرت الشارع و هي تصيح
:- اميررررر
فجاة اجت سيارة تمشي سريع
صرخ عليها امير
:- هيييلين انتبببهي
و ركضلها ..
ابتعدت بسرعة و هي ترجف و كعدت بالكاع
و ضلت تبجي
تقرب منها امير
:- هيلين شبيج
رفعت راسها و هي تباوع بعيونه
:- امير اخذني منا .. بعدين نحجي مختتتنكة
حاول يسندها حتى توكف و انتبهه لاحمد واكف بالجههة الثانية و هو مبتسم
باوع ع هيلين و م كدر يسألها
(امير )
م كدرت اسألها لان جانت حيل ضايجة و مرعوبة
حاولت ابين الها انو اني م عرفت انو هي جانت وي احمد شفته واكف بالمكان الي عبرت منه
يعني جان وياها
و طالعة من الشركة يعني جانت وياه
ليش التقت بيه
كل هالاسئلة شغلت تفكيري و خلتني محتار)
راحو للحفلة و جان كل شي حلو بالحفلة و مرت الخطوبة ع خير بس امير م حجه كلمة وحدة وي هيلين و ابتعد عنها و ضل وي اصدقائه
ضاجت هيلين لان البنت الوحيدة الي تعرفها هي العروس و العروس مشغولة ب خطيبها
و امير ابد م حجه وياها من بداية للحفلة جانت مختنكة و تريد تحجيله كل الي صار وياها
كعدت و هي تشرب بالعصير و تباوع ع امير الي
جان ضايج و ابتسامته مزيفة
تفاجئت من تصرفاته هو ابد م يتصرف هيج
ليش ضايج و تركها
لازم بيه شي
●●●●●●●
:- تفضلي
انطاها السويج
و نزل من السيارة
هيلين و هي تنزل بسرعة :- لحظة امير
وكف و دار وجهه عليها و هو يهز براسه بمعنى (شكو) بدون م يحجي
هيلين :- شبيك ؟! احسك مو ع بعضك اكو احد مضوجك .. هههه لو ضجت من محمد لان خطب قبلك .. اعتررف يله
امير و هو يمسح بلحيته و رافع حاجبه :- اصلا دمر حياته من دخل مرة بيها
ابتسمت هيلين :- حركة مسح اللحية بيدك هاي اعرفها من انت ضايج و محترك قلبك تسويها .. اعرفك اكثر من اي احد .. و ليش بله دمر حياته
امير :- اني ضايج ؟ هههههه بالعكس فرحان تعرفي ليش ؟ لان عرفت انو اني اكبر غبي جنت و هسة صححت خطأي و دست ع قلبي و طلعت انسانه م تستحقني منه
هيلين و هي مصدومة :- شششبيك ليش هيج تحجي مو ع اساس اني بقلبك😒
ابتسم و هو يجر حسرة :- ززين تعرفين .. اييي طلعتج من هالقلب ( و اشر ع قلبه)
مشه و ابتعد عنها و دخل للبيت
نزلت راسها و هي ضايجة
:- هف هذا شبيه اوووف ياربي شنو الي غيره يمكن شاف وحدة غيري تنطيه مجال خل يطير م يلكه احسن مني لو لف الدنيا هع .. لحظة اصلا اني السبب
يريد يخطبني و اني ارفضه يله خلي يتركني م تفرق
مشت شوي و رجعت تركض و دكت الباب و هي تحجي وي روحها
:- لاااااا اموته هو الي و بس مستحيل يتركني
فتح الباب امير
:- نعمممم شتردين ؟.
صرخت بوجهه :- كوووول شبيك بدون لف و دوران
باوع بوجهها ب برود :- سألي احمد الي جنتي وياه
تفاجئت هيلين :- احمممد ؟
امير :- اي شفته واكف يم الكافتريا الي جنتي يمها و يبتسملج
هيلين :- و الله مو مثل متتصور هو صدفه شافني و اجه كعد يمي و سمعن.... سكتت و هي خجلانه تكمل و تكول لامير شنو كالها .. مع انو جانت تريد تحجيله الكلام الي كاله و ترتاح
امير :- اي كممملي سولفيلي ع الصدفة الجميلة
هيلين نزلن دموعها و هي تتذكر كلام احمد
:- صدكني عفته و طلعت من الكافتريا هو اجه سلم و اني سلمت و طلعت م عندي شي وياه
باوع ع دموعها و نقهر عليها و صدك كلامها بسرعة
:- اوك مسحي دموعج .. ح اسامحج هالمرة بس ويلج لو شفتج وياه مرة ثانية حتى لو صدفه
ابتسمت و مسحت دموعها :- اوووك وعد اذا شفته بطريقي اغير الطريق😍
ابتسم و كرص خدها :- حبيبتي الوردة احبج
باوعتله بخجل و هي مصدومة و دنكت راسها
امير :- هيلين كافي عناد خلي نزوج
هيلين بتوتر :- بكيفك
فرح امير و صرخ :- ووووو الله ؟ حلفييييي
هيلين بخجل :- اوووف امير خجلتني .. اي و الله خلي اخلص منك هههه
امير و هو يشيلها و يفرها :- غبييية م راح تخلصين مني للابد لج احبببببببج
ضلت تصيح :- لك نزززلني منا النااااس لك عيب
امير و هو فرحان من كل قلبه :- اششش انتي الي من اليوم ممنوع اطلعين الا اني وياج ههههه
ابتسمت هيلين :- اهو بدينه
امير :- ههههههه لا حبيبتي برجلينه 😜
ضلت تضحك و نزلت دموعها من الفرح
ضرب خشمها ب اصبعه
:- بس لتبجين لج
●●●●●●●●●●●
تالين حجت و هي تباوع عليهم من الشباك :- ماااما شنو يعني ح يتزززوجون
كرصتها من ايدها :- ايييي ولج ويلج لو طلع لسانج ع هيلين اموتج خليهم يفرحون ربي يسعدهم
تالين بقلبها :- م اخليهم ينسعدون و الله لدمر عيشتهم م اخليج يا هيلين تصيرين ل امير هذا الي حبيبي
●•●•●•●•
احمد و هو يحجي بالموبايل :- شنو شدخلني .. اسسسمع كرار لتورطني وي عمي تعرفني اموت منه ولا شايفه من اني صغير تريد اروح اسأل عنه ... اهوووو كرار انت اكثر شخص تعرف شكد اكره عمي و عائلته تريدني اروحلهم و اكوله (و هو يتميع ) هلاو عمو شتاقينالك و افتقدناك بابا يكول وينك للتتصل لتسأل
ضحك بصوت عالي
بعد احمد الموبايل من اذنه و هو يصرخ :- لك كرار طيح الله حظك لتضحك هيج طرشت اذني يلا يلا اروحله و اشوف امري لله
كرار :- اوك ضلعي المايع😂😂
احمد :- ددددروح لزكة
سد الجهاز و هو عصبي و محترك قلبه
:- استغفر الله شووورطني و اجيت لبغداد كله منج يا ام عيون خبلتيني عبالي اكدر اوكعج مثل اي بنت اريدها طلعتي مو مثل الي اعرفهن مو مال سوالف بالفون و ضحك و ونسه و طلعات اخخخ ولج شلون ملاك .. هه خلي اتركها احسن لا اتعلق بيها و احبها ههههههههههه اني احب ؟ شفكر يا ربي اول مرة افكر هيج😂 يلا خلي نروح نشوف استاذ عمي و نشوف الشيب شنو سوة بيه .. اااوه تذكرت عنده بنت اويلي اذا م دمرتها مثل م دمرني ابوها😒
●●••●●••●●••●●••●●••●●••
ترك بطل المي ع طاولة و ابتسم الها 😊
ابتسمت هيلين :- شبيك اميري
تنفس بصعوبة :- لج خبلتيني يعني البارحة تكولي بكيفك.. اليوم تكولي م نزوج .. شنو قصتج وياي موتيني لج حسسي بقلبي
هيلين :- امير كلت لك موافقه ازوجك بس خلي ادور سنة ل وفاة بابا و ماما م يصير هيج
امير بعصبية :- ييييعني نضل هيج اكولج بس خطبه من ادور السنة نزوج
هيلين و هي تهز راسها :- لااااا مستحيل😑
امير :- ياااربي صبرك هيلين من هسة عناد و تاليتها وياج بطلي عناد
هيلين :- مو عناد بس الي ماتو مو شوي اهلي اهللللي امير لتزعل بس خلي نفسك ب مكاني
نزل راسه امير :- هيلين خايف تروحين مني بدونج اموت صدكيني
هيلين :- وين اروح يعني اني وياك طول العمر ^^
امير :- هو انتي حتى م تحبيني😒 اكلج احبج و اطلع الحب الي بداخلي الج بس انتي ولا كانو تهتمين و تحبيني
خجلت هيلين و نزلت راسها و هي تاكل بسرعة :- كافي اميرررر عمار اجه
تقدم منهم عمار و كعد و هو ضايج
امير :- شبيه البطل ضايج
عمار :- واحد جاهل بالحمام شافني و ضل يقلد ع شكلي .. مو مهم خلي نرجع للبيت
هيلين :- ويننننه تعال خلي نموته هالتافه
امير :- هيي هيي اوووكفي شتموتين كعدي مو انتي تكولين علاج الجاهل التجاهل
عمار :- و اني هيج سويت تجاهلته
امير :- عمار تذكر اللعبة الي صعدنه بيها سوة ب مدينه الالعاب
عمار بفرح :- قصدك من لبسنه النظارات و صرنه داخل اللعبة هههههه صار هواي م رايحين
امير :- يبببب شنو رأيك نروحلها هي قريبة
عمار و هو فرحان من كل قلبه :- اكيييد يلااااا
هيلين :- ستوووب شنو دا تحجون هاي من شوكت تلعبون سوة اشو م ادري
باوع امير لهيلين و غمزلها
رفعت حاجبها و هي م مفتهمه شي
( امير .. بيوم من الايام قبل سنة و نص تقريبا جنت واكف بالباب كالعادة انتظر ابو الخط و جان طفل صغير واكف يمي .. باوعتله ابتسمت بس هالطفل ابد م انطاني رد فعل جان مبين ع وجهه العصبية و الملل
امير :- منتظر الخط
عمار :- السايق
امير :- مممم اها
دك تلفوني و فتحته بسرعة :- الوو وينك تاخرنه
اهووو هم السيارة بيها عطل ديله رايح اخذ تكسي
باوعت و اني اسد الجهاز و اضمه بجيبي
:- حبيبي تاخر الوكت ح تفوتك الدروس
عمار :- لتهتم
باوعت ع باب بيتهم شفت ام الولد واكفه بالباب
تقربت منها
:- السلام عليكم خالة اني جيرانكم ابن اخت سميرة
ام هيلين :- اهلا خالة تفضل
امير :- خالة ح اروح بتكسي اخذ ابنكم وياي لان تاخر الوكت ليش يتاخر
ام هيلين :- فدوة لقلبك خالة ابوه مريض و م كدر يوصله و السايق تاخر شو و هسة اتصل يكول صار عندي شغل ضروري و م اكدر اجي .. ردت اخذه اني بس م اكدر اترك ابوه و هو مريض
امير :- تدللين خالة و من ارجع ارجعه وياي لان م عندي محاضرات هواية
تركت ام هيلين و هي تندعي و تتشكرني .. صراحة حبيت عمار جنت اتمنى عندي اخ صغير لذا من اشوف طفل يطير عقلي احب الاطفال هواية يمكن لان م عندي اخ
اخذت عمار و من رجعت مريت عليه و اخذته .. م لكينه تكسي لذا مشينه مسافة طويلة
شفته تعب و لزم رجليه
اني بسرعة شلته و خليته ع ظهري جان ناعم و قصير يعني ليشوفه يكول عمره ست سنوات و هو عمره ٩ سنواتت
ضل يضحك و هو يصيح :- لك نزلني
مشينه و ضلينه نسولف طول الطريق
وصلنه لمدينة العاب
باوعت و اشوف عمار يباوع عليها و كانو يريد يلعب وي الأطفال
:- تحب مدينة الالعاب ؟
عمار و هو ينزل راسه :- لا
امير :- ماكو احد م يحبها اني هذا كبري و دائما اروح لها وي اصدقائي
عمار :- ههههه ابوي مشغول دائما ف م نكدر نجي الها
امير ركضت و دخلت للمدينة و اني اصيح
:- اليوم ح اشوفك لعبة تخبل م تمل منها
اخذته و لعبنه هواية صراحه فرحت اكثر منه هههه
لعبنه و م حسينه بالوقت اتصلت علي خالتي و كالت ام عمار قلقانه عليه
ضاج عمار و توسل بي حتى نرجع مرة ثانية
ضليت كل فترة نجي اني و عمار و نلعب سوة
مرة طلعته ويانه اني و جماعتي
صار عمار صديقنه و جماعتي حبو جان طفل مميز و هادئ و اخلاقه حلوة و تصرفاته ليكول عمره ٤٠ سنة 😂😍 )
هيلين :- عااا كل هذا و اني م ادري انتم اصدقاء
رفع ايده عمار و هو رافع حاجبه
:- مو بس صداقه اخوان احنه
ضرب ايده امير و دار ع هيلين :- اكيد احلى اخوان و نسايب قريبا
عمار :- شتقصد😐 ؟
امير بتوتر نسه انو عمار ابو عقلين :- ههههه هيج 😅
عمار و هو يحاول يغير الموضوع :- هه يله خلي نروح😏😏😏
....●●......●●.....●●
(هيلين بهاي الفترة جان امير اله دور جبير بحياته كدر يدخل بحياتنه و يصنع البسمة الي فقداناها
صحيح كل ليلة نذكر بابا و ماما و نكعد اني و عمار نبجي بس لحظات و يتصل امير و يسأل خاف نحتاج شي بالليل او يجيب النه حلويات و يدبرله حجه حتى يجي و يدك بابنه بالليل و كانو يعرف دا نبجي و يريد ينسينه جان يشاقينه و يضحك و كانو م يعرف شي اسمه حزن
اذكر عمار من عرف ابوي و امي توفو جان موقف صعب و ضعفي سيطر علي حتى م كدرت اواسي اخوية ضليت ابجي بس امير ادخل و م ترك عمار و ضل يحجي علي و حذرني م ابجي يمه امير جان سند النه جان عبارة عن امل يحذرنه من اليأس و يذكرنه انو كدامنه حياة طويلة لازم نعيشها و نبتسم و نفرح لانو امي و ابوي يحسون بينه و م نريد يحسون انو احنه ضعفاء و هم الي علمونه نصير اقوياء و نواجهه الحياة
بيوم الي طلع عمار من المستشفى كلت له بخبر وفاة اهلنه
اذكر كان مصدوم و م صدك و كال :- لا م يتركوني يمكن هم مثلي محترك وجههم و يخجلون يطلعون حتى م اشوفهم اكيد هم بالبيت
ضل طول الطريق كاعد ع جمر و منتظر يشوفهم بالبيت و عيونه بيهن امل انو بعدهم عايشين...
من وصلنه للبيت و م لكاهم كعد بالكاع و رفع راسه للسماء و صرخ بصوت عالي و هو يبجي بكل حركة
و هو يكول
:- لك باااااابا لتتركني بعدني صغير ع اليتم
لج ممامما بعدني م اعرف اخاف من الظلمة
رربي ليش اخذتهم ليش م اخذتني وياهم
جان يحجي كلام يكسر القلب و كانو ينطيني جرعات مضاعفة من الضعف و الحزن
بيومها امير وكف ب باب البيت بدون م يدخل .. و من سمع عمار صرخ ركضله و حضنه
و ضل يضرب ع ظهره
:- اني وياك اني اخوك و ابوك و سندك و كل شي الك حبيبي دا تاذي روحك بالصريخ و البجي .. صدكني كل شخص و يومه و الله سبحانه لطف بحال اختك و م كتبلك تموت لو كاتبلك تموت منو يبقى لاختك .. انت سند لها عيش لاجل اختك الي راح تصيرلك كل شي بالهدنيا .. صير قوي حتى تكدر تسندها لان هي ضعيفه .. التفت و هو عصبي ع هيلين
:- هيلين كافي لتبجين ..
و اشر بعيونه ع عمار و هو يبين الها انو م يصير تبجي كدامه
هيلين مسحت دموعها :- عمار حبيبي اني....
م كدرت تكمل و كعدت كبال اخوها و لزمت ايده و بجت بصوت عالي
ضل هو يبجي وياها و حضنها
امير دمعن عيونه و هو يشوفهم بهذه الحالة
ضرب عمار ع صدره :- اكعد ابجي وياكم احسلي انتم انتصرتو علي و بجيتوني وياكم
فجاة دار و صرخ و هو خايف
التفتو عليه متفاجئين و صاحو :- شكو
امير بتوتر :- بسم الله ولكم شنو هذا الي معلكينه ع حايط يخوف
هيلين ب استغراب :- شبيك م شايف قناع فلم الصرخة هذا قناع عمار
امير :- اسستغفر الله ولكم عبالي يريد يكتلني اكو واحد يخلي القناع معلك و نوب راسمينه رسم جسمه ع حايط ليكول شخص حقيقي
ابتسمت هيلين و عيونها حمر و دموعها ع خدها
عمار مسح دموعه :- امير تدري بروحك خبل و عندك مواقف بايخة
امير و هو رافع حاجبة :- م اعرف توي عرفت🤔
ضحكو كلهم و هو رفع شعره بيده و ضل يضحك وياهم
●•●•●•●•
دك الباب
فتحت تالين
:- نعمممم
احمد :- عفوا اجيت اسأل عن بيت ابو عمار اشو ماكو ادك بالباب و م يفتحونه
تالين و هي تعلج و تباوعله بطرف عينها بتكبر
:- شتريد منهم
احمد بانزعاج :- مالج دخل كوليلي وينهم
تالين :- الله انطاهم و الله اخذاهم .. بس بقت عله منهم ع قلبنه
احمد بعصبية :- شقصدج ولج
تالين :- ماااتووو بحادث .. انت منو 😒
احمد بصدمة :- شششنو تحجين انننتي عدلي حلكج لا اكسر راسج شو ماتو
تالين و هي تضحك :- يعني برأيك م يموتون لو اول بشر ماتو
احمد :- لج فهميني
تالين :- هو انت منو
احمد بملل :- لج ابن اخو ابو عمار اني و اجيت اسأل عنه لان مختفي من اشهر
تالين :- الله جابك خلصنه من بنت عمك لازكة عدنه الحمد لله اجيت انت راح تخلصني منها
احمد بعصبية :- ماكو واحد جبير خلي نتفاهم وياه م احجي وي اطفال
تالين بعصبية :- طيرررر منا م غيرك الطفل روح بابا
احمد :- احترمي نفسج و عرفي وي منو تحجين عيب هالكلام بنيتي بعدج طفلة و لسانج بطولج كبر ل هل تربية ..
تالين :- كبر لكبرك و حاولت تسد الباب
خله رجله بسرعة ع باب و م كدرت تسده صرخت :- لك ابتعدددد ولي مناااا
احمد و هو يدفع الباب :- لج وكحة خلي نتفاهم
اجه ابو تالين يركض من سمع بنته تصيح
:- شششكو منو انت
خجل احمد و ابتعد من الباب
:- اسف عمي بنتك جبرتتني اسوي هيج اجيت اسأل عن بيت ابو عمار و هي حجيها مال اطفال اكولها صيحي واحد جبير م ترد
ابو تالين تفاجئ و دار ع بنته :- دخلي جوة حسابج بعدين
باوعت بعصبية ع عمار و دخلت
:- تفضل ادخل وليدي
احمد :- لا عمي تسلم اني اجيت اسأل عن عمي بس نزل راسه ابو تالين :- ابني انطاك عمره عمك وزوجته
نصدم احمد :- شنووو ؟ عمي شنو دا تحجي انت ؟
ابو تالين :- عمي هم جانو جاين يزورونكم و نزلو بمطعم و صار انفجار و ....
احمد قاطع كلامه :- بس لتكمل
كعد بالكاع و سند روحه ع باب و هو يتذكر عمه
( جانت الدنيا ليل و الجو بارد و احمد نايم بغرفته و هو يبجي بسبب عمه الي ضربه لانو تعارك وي صديقه بالمدرسة الي ضرب لحد م ضل وجهه ينزف لزم بطنه و هو جوعان و كلها نايمة طلع يمشي ع اطراف اصابعه و دخل للمطبخ فجاة سمع صوت ركض ختل ورة الباب
باوع من ورة الباب و شاف مرت عمه اجت تشرب مي من الثلاجة
فجاة تقدم عمه منها و كعد ع طاولت الطعام و حجه وي زوجته
:- احمد تعشه ؟!
:- لا اخذتله الاكل مثل م كلت لي بس الولد جان خايف و م قبل ياكل
:- جان خليتيها يمه
:- ردت اخليها بس هو رفض خاف منك من عاقبته و حرمته من الاكل يعرف اذا اكل راح تعاقبه عقاب قاسي الله يهديك التربية مو هيج
:- ام هيلين اني اعرف اربي عدل بس تربيه اخوي من البداية غلط يعني شكد احاول امشي هالطفل ع الدرب الصيحيح يطلعلي بعركه و مصيبة
:- اووف ابو هيلين مو بالضرب علمه طلعه وياك حاول تعلمه انو هالشي غلط
:- ليششش م طلعته م علمته م حجيت وياه بس م يفيد و الله اني من اضربه احس الوجع يصير بقلبي
:- ابو هيلين انت عصبي وياه حاول اكثر
:- اووف تعبت منه
دنك راسه تقربت منه و لزمت راسه
:- ان شاء الله يصير عاقل بس انت اعرف شلون تعلمه ع الصح هو طفل
:- ان شاء الله
:- يله خلي احضرلك شي تاكله فدوة لقلبك
:- لا ام هيلين خطية احمد نام جوعان و اني اكل
:- فدوة لقلبك الطيب
ابتسم احمد و هو يسمع كلام عمه و من هذا اليوم قرر يتغير و ثاني يوم توفه جده و رجع لاهله )
ضل يبجي و هو يتذكر عمه و مرت عمه
لزمه ابو تالين
:- تعال ادخل ابني لتضل بالشارع
فجاة طلعت ام تالين و هي متوترة و خايفة
باوعلها احمد و هو مصدوم
:- خالة سميرة ؟
ام تالين :- خالة احمد تعال ادخل خلي نتفاهم
ابو تالين باوعلها و هو مصدوم :- تعرفينه ؟؟
دنكت راسها و هي متوترة
وكف احمد و هو يبجي و محروك قلبه
:- خالة ليش م نعرف ب وفاتهم ؟ منوووو دفنهم ؟ و شووكت ماتو ؟
ام تالين و هي تبجي :- خالة خل ندخل و افهمك
باوع احمد الها بعصبية و دخل
●•●•●•●•●•●•●•
جانو يلعبون و هم فرحانين و هيلين كاعدة تباوع عليهم و فرحانه لانو تشوف اخوها فرحان
نسو همومهم و م مهتمين للي جاي الهم
باوع امير ع هيلين و ابتسم و تقربلها
:- هيلين .. ينادونج كمر و انت من الكمر احلى
هيلين بخجل :- اش ليسمع عمار
ضل يضحك بصوت :- لج ع اساس م يعرف
صاح بصوت عالي ع عمار الي ضل يلعب وحدة :- تعرررف عمار مووووو
عمار و هو يضحك بصوت عالي :- اااااايييي اعرررف
امير :- شفتي
هيلين :- يااااا صدك يحجي ؟
امير :- ههههه شبيج قصده يعرف يلعب وحده😜
ضحكو ثنينهم و امير يباوع ل هيلين بحب و هو مشتاق يشوفها عروس اله
صاحت :- اميرررر خلي ناخذ صورة للذكرى
نزل راسه بحزن و كانو شي عصر قلبه
رسم ابتسامه كاذبه ع وجهه و رفعت هيلين الفون مالتها و هي فرحانه
امير :- غبية اخذي بالكامرة
هيلين :- لاااا الفون احلى
امير :- حتى تخلين فلتر الجلب يا جلبة
خلت الفلتر ع وجهه و كالت و هي تضحك
:- هههههه الفلتر ع وجهك ترة
صرخ بعصبية :- انجبي 😠
ضحكت بصوت عالي
اجه عمار يركض و صاح :- خلي ناخذ كل احنه
وقتت الكامرة هيلين و خلتها بعيد عنهم و ركضت وكفت بنصهم
و اخذو صور هواية
منها عمار صاعد ع ظهر امير و امير يباوع عليه و مبتسمين و هيلين معصبه ع عمار
و منها صوره هيلين واكفه و عمار لازم ايدها و كاعد بالكاع و كانو يخطبها😜 و امير لازم عمار من قميصه بعصبية و كانو يغار منه
صور هواية ادل ع فرحهم و بنفس الوكت جان امير يتملكه خوف مو طبيعي و كانو اخر مرة راح يضحكون
انتهت الاوقات السعيدة بسرعة و رجعو للبيت نزلو من السيارة و عمار دخل يركض بسرعة للبيت
صاحت هيلين :- عمار لتوكع
عمار و هو يركض :- ح تبدي اللعبة
امير :- يله حبي دخلي تصبحي ع خير باجر نلتقي
هيلين :- اووف ياريت تبقى كدام عيني طول العمر م اريد تبتعد عني
امير و هو فرحان من كلامها :- هههه اول مرة تحجين برومنسية
هيلين :- اميررررر بدون شقه صدك اريدك يمي طول العمر م اريد تبتعد لحظة عن عيوني
امير :- وياج طول العمر .. بس لازم هسة نصبر لحد م ادور السنة
هيلين :- ياريت ينعاد اليوم و اضل كبال عيني
امير :- ياريت النوم م يسرق وقتنه ههههه
ابتسمت هيلين و ابتعدت عنه و هي تكوله
:- صبح ع خير
امير :- تصبحي ع خير يا الخير كله
كمل كلامه و هو يرجع بالعكس و داير ظهره للبيت و يباوع عليها :-
اسمعي
غنالها ( هسة الدنيا ضحكتلي .. احس عافيتي رجعتلي .. حبيبة عمري صارت لي .. الاحبها و المتت بيها )
ههههه نسيت الباقي
هيلين :- صوتك حلووو هههه باي
دخلت و هو ضل يرجع و مسح شعره ب ايده و رجعه ليورة و ابتسم و ضل يغني بصوت ناصي
دار وجهه و ضرب ب احمد الي طلع من بيت ابو تالين و هو معصب
باوعله و هو مصدوم
:- احمممممد ؟؟؟؟
.
.
.
.
(عرفنه الفركة راح تصير من اخذنه الصور ذكره)
نهاية البارت التاسع
اتمنى عجبكم اريد رأيكم بالقصة
و انتظروني بالبارت القادم
احبكم متابعيني😍 😘
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
