احزان القمر
جدول المحتويات

    أنت تقرأ

    احزان القمر

    General Fiction

    روايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر

    #٢٣

    Part 8

    58 5 4 
                                        
    
                                              
    قصة { احزان القمر}●
    للكاتبة ( كـُـْـًّৡـًًٌٌاثــْْٰٰـريـَْْٰٰن❥║🦋🍂"،: )
    (الجزء الثامن)
    ‏شعرت بأنّ هذا العالم أجمع يحتشد في رئتي ويمنعني من التنفس .
    .
    .
    خلت ايدها ع خده و حجت بصوت عالي 
    :- لك اميررر .. عمو م يكعددد و حرارته مرتفعه خلي ناخذه للمستشفى
    تحرك امير بصعوبة و حجه بصوت تعبان
    :- نزلي ايدج من خدي ماكو شي مجرد حرارتي ارتفعت 
    خله ايده بالكاع و حاول يوكف 
    هيلين رفعت حاجبها 
    :- امير رجاءاً مو وكت زعل حرارتك مرتفعه و شكلك ابد م يطمن
    باوعلها بعصبية و هو يتقرب من السرير 
    :- و انتي شكو ؟ يهمج ؟
    :- دخيلك امير مو وكت زعل خلي ناخذك للطبيب
    نام ع سريرة و خله ايده بتعب ع عيونه
    :- م اريد منج شي .. تالين بس جيبيلي مي عطشان
    التفتت ع تالين بسرعة 
    :- لحظة تالين اني اجيبله 
    طلعت للغرفة و راحت للمطبخ و هي عصبية
    اخذت بطل مي و طلعت كوب
    اجت تالين وكفت يمها و جتفت اديها
    :- هالحركات ع اساس انتي مهتمه بيه متمشي علي
    باوعت هيلين عليها بهدوء
    :- و لتمشي .. ابتعدي من طريقي
    تركتها و راحت
    باوعت عليها تالين بعصبية و هي تعض بشفتها
    :- اووف شيخلصني منج حية حيييية 
    ●●●●●●●●●●●●●●●
    انطته المي بهدوء كعد اخذ الكوب و شرب و رجع نام  و خله ايده ع عيونه 
    :- شكرا
    هيلين بعصبية 
    :- اميرررر م اكدر اتركك بهذه الحالة خلي نروح للطبيب شوف حتى بلكوة تتحرك
    دار عليها و هو يحاول يكعد
    :- اهووو شورطني وياج اكولج م اروح للطبيب روحي لبيتج كلج كلج غريبة ديله طلعي من غرفتي
    نصدمت من كلامه و حجت بنفسها و هي مقهورة
    ( اكيد يريد يضوجني مثل م ضوجته و مو صحيح كلامه هو يحبني و م يعتبرني غريبة )
    باوعتله و هو يوكف و يمشي مبتعد عنها و هو يحجي بعصبية
    :-  شيطلعها..... طالع اني احسلي ابقي انتي
    نزلت راسها و نزلن دموعها و مسحتهن بسرعة و ركضت وراه
    طلعت من الغرفة شافت تالين واكفه و تضحك 
    :- ههههه يله ولي من بيتنه يا غريبة طلع ميت منج و انتي لازكتله
    دمعن عيون هيلين و رادت تطلع لزمت الباب و هي تفكر ( لا هيلين رجعي اوكفي وياه بمرضه ساعدج هواي حتى لو م يحبج )
    رجعت للمطبخ محتاره شنو تسوي 
    ( شكد غبية اني .. كمادات كمادات حتى تنزل حرارته )
    فجاة سمعت تالين صرخت ركضت و هي تصيح 
    :- شكوووو
    ضلت واكفه مصدومة و هي تشوف امير واكع بالكاع ب باب الحمام
    تالين و هي ترجف 
    :-  .. هيلين لحكيلي كال م اكدر اتنفس و وكع 
    ركضت هيلين و وكعدت قريب منه و شالت راسه خلته ع رجلها
    اجت الخالة سميرة تركض 
    :- شكوووو يمه ابني
      صاحت هيلين ب تالين 
    :- ركضي صيحي ل عمووو بسرعة خلي ناخذه للمستشفى
    تالين :- بابا م اعرف وين طلع
    هيلين :-  روحي جيبي سويج سيارتي بالبيت ركضي 
    بسرعة 
    تالين :- اوك
    هيلين :- بسسسرعة
    باوعت بوجهه الي صار اصفر و هو يتنفس بصعوبة
    هيلين و هي تبجي :- امير اسفة اكعد فدوة م اصيح بوجههك بعد صدكني بس اكعد
    فجاة سمعت صوت ابو تالين
    صرخت :- عموووو 
    ابو تالين :- شكوو .. امير شبيه
    هيلين و هي تشهك :- عمو راد يغسل وجهه و وكع فدوة عمو خلي ناخذه للطبيب
    ابو تالين:- يله بسرعة
    طلعو و تالين اجت تركض 
    تالين :- تفضلي هذا السويج .. بابا اجي وياكم
    الاب :- يله سدو الباب
    ●●●●●●●●●●●●●●
    باوعت هيلين و هي تشوفه نايم ع الفراش الابيض نزلت دمعتها و نزلت راسها
    الخالة سميرة :- لج بس كافي بجي راحن عيونج مو كدامج سمعتي الدكتور كال م بيه شي مجرد التهاب بصدره و حرارته مرتفعه هو من جان صغير م يتحمل البرد بسرعة يتمرض 
    (تذكرت هيلين من راحو يزورون قبر امها و ابوها نزع سترته و غطاها 
    امير :- هيلين الجو بارد البسي السترة
    هيلين :- لا البسها انت خاف تبرد
    ابتسم و مشه صعد بالسيارة و اشرلها تصعد بسرعة ابتسمت و ركضت صعدت)
    رجعت هيلين للواقع و هي تسمع خالتها 
    :- خالة هلونة انتي وياي..  شبيج
    هيلين و هي تمسح دموعها :- م بي شي خالة انتي تعبتي روحي وي عمو ارتاحو
    ابو تالين :- لا بنيتي م اكدر اترك امير 
    هيلين :- عمو اني يمه الدكتور كال للساعة ٥ و يطلع بعد ٤ ساعات و انتم تعبانين اخذ سيارتي
    ابو تالين :-  بنيتي شلون اتركج وحدج 
    :- السلام عليكم !
    التفتو كلهم للصوت الي اجه من وراهم 
    سميرة :- هلا وليدي محمد شلونك يمه خير شنو تسوي هنا ؟
    محمد :- ابن عمي مريض و اجيت وياه .. و انتم ؟
    ابو تالين :- و الله يا عمي امير تخربط و 
    قطع كلامة و هو يصيح بصوت عالي :- شنوووووو شبيه ؟!
    ابو تالين :- التهاب بصدره و حرارته ارتفعت
    محمد :- ان شاء الله مابي غير العافية .. كل مرة بالشتاء هيج يصير بيه و م يقبل ناخذه للطبيب شعجب قبل هالمرة
    ابو تالين :- رحت اجيبله علاج لكيته واكع و جبناه
    هيلين و هي تحجي بقلبها ( هذا الشخص شايفته بس م اعرف وين شايفته .. شلون خايف ع امير يمكن يقربله ... )
    بعد مده
    هيلين :- عمو شوف شلون تعبت الله يخليك روح ارتاح
    ابو تالين :- يا بنتي شلون نتركج وحدج 
    محمد ؛- ولا يهمك عمي اني موجود
    باوعت هيلين ع محمد الي ابتسملها بهدوء
    ●●●●●●●●●●●●
    ضلت هيلين طول الليل سهرانه تهتم بيه
    جان امير يهذي و هي ميته ضحك عليه
    :- لج اطلعي جلبة موتيني .. لا مو انتي الجلبة اني جلب لان حبيتج لمثلج تنحب جنج قرد لا قرد هواي عليج
    رفعت حاجبها هيلين و هي كاتمه ضحكتها
    :- هيييج تشوفني يعني .. يله المهم تحبني
    ابتسم بهدوء 
    :- ولي
    دخل محمد للغرفة و سمعها تحجي وياه
    :- بشري كعد
    هيلين :- لا دا يهذي😂
    محمد :- ههههه اهووو هذا من ينام يخبصنه مو نوب حرارته مرتفعه
    ابتسمت هيلين و هي تفكر بكلامه الي م فهمته
    محمد :- هيلين شلونه عمار ؟
    تفاجئت هيلين :- وين تعرف عمار
    محمد ابتسم :- يمكن ناسيتني اني صديق امير الي تكفلنه اني و اصدقائي بدفن امج و ابوج الله يرحمهم
    هيلين :- اسفة لان م عرفتك و شكرااا من كل قلبي
    محمد :- واجبنه ... شلون صار اميرنه
    هيلين و هي تباوع ع امير :- شوي احسن دا يتحسن
    فد ساعة و نطلع كال الدكتور
    :- اوك لطلعون وحدكم اني اوصلكم
    :- لا خوية شكرا اني بسيارتي جايه
    رفع حاجبه و ابتسم 
    :- ماشي دير بالج ع امير ترة م يستاهل عصبيتج عليه و هو يحبج و رايدج بالحلال ف لا تتكبرين عليه و ماكو اطيب من قلبه و لا تصيحي بوجهه اكثر شي يضوج منه امير واحد يصيح عليه😒
    نزلت راسها بخجل و هي تفكر شلون عرف محمد بسالفتهم و هي عصبية (اكيد انت يلي كلت له يا امير اني الك😐 )
    ●●●●●●●●●●●
    كعد امير و شافها مخليه راسها ع السدية و عيونها ذبلانه من البجي
    ابتسم ع شكلها الطفولي
    ( ايها الملاك النائم متى تستيقظ و ترى الحب الذي بداخلي  .. اوف منج شكد حبيتج بسرعة بسرعة خليتي قلبي عبد بين اديج 
    (وكأنني أحببتكِ من أولِ أعوام ِ
    فأنني لا أرى في العالمِ سواكِ
    يا....
    يا قطرةَ ماء تروي الظمأنِ 
    يا نسمة صبح أحيت أنفاسي
    يا من ملكت عروش القلب والوجداني) (من كتاباتي😌)
    صرخ بسرعة و هو يكعد ع حيله :- ويننن دفتري الدفتر ووووين
    انتبه ع روحه من شافها تكعد بسرعة و هي مرعوبة
    هيلين :- شكوووو شبيك امير
    امير بتوتر و هو يباوع يمين و شمال :- وين دفتري دفتتري وين ؟
    هيلين :- اي دفتررر .. شششبيك
    امير :- لازم اكتبها اجت ب بالي لتروح و انساها
    هيلين :- شششنو هي ؟ 
    امير :- الخاطرة اقصد الهامي الشعري اجه و لازم اكتبه بدفتري لا انساه 
    ضلت تضحك هيلين و هي مخليه ايدها ع حلكها 
    باوع عليها بعصبية :- لضحكين وين الفون مالتي
    هيلين و هي تهز جتفها :- ضل بالبيت
    صرخ بصوت عالي :- خررب .. اااه فوونج وين
    انطته الفون مالتها باوعلها و هو يرفع حاجبه
    :- م راح تقرين الي راح اكتبه اوك
    باوعت و هي محتارة :- م اعرف... اقصد اكيد م اقراها 😅
    رفع حاجبه و عصب عليها و انتبه للفون و ضل يكتب
    ابتسمت هيلين بهدوء و مشت و هي تريد تطلع من الغرفة بينما هو ضل مشغول بالكتابة
    نصدمت ب محمد و هي تحاول تطلع من الغرفة 
    محمد :- اسف يلعصبية😅
    هيلين و هي تضرب راسها :- عادي اني م انتبهت
    محمد و هو يمثل انو مستغرب و حجه بصوت عالي و هو يحاول يسمع امير  :- اتذكر نفس هالموقف
    بس بغير شخص و عاركتي هالشخص و هو حبج من اول عركه
    ضحكت و خلت ايدها ع حلكها و نزلت راسها بخجل 
    انتبه امير لكلامه و صرخ بصوت عالي :- انت شنو تسوي هنا ..
    محمد :- يلا كوم كافي دلع هو مجرد التهاب
    امير :- دنجب يله 
    محمد :- ع اساس م تروح للطبيب اذا تمرضت
    امير و هو يحاول يغير الموضوع :- ششششعندك هنا انت هههههه ها نسيت دكتورة خلود مريضة مو
    محمد ركض و لزم حلك امير و صرخ بصوت عالي:-
    لك نذل لتفضحني
    هيلين :- ههههههه انت هم فضحته هواية اليوم😜
    محمد و هو يرجع شعره بيده :- صحيح .. بس اني مو مثل هالخبل لازك بيج و انتي ممعبرته😏
    هيلين :- منو كال ممعبرته😒 اصلا هو افضل صديق شفته بحياتي هواية يساعدني 😌
    محمد ضحك بهيستيرية :- هههههههه صديق ؟
    ضاج امير و ضرب محمد :- انجب ولتضحك ع اساس خلود معتبرتك حبيبها هه حتى م تعرفك
    هيلين :- شنوووو م تعرفه هو يحبها
    محمد بخجل :- اهووو امير يشاقه لتصدكيه
    ابتسم امير :- محمد يجذب لتصدكيه
    هيلين :- 😒ديله صدكتكم ثنينكم
    ضحكو و هي رفعت حاجبها
    ●●●●●●●●●●●●●●●●
    بعد ساعة طلعو من المستشفى فجاة شافت محمد يباوع من بعيد ع بنت بدون م تشوفه
    ضحكت هيلين :- امير شوف محمد
    امير :- هذه طالبة دا اطبق هنا و شافها من اجه يزور ابن عمه الي تصوب بالجيش و من يوم الي شافها تخبل عليها و حبها ليكول م شايف بنات😂
    رفعت حاجبها :- عابت هو الحب يجي صدفه
    امير :- ياريت تجيج هالصدفه و ترحمين بحالي لج حسي ي خبلة لشوكت انتظرج مليت
    هيلين بعصبية :- دطير وجه البومة الحب الي عندك مو حب حقيقي
    امير و هو ياشر ع محمد :- ااااالله .. يعني حب هذا الزاحف حب حقيقي لج دشووفي شلون خاتل و يباوع عليها😂 بعدين حظرتج شوكت تصدكين بحبي هيلين ترة م يصير هيج شنو تردين اسويلج
    اني م كايلج نصير حبيبين اني رايدج بالحلال اني اريدج بس تنطيني عنوان عمامج او احد قريب منج حتى اروحلهم و اخطبج منهم
    هيلين بعصبية :- اتتتتركنه من عمامي م اريد سيرتهم فدوة
    امير :- شنو السبب
    هيلين :- مدري اني حتى م اعرفهم من جنت عمري ٥ سنوات رحتلهم و تعاركو وي امي لذا ابوي ضل بس هو يروحلهم و اني كرهتهم لان م يعرفون اي شي عن ابوي هسة صار شكد من توفه حتى م سألو ليش م يخابرهم قلوبهم صخر😔
    امير :- و شلووون اخطبج😑
    هيلين ضحكت :- لك منو كال اقبل بيك خبل
    امير :- ههههه لج وين تلكين مثلي
    هيلين :- اوف امير شوف محمد خطية
    امير و هو يباوع ع محمد :- و اني مو خطية
    هيلين :- امممميررر لازم نخلي محمد يتعرف عليها يعني م يصير يحبها و م يعرف اي شي عنها
    امير :- ههههه يعرف حتى عنوانها 😛 بس يخجل يحجي وياها
    هيلين :- ح اروح اساعده 
    و مشت 
    امير :- ولج لحظظظظة 
    هيلين :- يييمه منه يخجل حمود
    ●●●●●●●●●●●●●●●
    هيلين :- السلام عليكم دكتورة
    خلود :- و عليكم السلام تفضلي 
    هيلين :- انتي خلود ؟!
    خلود :- اي نعم من وين تعرفي اسمي
    هيلين :- مو مهم .. المهم اسمعي كلامي الي راح اختصره اكو شخص معجب بيج و يريد يخطبج و هو يخجل يحجي وياج ف اني قررت اجي و احجي وياج اذا تقدملج تقبلين😕
    خلود :- هههه سريعة ماشاء الله و من وين تعرفي هالشخص
    هيلين :- نكول اخ😌😅
    خلود :- شنو اسمه
    هيلين :- محمد
    خلود و هي ترفع حاجبها :-  اعتقد قصدج الي دا يراقبني هناك .. و اشرت ع محمد 
    هيلين و هي متفاجئة :- ييي 😱
    خلود :- هههههه صارله تقريبا شهرين يراقبني و هو وياي بالكلية اعرفه و جمعت عنه معلومات😁 من شفته يراقبني .. و احس نظراته اعجاب بس ابد ولا حاول يتكلم كلمة وياي و اني مليت من مراقبته .. 
    هيلين :-  ؟!😐
    خلود :- اني ح اروح احجي وياه ^^
    هيلين :- بكيفج بس ها ع كيفج وياه ترة يحبج
    خلود :- مممم خلي نسمع منه 😉
    هيلين :- ههههههه
    تركت هيلين و راحت ل محمد
    محمد جان يباوع ع هيلين و هو متخبل و محتار و يريد يعرف شنو يحجن فجاة شاف خلود تتقرب منه 
    خلود :- هلاو
    محمد :- ا .. اه.. اهلا
    خلود :- انت وياي بالكلية صح
    محمد :- ههههه لا اقصد اي
    خلود :- اشوفك دائما خير ليش بالمستشفى اليوم
    محمد :- ابن عمي متصوب و اني وياه
    خلود :- متصوب وياه ؟
    محمد :- اوووه  اسم الله علي شنو هالكلام اني واكف كدامج مثل الجبل😎
    خلود :- ربي يحفظك جبل جبل بس الجبل م يتحرك انت اشوفك يومية وراية شعندك تراقبني
    و رفعت حاجبها
    ابتسم بتوتر :- شوكت شفتيني😅 
    خلود :- صار شهرين😒
    محمد :- حلوو يعني الشهر القبل الشهرين م تدرين بي اراقبج😅
    خلود :- ههههه لا و الله😂 ... ليش تراقبني
    محمد :- اني .. هذ.. اقصد حبيتج😍
    خلود :- 😳😳😳
    محمد :- اني اعرف كل شي عنج و حتى عنوانج ف من باجر اخطبج بس اريد موافقتج😍
    خلود :- ها😳😳حتى اني اعرف كل شي عنك من صديقتي الي جابت معلوماتك من اخوها😳
    محمد :- يعني😳
    خلود :- مووافقة😳😳
    ■■■■■■■■■■■■■■■
    هيلين :- يلا امير خلي نطلع الظاهر الامور تمام شوف شلون الحب باين بعيونهم😂
    امير :- ششلون صدفه حلوة طلعت هم تراقبه
    هيلين :- لاااا هي شايفته يراقبها و عارفه عنه كب شي شكد حلوين😂 
    امير :- امشي امشي خل يولون كفار😑
    هيلين :- تغار😂
    امير :- محمد يزوج و اني لا😭
    هيلين:- 😂😂😂😂
    •●●•●•●•●•●•●•●•●•
    هيلين ( مر اسبوعين ...خلال هالاسبوعين طلع حبيبي عمار من المستشفى و نور البيت بوجودة 
    بس كالعادة عمار كئيب و م يحجي الا للضرورة جانت حالته صعبة .. ادخل لغرفته الكاه واكف ع مراية و يبجي بحركة و يصرخ و يصيح :- ياريتني متت .. جان يكول م اكدر اطلع و لا قبل يروح للمدرسة يستحي من شكله بس بالكوة قنعته و رجع يداوم .. عمار صار جرح بقلبي فوك جرح اهلي .... 
    اما اميري ف امورنه مخربطة ساعة عرك ساعة نصالح بس رغم كل شي احلى ثنين صرنه
    اني م اكدر اكول اني احبه و اموت عليه .. لاني اخجل الصراحة🙈 
    ابد م حبيت بحياتي امير اول حب بحياتي
    احسها صعبة اعترفله .. قررت اسكت و اخلي الوكت يطلعلنه المكتوب
    اما امير يومية يتغزل و يخطبني و اني ارفض و هو ابد م مل ولا تركني
    يومية الصبح اكعد اروح للشركة مالت ابوي الي صرت اني مديرتها .. اول م اطلع من الباب اشوف امير واكفلي و ينتظرني
    :- اميرررر لتررراقبني لك صرت مثل فد شخص اليوم خطبته ضل يراقب ب البنت لحد م ملت و قبلت بيه😂😂😂
    امير و هو يبتسم :- ههههه ياريت تقبلين و اخطبج حتى قبل لا يخطب محمد😛
    هيلين :- ههههه يعني اليوم قبل ال ٢ الظهر
    امير :- دقبلي و الله كريم😂😂😂
    هيلين :- دولي ب احلامك😐
    امير و هو يعصب :- تف ع هالجهرة البومة 😒
    هيلين بعصبية :- لتتجاوز و احتتترم م غيرك البومة
    طلع عمار و باوع ع امير :- مليت منكم و من عركم شوي و ترجعون اضحكون و تصالحون عجييبة
    هيلين :- عمار صدكني بعد م احجي وياه هذا الخبل
    امير :- ع اساس ميت ع كلامج السعلوة روحي بابا
    هيلين :- ااااه نوب سعلوة .. لعلمك انت ميت بي تتمنه اقبل بيك بس لو تموت😒
    عمار :- ح نتاخر يلا😒
    هيلين فتحت الباب مالت السيارة ل عمار و صعد
    سدت الباب و باوعت ل امير
    ابتسم امير و همسلها :- اسف 😁 نلتقي ب ١ علمود مروح سوة للخطبة😉😊
    هيلين و هي ترفع حاجبها :- نو السعلوة م تروح وياك
    ابتسمت و صعدت بالسيارة و مشت و عافت امير ضايج☹
    عمار :- باجر عندي امتحان رياضيات حضري عقلج ولو عقلج لاطش هالايام بسبب هالامير
    ابتسمت هيلين و هي تشوف اخوها يشاقه لاول مرة
    هيلين :- لاطش ؟ انجب لك😂
    عمار ابتسم و دار وجهه و هو يباوع من الجامة
    هيلين :- حبيبي اخر امتحاناتك باجر لذا حجزت عكب باجر نسافر علمود عمليتك
    عمار :- هففف م راح يسوو شي وجهي تشوه خلاص
    هيلين :- تفااائل حبيبي .. 
    فجاة رن تلفونها :- وينه .. اوف م اشوفه
    عمار صرخ :- هيييييييييلييييين
    رفعت راسها و صرخت :- اااااااااااااه
    .
    .
    .
    .
    نهاية البارت الثامن
    اتمنى عجبكم
    انتظروني ب احداث مشوقه في البارت القادم
    دمتم في رعاية الرحمن
    اختكم كاثرين
    احزان القمرحيث تعيش القصص. اكتشف الآن