رواية ( احزان القمر)
للكاتبة كاثرين
الجزء الحادي عشر
رأيتك الليلة في احلامي
كنت طيفاً عبق الكلامِ
ف انت سيد الوجداني
اختصرت كل أمالي
و اعلنت بعدك الحدادِ
و سيطرت على انفاسي
و كنت هوائاً ل رئاتي
و الشوق كان سيد المكانِ
و ابتساماتك قتلت اوجاعي
فهذا اللقاء في خيالي
ارضى به حتى المماتِ
●●●●●●●●●●●●●●
طلع احمد و هو يصرخ ع كرار الي كمز و وكع التلفون من ايده
احمد :- تففف ع جهرتك كلب من زمان و كولي اسم بنت نعالك اسمها هيلين
كرار :-هاي بنت عمك لتغلط و اذا كلت لك تعرفها شنو ؟ بعدين راعي مشاعر الضيف جايك تعبان من السفر و اجيت بالشقة مالتك حتى فراش م تفرشلي ع اقل عشه جوووعان ..
احمد :- اكو اختراع اسمه ثلاجة بيها اكل و طباخ سوي اكل و نجب و بعدين لتسوي روحك ضيف و كوم افرشلك فراش و نخمد
كرار و هو يسأل بفهاوة متعمد :- انت بدمك يجري شي اسمه غلط و سب ؟
احمد :- ديلة انجب
و دخل و سد الباب مال غرفته
صاح كرار :- سد الباب سده .. تخاف مني خاف ادفرك و اخذ فراشك هه
اكوم اسويلي اكل احسلي من وجهه النعال ابن الصخل ضرب حلكه استغفر الله علمني ع غلط لو تسمعني ننوش اوف ارووح فدوة لامي الوردة ههههههه
●●●●●●●●●●
جانت نايمة بالظلمة و ضوة شاشة الفون مالتها مسيطر ع مكان
عمار و هو نعسان :- هيلين م اكدر انام من الضوة طفي الجهاز عيونج راحن شعندج من يومين و عيونج بالفون
هيلين بعصبية :- شششبيك عمار بعدني م نعسانه راح اكعد بالصالة
عمار :- احسن دبة خلي انام
هيلين :- اي دبة عيني دشوف خدودك بيهن كيلوين لحم ..هههه ليكول بقرة
عمار :- الابقار اخواتهم هم ابقار
هيلين :- و صاير يقصف ههههه اروح احسلي تصبح ع خير
عمار :- اجمعين مو تختلسين مثل البارحة م اجي انقذج ترة ههههه
هيلين :- انجب
طلعت كعدت بالصالة و هي تقلب بصورة فتحت رسائلهم اشتاقت تحجي وياه تتعارك نفس قبل بس هو تركها بعد
(هيلين)
تنفست بصعوبة و نزلت دموعي و اني اقره بالرسائل وين جنه و شلون صرنه ليش هيج سوة ؟
ضليت اقره ب الرسائل و اضحك من كل قلبي ع سوالفنه و عركنه و ع غيرته لمن خليت صورتي بالفيس و شلون يهددني يهكر حسابي لو يبوك جهازي و يحذفها و اني اضحك بس بلكوة قنعته لان كلت له مستورة بس حلف يمسحها
وصلت الى نهاية الرسائل
و اني اضحك من كل قلبي و فرحانه و كانو م صاير شي
باوعت ماكو بعد رسائل
و اني اضحك نزلن دموعي و بجيت
كتبت ب محادثته :- وين وعدك ؟! مسحت الكلام و رجعت كتبت و ضليت امسح و اكتب اخر شي
كتبت كل الي بقلبي الى ان انتبهت صارت جريدة كاملة ابتسمت و انهيت ابتسامتي و اني اجر نفسي بالكوة حسيت ماكو هوة و اختنكت
:- ليش هيج امير
مسحت دموعي و حاولت اغلق الجهاز فجاة بدون م ادري نرسلت الرسالة
وكفت و اني اصرخ :- لا لا لا هاي شسووويت شكددد عوبة كبر ليكبرنيييي شسوي يارب ميصير احذفها بالماسنجر وصلت .. يممممه قررراهاااا اخ قلبي
ضليت ادور و اني محتارة اروح و ارجع و اني اضرب ب اصابعي
شوي و دز رسالة
:- طلعي اني واكف بالباب
رديت :- م اطلع
:- كلت لج اطلعيييي
تذكرته من يكولي اذا اكرر الحرف بالرسالة معناها عصبت :- اوف مريد اطلع ع اساس عصبي
غلقت النت بسرعة و كعدت
:- اي احسن هيج هه يتركني و يريدني اطلعله جبان ضربت حلكي و اني اكول عابتلي شلون اغلط عليه
فجاة اتصل ع رصيد
ابتسمت بشر و اني فرحانه اكيد يريد يتوسلي ههههاااي و الله م ارد عليك لو تموت
اسممم الله عابتلي شنو يموت بي ولا بيه
بس م اطلعله ابد
شبيج هيلين هذا امير حبيبج يجوز ح يفهمج ع زعله منج اي يجوز
ضربت راسي
انجبي انتي هه تريد انزل من كرامتي و اطلعله
لا مستحيل كرامتي ثم كرامتي فهمتي يا قمر
جنت احجي وي روحي مثل الخبلة و م احس الا اني لابسه حجابي و افتح بالباب
باوعت من الباب لكيته واكف و لازم علاكة صغيرة بيده
اوف يمكن جايبلي هدية يعتذرلي بيها عن تصرفاته وياي
طلعت و اني دايره وجههي منه
امير :- تفضلي
باوعت بتكبر :- شنو هذه ؟
امير :- خالتي دزتلكم لفتين فلافل لان تحبون الفلافل و هي مسويه عشانه فلافل
باوعتله بصدمة :- شنووو ؟؟ فلافل ؟؟
عصبت عليه و دفعت ايده الي مدها حتى ينطيني العلاكة و كملت كلامي
:- روح كولها مرة ثانية من ادز لفات فلافل لترسلهم بعلاكة حلوة مال هداية مثل هذه
ابتسم و هو يشوف ملامحها الطفولية الممزوجة بالعصبية :- شعبالج هدية ؟ هههه جانت ع ميز اخذتها بسرعة و خليتهم بيها
درت وجهي بعصبية :- لا .. اقصد هو يعني ..
باوعت عليه و كملت كلامها بعصبية :- منو سمحلك اجيبهن النه م محتاجين اجيبهن فاهم اذا تريد خالتي ادز تالين ام خشم مو ابو كرش
رفع حاجبه :- منو ابو كرش ؟ ع عموم اذا م ترديهن اخذهن تعرفين ابو كرش يموت ع فلافل هع
باوعت عليه بسرعة مدت ايدها ع علاكة و جرتهم
:- لااااا مستحيل هذول الي شنو تاخذهم هع بكصتك لتكول هع اكرهها من تكولها
ابتسم ب برود :- و اني اكرهج بجميع حالاتج و جذباتج و كلامياتج همات
باوعتله ب استغراب :- اني م اجذب و ليش اجذب م عندي جذبات
خله اديه بجيبه و رسم ابتسامه مزيفه ع وجهه الي بين عليه القهر
:- كالت لي تالين ع كل شي و خالتج هم كالت لي ع اولاد عمج الي تعرفيهم و م كلتي منو هم بيت ابو راضي الله يحفظهم الج
استغربت كلامه :- شنو هالتخبيص الي دا تحجي بيه
تقربت منه و كملت كلامي :- شنو كالت تالين بله ؟ و منو بيت ابو راضي ...
فكرت شوي و باوعت عليه بصدمه
:- قصدك بيت جدي ؟!
عضت شفتها بعصبية
:- لجيب سيرتهم اضوج منهم هم السبب بموت بابا و ماما لو م رايحلهم م ماتو
امير بعصبية :- اسككككتي لتدعين البرائة .. هذا قضاء و قدر خلاص سكتي
هيلين :- اني م اعرفهم و معرف شنو كالت لك تالين بس بما انو انت صدكتها ف هذا الشي راجعلك و الحمد لله تالين هيج سوت نقذتني من شخص م يثق بي و من اول مشكلة تركني عبالي سند الي طلع اكبر كسر لقلبي شكرا ع كل شي
ابتسم بسخرية :- قصدج شكرا ع لفه الفلافل هههه
باوعتله ب حزن و هي ضايجة و نزلن دموعها مسحتهن بعصبية بسرعة و دخلت
سدت الباب و سندت ضهرها ع باب و ضلت تبجي بصوت واضح و هي تكول
:- اووف ليش نزلتن كدام هالنذل
باوعت لكت عمار كاعد كدامها من شافها تبجي نزل راسه بحزن و م حجه و كانو فهم الي تمر بيه هيلين و حس بقلبها
●●●●●●●●●
( امير ) تنفست بصعوبة و شديت شعري بيدي حيل و كانو احاول اهرب من والعالم .. من هي بعيده عني احس الكون يضغط علي و يمنعني اتنفس مو هي بنت الي قتلو امي ليش اهتم ياربي
فتحت فوني و اني اذكر رسالتها الي طولها سبع مترات هههه مقريتها لانو جنت واكف بالباب
جان مكتوب بيها
( اين وعدك ايها الوغد و مغازلاتي
سطرك الرحمن سطرت الغركانِ
يا بعيداً عن تصرفات الانسانِ ( اقصد حيوان)
ضحكت و اني اقره بالشعر الي دازته ع اساس تكتب اشعار تهي نوب تغلط لسانها صاير طويل يحتاجله كص .. من ياذيها احد اطول لسانها
ضليت اضحك و كملت رسالتها
شوف امير تحترمني احترمك م تحترمني بالعباس م احترمك ههههه اهو شخبص اني اثر بي النت المهم م اعرف ليش زعلان مني اتمنى اعرف السبب ب اسرع وقت اميري اموري م اتحمل بعدك و الله م اكدر لا انام ولا اتنفس مخنوكة
هيلين تتعذب انقذها يا فارس الاحلام هه لتجي ب حمار تعال ع حصان و اريده وردي امم لو لا تعال ع خروف حتى نذبحه و ناكله سوة هاها شكد فاهية اني احجي وي روحي من وراك تدري
راح تصير بي حالة نفسية
ضحك ع حجيها و كتب
_مخبلة)
مسحها و غلق جهازه و هو يعجز عن الرد بعد م اذكر امه الي ماتت بسبب عمامها
:- معقولة كلام تالين كذب و هي م الها دخل بيهم اني عشت ٣ سنوات هنا م شفت احد من بيت ابو راضي دخل ع بيت ابو عمار .. لازم باجر احجي وي هيلين
●●●□●●●
احمد كعد من الصبح تريك و راد يطلع فتح الباب و سمع صوت كرار من رواه
:- وين طالع من الصبح ؟
احمد :- زوجتي العزيزة لتخافين وحدج اخلص شغلي و ارجع😒
طلع و سد الباب و ترك كرار وحدة
كرار :- الحمد لله ع نعمة العقل
فجاة رن تلفونه
:- اهلا ابو كرار .. اي نعم التقيت بيها ... شنووووو ... لا شنو السالفة كم يوم و نرجع سوة لتجي الطريق طويل . الوووو حجي دخيلك لتجي الوووو
لا يا ربي راح يجي
●●●●●●●●●●●●●
هيلين ريكت عمار و بدلت و استعديت ليوم جديد مليئ بالعمل ههههه ع اساس احجي فصيح يربي خرب صرت خبلة احجي وي روحي
اليوم عمار خلص امتحاناته فلازم يجي وياي للشركة ف لازم استعد ليوم مليئ ب العركات
فتحت الباب و اني احاول اطلع السيارة تفاجئت و اني اشوف امير واكف منتظرني
نزلت راسي و كملت فتح الباب و ردت ادخل علمود اطلع السيارة
صاح علي بصوته الي مبين عليه انو مريض
:- هيلين .. خلي نحجي شوي
التفتت عليه بانزعاج
:- تفضل احجي
امير :- م يصير بالباب
ابتسمت 😏:- م اكدر ادخلك للبيت
امير بعصبية :- منو طلب منج ادخليني للبيت خل نروح للكافتريا الي يم الشركة
هيلين :- خلي اطلع السيارة بس صوتك مبين مريض ؟ خير ان شاء الله ؟
دار وجهه بدون م يرد عليها
رفعت حاجبي و دخلت
اجه عمار يركض و ضرب امير برجله
التفت امير و رفع حاجبه :- شبيج عمار شنو هالتصرف
عمار :- صداقتنه انتهت
امير :- ههههه هاي ليش يابة
عمار :- م عندي اي صداقة وي شخص ينزل دمعه اختي جنت احسبك خوش رجال بس خل ب بالك الرجال تسقط رجولته من ينزل دمعه مرة
امير :- ههههههه لك شنو هالكلام عقلك كبران ما شاء الله
عمار :- ههههه اعرف عقلي جبير و اميز بين العدو و الصديق
امير و هو يحضن عمار و يشيله :- لا لك عقلك راح ينفجر اترك الكتب احسلك
عمار :- نززلني اصلا الكتب تعلمني اتصرف وي الجاهل مثلك
امير نزله بسرعة :- جااهل مووو ؟ لك انت طالع ع اختك اوكفلي اليوم اكص لسانك
ركض عمار و صعد بالسيارة الي طلعتها اخته و هو يضحك ع امير
امير ابتسم و شاف هيلين تاشرله يصعد
تقرب منها :- نزلي
هيلين :- شنووو؟
امير :- تريدي اصعد وياج و انتي تسوقين تخبلت نززلي
نزلت بعصبية و شمرت المفتاح عليه
ابتسم و غمزلها
طول الطريق ساكتين و كانو ثنينهم ضايجين من امير
امير و هو يباوع ع عمار من المراية :- عموري شلونها الامتحانات
عمار بلا مبالاة :- لو تسكت و م تدخل مو احسن ؟
هيلين بعصبية :- امير احترم عيب هالكلام
امير :- ههههه تركيه هذا اعرف حل اله بس اخ من قلبي شلون الكاله حل
هيلين :- م فهمت
امير :- هم اني م فهمت المهم احجيلكم نكته سألوا دجاجه لماذا تضعين البيض وانتي تعلمين ان الانسان سيأكله، ؟ اجابت بقبقييييق .. دجاجه يعني شتتوقعون منها ☻🍿
عمار :- بايخة مثلك
هيلين :- لك كافي عمار صاير متسمع الكلمة
عمار :- يعني هو شدخله بينه ليش يريد يوصلنه سيارتنه و نعرف نسوق
هيلين :- كافي لتخليني اعاقبك لسانك طولان
التفتت بخجل ع امير
و كملت كلامها :- اسفة
عمار :- ماكو داعي للتاسف اوك
هيلين :- عماااار
امير :- تركيه عمار بطل يخاف ع اخته و م يقبل تنزل دمعتها بس حبيبي عمار اكو امور متعرفها بعدك
عمار :- اني مو جاهل مثلك الصوج ب اختي الي تحبك
هيلين :- عمار شنو هالكلام الي اكبر من راسك عييب لتحجي هيج و الله وصلت حدها راح استخدم غير اسلوب وياك
عمار :- اعرف اعرف انتي تحبيه بس هو واحد كلب و لو يموت م انطيج اله هذا من اولها تركج تبجين😑
هيلين :- عمار سد حلكك ولا تنطق كلمة بعد و اني اعلمك بس اوصل للشركة
ضحك امير :- لج هذا صدك طولان لسانه .. ولو منو اخته
هيلين و هي مصدومة :- شششنو قصدك ؟ يعني اني طلعت ام لسان
امير :- هسة اني جبت سيرتج
هيلين بعصبية
:- لعدددد منو اخته 😑
امير :- انتي😜
هيلين :- اصلا فقيرة😑
امير :- واضح😂
عمار :- ع فكره ترة ضحكتك تلعب الروح لتضحك😒
هيلين :- كااااافيييي
ابتسم امير و غمز ل عمار من المراية
اما هيلين ف وجهها ضل ينطي الوان من الخجل و تحلفت تلزم عمار و تعاقبه ع لسانه الطويل
●●●●●●●●●
امير عدل كعدته و هو يباوع ع هيلين الي دخلت عمار للشركة و عبرت الشارع و دخلت للكافتريا و كعدت كبال امير
هيلين :- نعم سيد صافن غرررد
امير ب ابتسامة :- اليوم طالعة حلوة
هيلين :- من زمان مو بس اليوم
امير :- بلا غرور ها اكره البنت الي تنغر
هيلين :- م كلت لك حبني اكرهني عادي م اهتم
امير :- ههههههه ولسانج شيخلصنه منه اذا تركتج نوووب صار عدنه جزء ثاني من اللسانات الطوال
رفعت حاجبها
:- امير عندي كومة شغل احجي الي تريده اسمعك
امير :- احمد منو ؟!
هيلين :- منو احمد ؟!
امير :- رجاءاً هيلين بدون كذب اني م اتحمل اتركج لحظة حبيتج حب حقيقي و صادق و الف مرة ردت اخطبج و انتي صديتيني لان اهلج بعدهم مدايرة السنة كلها كم شهر ادور و غصب عنج نتزوج بس الي ضوجني ليش م كلتي انو عندج تواصل وي بيت عمج و تعرفي احمد هو ابن عمج
هيلين :- شنوووو ؟ احمد ابن عمي ؟
امير :- اي نعم و انت تعرفين مو ؟
هيلين :- م دا افهم احمد ابن عمييي ؟ و هو يعرف ؟
امير :- جاوبي اي او لا تتتعرفين ؟
هيلين :- و روووحه لابوية م اعرف
امير :- لتحلفين اني ر....
هيلين :- انت زعلان بسبب هالموضوع ؟!
امير :- انجبي مو زعلان بس جنت تعبان
هيلين :- و شنو ذنبي تعاقبني اني م ادري هو ابن صخامي عمي لو ادري جان كلمة م نطقتها وياه تعرف شكد اكره عمامي
امير :- ليش م كلتي عندج تواصل وياهم
هيلين :- لكيت ارقام عمامي بفون بابا و حذفتهن كلهن بداية موت اهلي😔
امير :- ليششش
هيلين :- م اريدهم يجون و اشوفهم اكرههم
امير :- و اذا خطبتج شلون
هيلين :- عادي جبيرة اني و اني اتحكم بحياتي
امير :- جبيرة ولج انتي حمار براسج حصان متمدد شنو متعرفين انو عمامج جنوبيين عشائريين يكسرون المرة تكسر لو طلعت للسطح مو نوب تتزوج بدون م يدرون 😒
هيلين :- هههه ضحكتني لعد من مات اخوهم م اجو سألو خل يطيرون متبريه منهم و وووو لتغلط واضح
امير :- بقسم بالله انتي ثولة اني م اخطبج الا من عمامج و بكيفج
هيلين :- اي المهم و ليش مطنكر صار كم يوم ع هالموضوع
امير :- لا موضوع ثاني م اريد افتحه
هيلين :- كول يله يله حباب خل نعررف
امير :- انتي حفيدة كامل الي عمامج كتلو امي
هيلين :- شنوووووو ؟
حجالها كل القصة و هي نزلن دموعها بسرعة
هيلين :- اولاً الله يرحمها ثانيا اني م الي دخل و شاهد الله منك عرفت كل شي ليش عاقبتني و تركتي
امير نزل راسه بدون م يحجي كلمة
هيلين :- احجي
امير :- اسف حبيبتي صدكيني ساعة عصبية و جنت تعبان و عقلي مو بمكانه
هيلين و هي تمسح دموعها :- هو منيلك عقل
امير :- اي مخلي الج ام عقلين
هيلين :- مراح اسامحك لتشاقي
امير :- هههه طيب راح احجيلج نكتة اذا ضحكتي تسامحيني و اذا م ضحكتي خلاص انتي ربحانه
هيلين :- اوك بس خل الزم حلكي لضحكين لضحكين
امير :- ههههه أثناء النظرة الشرعية
قال الشاب للفتاة : إنتي ثمينه
انبسطت البنت وضحكت ،
وبعد قليل قال لها
: ثوي رجيم أحثن لج!!!
طلع أثرم ويتشرط عديم الإحثاث😂😂
هههههههههههههههههههه
هيلين خلت ايدها ع حلكها و ضلت تضحك
ابتسم امير و غمز لها
●●●●●●●●●
وكف بعيد عن الباب و هو يتذكر كل السنين الي عاشها يم عمه م يذكر شكل بنت عمه لدرجة م اتعرف عليها من كبرت
جان يفكر شلون م عرفها اول م شافها
احمد :- اووف يا ام عيون طلعتي بنت عمي هههه و اني اكول ليش كل تفكيري صار يمج ثاريج قفلي بس يحتاجلج تاديب شوي
وكفت يمه و حجت بصوتها المايع
تالين و هي تعدل بجنطتها مالت المدرسة :- عرفت دبر هيلين لو تريد تسلم علينه
دار وجهه بسرعة عليها
:- شنووو
تالين :- هيج عيوني بس اذا تريد تشوفها ترة هي بالشركة هسة
رفعت ايدها و هي تباوع ع الساعة الحمرة الي بيدها
:- اعتقد هسة ح تجي لان قرب موعد انتهاء دوامها
ابتسملها احمد و نزل راسه الها :-
اعرف يعمري بس وقت انتهاء دوامج مو مر عليه ساعتين يا كتكوتة متاخرة هواي
تالين :- معليك .. اسمعني زين انت بنت عمك اكيد متقبل تطلع منا و منا وي امير و تضل ٢٤ وياه
احمد بعصبية :- امير شنو انجبي احسلج و ولي من خلقتي
تالين :- هدفنه واحد انت تريدها و اني اريده
رفع حاجبه :- هناااا الحجي
تالين :- ي نعم هنا ف خل نعقد اتفاق
احمد :- اتفاق ؟ ممم احجي بله نشوف شنو
تالين حجت ع مخططها الخبيث و هو ضحك من كل قلبه
احمد :- خاب ولي طفلة بربج م فارغ للجهال امثالج روحي بابا
تالين و هي تاشر بعيونها ع بيت هيلين :- اي تشوفهم راح تخليهم هييج
باوع ع بيتها و يشوف سيارتها واكفه و نزلت هي منها و وياها امير
دخل عمار يركض للبيت
و يصيح :- االى سريري العزيز انا قااادم يا صغيري
ابتسمت هيلين و دارت ع امير الي انطاها سويج السيارة
هيلين :- شكرا تعبناك
امير :- ههههه هاي الشكرا الغيها م اريدها بينه
هيلين :- ديله عاد انت شنو سويت هي سيارتنه (قلدت صوت عمار )
امير :- انجبي ولج هسة اذليني بسيارتج المعقجة ولج انتظرتج من الصبح للظهر هيج اجازيني
هيلين :- هههه حبيبي اشاقة لتزعل
امير :- بوسة و ارضه
هيلين :- اميرررر شنو هالكلام😑
امير :- انتظر الخطبة و امري لله بس ع اقل انطيني بوسة بالهوة 😅
هيلين :- طيرررر باي
مشت و لزمت الباب و ابتسمت و دارت عليه
و هي تخلي ايدها ع حلكها :- اموري مووواح احبك
امير :- يرررربي راح اموت
خله ايده ع قلبي و سوة روحه يطيح و دار و مشه لبيت خالته دخل
احمد جان يباوع عليهم و قلبه مثل النار
تالين :- اذا تريد الخطة هسة انفذها بدقايق يتحول هالحب لعداوة
احمد :- شنو دليلج انو امير راح يتركها
تالين :- ماكو داعي اثبتلك
احمد :- اكدر اخذها جر من شعرها و اخليها ب بيتي بس احاول احرك قلب هالكلب لذا موافق ع اتفاق اريدج هسة تنفذينه
تالين :- رقمك عيني😉
باوعلها بعصبية و دار ع بيت هيلين تنفس بصعوبة
و طلع فونه :- سجلي .....
●●●●●●●●●●
هيلين :- يلاااا عموررر الاكل جاهز حبيبي
عمار اجه بملل و كعد ع طاولة :- شبعان
هيلين :- عمار مدكلي شنو اكلت و شبعان اكل يله لتخليني ازعل
عمار :- م عاش ليزعل اختي اذبحه
هيلين :- ونعم منك زلمة تذبحة بالسانك مثل م ذبحت امير😒
عمار بده ياكل :- حبيبي انسي هالموضوع و لجيبين سيرة امير كرهته كرهته
هيلين :- ليش بله
عمار و هو يترك الاكل :- بابا يتخبل من جنتي تبجين ع امتحان اذا تاخذي درجة مو زينة يضل بلا اكل و زعلان طول اليوم من يتصل بيج و تبجين و تكوليله مشتاقتلك شوكت اخلص دراسة و ارجع يكول م احب تنزل دمعتها يجي هالامير و ينزل دمعتج
هيلين :- حبيبي عمار😔 اروحلك فدوة من بعد ابوي انت سندي من تكبر
عمار :- لتعامليني كانو صغير اني جبير
هيلين :- اهووو بعدلك كم شهر يله تدخل ب ١١ يا جبير هههه بس عقلك شكبره
عمار بانزعاج :- كم شهر مو ؟
هيلين و هي تاكل :- ي
باوعلها بعصبية و ضل ياكل حيل و هو يدردم بكلام ممفهوم
فجاة اندك الباب
عمار :- اني ح افتح
ركض فتح الباب
تالين دفعته و دخلت
:- هلاااااووو هلووونة
هيلين ب انزعاج :- هلا خير يا طير الاميرة تالين بيتنه تشوف عمار
عمار :- ستنقلب الدنيا يا اختي او هناك مصيبة
تالين بعصبية :- اهووو هسة كلبتهوها دارما هلونة فدوة اريد فونج
هيلين :- لااا و الله شنو تسوين بيه ؟
تالين :- هف ماما منعتني من الفون و اخذته و عندي امتحان باجر و المسائل كولش صعبة اريد ابحث عنهم بتلفونج بس لتكولين ل ماما
هيلين :- من شوكت ادرسين هههه
تالين :- لج اريد انجح فدوة
هيلين :- الا تلفوني اخذي فون عمار
عمار :- نوووو اريد العب بوبجي باي
و ركض
هيلين :- امري لله تفضلي و درسي زين ترة امج تنقهر من تشوفج م ادرسين
تالين :- ان شاء الله ح ادرس زين من اليوم
هيلين :- ح اروح اغسل الماعين😐
تالين :- اوك☺
شافتها ابتعدت عنها فتحتت التلفون و حفظت رقم و سجلته حبيبي و دزت هلو حبيبي رد هلا بيج انفاسي صدكي من الصبح انتظرج ردت اي حبيبي رجعت من الشركة توي رد حياتي شوكت نلتقي ردت العصر عمري رد اييي اريد اشوفج مشتاقلج كلها ايام و تصيرين حلالي ردت حياتي انت انتظر هاليوم بفارغ الصبر رد ان شاء الله كلها كم يوم و نجي ناخذج لبيتنه ماريدج تبقي وحدج ردت ايييي اريد ابقى وياك بنفس البيت حبيبي انت دزت قلب و غلقت الجهاز
هيلين :- اخذي راحتج حبيبتي اذا تريدي ادرسي بالغرفة
تالين :- اووك شكرا ح اروح للغرفة
دخلت للغرفة و قفلة الباب و اتصلت ب احمد
الو احمد لازم اطول بالمخابرة حتى يطلع مخابرتك ساعة
احمد :- اتركي التلفون و طلعي
تالين :- لااا و اذا شافت الرسائل
احمد :- هههه كوليلها حبيبي ح تفهم لان اكيد هي نفسج
تالين :- شنو نفسي ؟ شقصدك
احمد :- تفهم بسوالف الولد و الحب
تالين :- احترم نفسك اني احب ابن خالتي وبس معرفت غيره
احمد :- واضح من طريقة كلامج وياي خبرة هههه
تالين :- امداه حظي خلاني احجي وياك اني اريد امير وبس
احمد :- شكد لزكة همزين اني مو امير مسكين يا امير
تالين :- ولي من وجهي
احمد بعصبية :- بنت الكلب تغلطي علي مو بعد لطلعي كدامي
تالين بخوف :- ديله ديله ع اساس انت مدري منو باي
غلقت الجهاز و هي تحجي وي روحها :- مبين مخبل خلي اكمل الخطة و افلت منه
باوعت للساعة
شيجيب العصر
يلا مو شرط العصر
خلت الفون بجيبها
:- خلي نغير بالخطة ههههه
و طلعت بسرعة
باوعت هيلين :- شبيها هاي طلعت بدون متحجي
عجيبة هالبنية
●●●●●●
تالين :- الو احمد تعال تغيرت الخطة م اكدر انتظر للعصر اريد يتخاربون هسة ههههه انت تعال للبيت و ادخل اووك اريدك تدخل
احمد :- ماشي
ركضت تالين و دخلت للبيت
تالين :- يوووم وين امير
الام :- بغرفته شكو ؟ و شعندج متاخره كل هالوكت كلتي ادرس يم صديقتي صار ٣ ساعات من خلص الدوام معقولة كل هالوكت دراسة
تالين :- اووووف يوم شسويلج يعني م ادرس متقبلين ادرس هم متقبلين
ركضت لغرفة امير
فتحت الباب و امير صرخ بوجها
:- شكوووووو
تالين :- مصيبة
امير :- لج لشوكت تبقين طفلة دكي الباب قبل لدخلين كبر كون و بصفه مطي
تالين :- حبيبتك تخونك و انت ضال بس تدعي علي
امير :- اوف منج و من بلاوج عوفينه بحالنه شعليج
تالين :- رحت ادرس يمها و لكيتها لازمة الفون و دك سوالف و حب بس من اجيت غيرت الموضوع
امير ضحك و كمل تعديل ب كتبة
تالين بعصبية :- اي اضحك شوف شنو سويت
طلعت الفون و خلته كدامه
كملت كلامها من شافته لزم الفون و كعد يقره الرسائل
:- اني كعدت يمها ادرس و هي راحت تغسل الملابس ف اخذت الفون حتى اشوفك حقيقتها
قره الرسائل و غمض عيونه حيل من العصبية
:- شوووف تالين هالمرة اذا طلعت كذبة منج اخلي سوالفج بيد اخوج و ابوج ترة وصلت حدها
دفعها و طلع
و هي بسرعة اتصلت ع احمد
:- ح تروح بيها هلونة هههه
●●●●●●●●●●
احمد رحت لهيلين و دكيت الباب من طلعت ابتسمتلها
:- هيلين شلونج
هيلين :- شتريد ؟ شجابك هنا ؟
احمد :- توي عرفت انتي بنت عمي
تقدم منها رجعت بسرعة و لزمت الباب
:- لتتقرب مني شعرفني بيك حتى لو ابن عمي
احمد :- اريد ابدي صفحه جديدة و نكون اصدقاء احنه اهل
هيلين :- ماكو هيج حجي لا اعرفك ولا تعرفني
احمد :- ابن عمج اني م جنت اعرف انو عمي ميت و الله فهميني انتم الذكرى الوحيدة من عمي
تذكرت شلون ضل يبجي بالكافتريا و هو م يعرف انو هي بنت عمه
:- اخر مرة التقينه مجنت تعرفني مو ؟
احمد :- اي و الله م جنت اعرف هالشي
هيلين :- اوك مدري شنو اكول بس....
احمد :- باوعي ع شكلي زين .. اني اكثر شخص يشبه ابوج من بيت ولد عمامنه
هيلين ركزت بعيونه جان لونهم مثل لون عيون ابوها احيته و حاجبه بس شبه قليل ميلاحظه الا الي يركز
هيلين :- متشبه ابوي و دمعن عيونها و ضلت تبجي
احمد :- صدكي كلها هيج تكول
رن تلفونه باوع ع اسم تالين
هيلين ضلت تبجي:- ياريت تشبه بتصرفاته
تقدم منها و لزم ايدها بسرعة و دخل للبيت و حضنها حيل
هي انصدمت و م كدرت تبتعد عنه
:- لك اتركني
احمد :- صدكيني مراح اتركج اني وياج كول العمر سوة انتي بنت الغالي
وكف امير و هو مصدوم بمنظرهم و يشوف هيلين دموعها ينزلن
تقدم منهم
امير و صرخ :- هيلييييييين
ابتعد احمد منها
و دار عليه :- نعم تفضل ؟ شعندك داخل بيتي
امير :- هيلين اعتقد م عندج تفسير لهذا الموقف هه شكد غبي صدكتج اني
تقدم منها و لزم ايدها و رفعها و خله الفون مالتها بيدها
جانت تباوع بصدمه و هي ماتعرف شنو الي صار ولا استوعبت الموضوع باوعت ع تلفونها الي تركه بيدها
و الشاشة مشتعله ع محادث وي احمد
هيلين :- هاي شنو .. هذا تلفوني ؟ شوصله يم امير .. و شنو هاي المحادثة اني م دازه هيج ولا عندي هالرقم شنووو القصة
طلعت بسرعة ورة امير
هيلين :- اميررررر لحظة .. شنو الي دا يصير
دار عليها و صرخ بعصبية
:- سألي روحج شعرفني
ضلت تبجي و هي متعرف شي
:- و الله م فهمت شي
امير :- خلاص لتفهمي روحي لتركي احمد وحده
هيلين :- امير لتسوي هيج والله م اع....
قطعت كلامها و هي تشوفه يدخل و يسد الباب بكل قوته
كعدت بالكاع و ضلت تبجي
تقدم منها احمد و نزل لمستواها
:- يا بنت عمي الحب بعائلتي ممنوع للبنت خلي هذا بعقلج لا اسوي بيج الي سويته ب الي قبلج
باوعتله بصدمة و هي م مستوعبه كلامه ولا تعرف شنو الي دا يصير
دارت وجهه ع الباب الي نسد بوجها و خلت ايدها ع راسها و بجت
ليش من گتلك نظل صحبان
نخرب بالعشگ ما طاوعتني ؟
ستووووووب
انتظروني بالبارت القادم😪
احبكم 😍 سستركم😛
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
