وداع مؤلم
.
.
في بعض الاحيان تشعر ان الكون كله يمسك حبلاً و يشد به رقبتك ليستمتع بقتلك
.
.
( هيلين ) صدى صوت عمار باذني و هو يصيح ب اسمي م تركني ولا اسمع غير صوته .. م احس ب شي م اعرف وين اني و شنو الي صار مجرد رجلي تمشيني م اعرف وين
تاخذني ..اباوع الجثث ع كاع و الناس صايرة فحم اسود م ينعرفون و البعض يركض و النار تاكل بيه و البعض الاخر مشتعله بيه النار و واكعين بالكاع و الناس يطفوهم
حسيت الدنية تخنكني ع شنو ادور اني
امي ؟ و ابوي ؟ عمار ؟
وينهم ؟!
رجعتلي ذاكرتي بعد ان كنت فاقدتها سمعت صرخات الناس و صوت الاسعاف و الشرطة بكل مكان باوعت يمين شمال ماكو لا امي ولا ابوي و لا عمار اهلي ماكو يعني شنو فقدتهم ؟
اجت كلمة فقدتهم ب بالي و حاولت اصرخ بس م كدرت ركضت بسرعة و اني احاول اوصل للمكان الي جانو يمشون بيه و اني احاول اصرخ ماكو
لزمني واحد من الشرطة و ضل يصيح :- اختي المكان خطر ابتعدي
تجاهلته و ضليت اضرب بيه و كانو مخبلة و صرخت ب اعلى صوتي ( ببببببببابااااااا .. لج يووووم .. عماااار وينكم ) ضليت اضرب بيه و اني اصرخ ب اعلى صوتي الى ان فقدت الوعي
..............
( امير )جنت احجي وياها و فجاة صار صوت قوي مثل شي انفجر ارتعبت و جسمي كله ضل يرجف صحت عليها بسرعة :- الووووو هيلين
صار صوت صراخ قوي نقطع الخط ..
ارتبكت و خالتي اجتي يمي و هي متفاجئة مني و كالت بقلق :- خير يمه شكو شبيها قمر
اني توترت و خفت لا يهبط الضغط عند خالتي اذا كلت لها :- لا خالة ماكو شي سلامتج هيلين تكول راحو زيارة لاقرشبائهم
يلا اني ح اروح للكلية
سلمت و بوستها براسها و طلعت ضايج و مقهور مدري ليش خايف عليها مع العلم اني م اعرفها الا من كم يوم بس هي من اول يوم شغلتلي بالي و ضليت افكر بيها هالبنية موتتني خلتني مجنون بالتفكير بيها اووف يا عيونها و يا جمالها سبحان من خلقها ليكول لوحة فنية مرسومة لازم احجي وي خالتي بلكي اذا خطبتها توافق و بعدين نتعرف بالحلال احلى لان اني مو طبعي العب ع بنات الناس صح هواي موتات روحي
استغفر الله البنية مدري شصارلها و اني هيج افكر ياربي كون اطلع غلطان و ترجع سالمة و الله حيل مقهور و خايف ياربي سترك حفظها الي انت الوحد تعرف الي بقلبي
دخلت للكلية طبعا جانت حفلة التخرج لصديقي و ضلعي محمد اجه سلم علي و كال هلا بالكسلان
م حجيتلكم ليش الكل يسميني الكسلان ههههه شوفو اني ذكي من النوع الي م يدرس 😂😂 يعني اذا درست ساعتين اجيب درجة كاملة كضيت عمري كله بس بالامتحانات ادرس بالسادس عدت لان م دخلت للامتحانات عاندت ابوي لان يريد اروح كلية طب اسنان و اني م احب هالكلية ردت اروح كلية عسكرية حتى اصير شخصية و كذا🤣 بس للاسف ابوي انتصر ع عنادي بالسنة الثانية لما طلعت معدل ٩٩ و ضل يسولفلي ع امي و شلون جانت تتمنى يصير احد ابنائها مثلها و شفت دموعه نقهرت ( ولو اني اشوفهم دائما و احجي عليه و اكوله انت زلمة م يصير تبجي ع مرة اذا تريد ازوجك ليكول اني ابنه بس هو جان رافض و عاش حياته هم و حزن ) المهم دخلت الكلية و اصدقائي كلهم سلمو و دوخوني بسوالفهم و محمد يضحك و ضربني و كال :- اموري حاس انو وحدة شاغله بالك مو نفس كل مرة من نلتقي تصير براسي شيخ لتغلط علي سيد و مؤمل اكبر منك هسة اغلط ع هذول الطايحين الحظ و انت م يهمك و بالك مو يمنه اصلا
استحيت من الولد و باوعتله بستهزاء :- اجب لك يا وحدة تعرفني م ادور هلسوالف حبيبي
محمد ضحك حيل :- لك انت تغلط لو تتغزل قندرة بوجهك
ضحكت و كلت له :- قابل اني جورج بوش😂
محمد و هو يلزمني من جتفي و يضحك بصوت عالي :- و اني الزيدي كركركرككرر
باوعتله صفح و رفعت حاجبي جان يتعدل و ينطي وضعيه الخايف :- تخبل رفعه حاجبك حبيبي
ضلينه نضحك بس اني امثل لان م اريد محمد يعرف هههه ولو اشك انو عرف لان يقره افكاري و يعرفني من يباوع بعيوني صديق الطفولة طيح الله حظه 😁
مر الوقت و كل ساعة تصير احسها سهم و ينبت بصدري اخر شي حاولت اتصل ع خالتي م صبرت بس شنو اكول جنت مبتعد عن الولد و هم يركصون لان مالي خلك الدك و الركص مالتهم ( اكره الركص و الاغاني ) مسحت وجهي بايدي و اني قلقان و افكر شنو اكول لخالتي اووف يلا شيصير خل يصير خلي اكول اتصلت اطمن عنها طلعت جهازي و احاول اتصل فجاة هي اتصلت
رديت بسرعة :- الو ؟؟
سمعت صوت خالتي و هي تصرخ و تبجي و تصيح :- خالة الحكلي و تبجي اريد افهم ماكو
امير بتوتر :- لج شكو خالة فهميني بس اهدي
تحاول تسكت بس متكدر :- فدوة تعال للبيت
سدت الفون و اني ركضت قبل لا اضم الفون بجيبي
ركبت سيارة محمد جان السويج بيدي و اتصلت عليه كلت له :- حمود حبيبي اخذت سيارته صار عندي ضرف ارجع وي مؤمل
صرخ بصوت عالي :- لك مؤمل راح طيح الله حظك م عندي غير الفين دينار
رديت بعصبية :- هو انت دومك مفلس هسة بيا حال اني لك خالتي م اعرف شبيها ضل يم الولد ب الاقسام و اني ارجعلك السيارة
قفلت الفون بسرعة قبل لا يرد و مشيت سريع وصلت و اني ميت قلق ع خالتي
فتحت الباب و اشوفها كاعدة و لازمة عبايتها و تبجي و خدودها يصبن دم
اني تخربطت احوالي من شفتها ركضت عليها و كعدت بالكاع بصفها
لزمت وجهها و اني اصيح :- شنو هذا الدم خالة شبيج ؟!
سميرة :- لك خالة بسرعة كومني م اكدر اكوم خلي نروح للمستشفى قمر و اهلها كلهم بالمستشفى
لزمتها و اني اكومها و ركضت فتحت السيارة و صعدتها و صعدت و اني اكلها وين مكان المستشفى انطتني الفون مالتها و كالت هذا الموقع الي دزه الي سألتها منو دزه و شلون عرفت انو هم بالمستشفى ردت علي
:- جنت كاعدة و اتصل علي رقم غريب يكول لكيت هذا الفون بالكاع و انتم اخر رقم متصل ع هالفون ف ردت ايلغكم انو المطعم الي نازلين بيه اصحاب الفون صار بيه انفجار و هواي ميتين و نقلو الجثث لمستشفى قريب من المطعم ح ادزلكم العنوان اول م توصلون اتصلو علي حتى انطيكم الفون)
ضربت ع الاستيرن بكل قوتي و م احس ب ادي ضليت ارجف يارب بس اوصل سالم خاف اسوي حادث سيطرت ع نفسي و ضليت ادعي انو اشوفها سالمة و ارتاح ..
دخلنه و لكيت الولد بالباب انطاني الجهاز و كال :- البقاء بحياتكم خاتمة الاحزان ان شاء الله
نصدمت من كلامة و ضليت ارجف بحيث بالكوة الكاع شالتني و شلت رجلي و مشيت و اني اسمع صوت خالتي تحاول تكتم صوت البجي الي خلاني اتوتر و احاول اصرخ بوجهها و اكلها اسكتي
اباوع يمين يسار الناس كلها تتصارخ و ناس تبجي و ادور ع اهلها اني احتاريت وين اروح
فجاة شفتها واكعه ع كرسي عرفت انو فقدت الامل بعد م اشوفها هذه هي كدامي ميتة
ركضت عليها و حتى نسيت خالتي
لزمت وجهها ادريها و رجليها كلهم جروح صرخت بصوت عالي :- هييييليييين حبيبتي اصحي
احرك بيها اريدها تكعد ماكو شفت اكو نبض بيها ردتلي روحي صرخت ع واحد من الممرضين مدري دكتور جان واكف مثل الاثول يمي و هو يباوع
:- لك انت اثول م تشوف شلون حالتها مخليك هنا شنووو ؟
توتر هو و اجه علي و كال :- و الله يا خوية ماكو مكان شوفت عينك شكد مصابين البنية م بيها شي كل شوي اجي اطمن عليها مجرد هبوط انطيتها علاج و هسة تصحه انت شتقربلها
عصبت عليه و كلت :- م الك دخل روح من يمي
باوع علي و مشه
لزمت ايد هيلين و باوعت عليها و اني احاول اصحيها فجاة حجت بصوت ناصي :- باابا وين انت ؟
فتحت عيونها و لزمت ايدي حيل و باوعت بلكوة تتحرك فجاة وكفت و هي تباوع يمين و يسار و حجت بهدوء و كلمات متقاطعة :- بابا وين ؟
تقدمت مني و كالت بابا و ماما و عمار جانو يمي وين راحو ؟
سميرة تقدمت منها و تحاول تستفسر منها :- حبيبتي ارتاحي و هسة ندور عليهم و نلكاهم اني نكسر خاطري عليها و رحت ادور ع اهلها لكن للاسف لكيتهم ميتين بس اخوها محترك حرك و بين الحياة و الموت رحت اوصللها الخبر و اني حيل قلقان و متوتر شلون راح اكوللها م اتحمل اشوفها بهذه الحالة
تقدمت عليهن هي و خالتي جانت تحجي وي خالتي و حالتها كانو شخص ضايع بغير عالم و فاقد الذاكرة
هيلين :- خالة ابوي و امي و عمار جانو طالعين من المطعم و اني رحت عليهم و شخص جرني م خلاني اروح و جابني هنا فدوة رجعيني اندل مكانهم فدوة
سميرة و دموعها تصب :- يمه اهدي حبيبتي هسة يجي امير و ياخذنه
تقدمت يمها و كعدت اباوع بعيونها و هي ابتسمت ابتسامه مابيها اي معنى للسعادة و كالت :- راح تاخذني لاهلي مو ؟!
كلامها دمرني حيل و تمنيت اموت ولا صاير بيهج موقف الكلام هرب من لساني
مدري شلون طلعت من حلكي :- هيلين ابوج و امج انطوج عمرهم و اخوج الحمد لله ادعيله يرجعلج
(هيلين) حسيت الدنية ادور بيه و اني اسمع كلام امير باوعت بوجهه احاول افسر كلامه و بلكوة مسيطرة ع روحي وكفت اريد اطلع من هذا المكان و ارجع للمطعم هسة يمكن ابوي ينتظرني مستحيل اب يترك بنته وحدها لو امي مستحيل يتركوني
ركضت ع الباب اريد اطلع لزمني امير بكل قوته و اني اضرب بيه اريد اطلع م اكدر جان اقوة مني اريد اصرخ م اكدر اريد اصرخ بكل صوتي و اصيح ع ابوي راح يرد علي اكيد
باابا م مات باابا عايش
مستحييل يتركني اني بنته
اجت الدكتورة و ضربتني
حسيت بألم ب ايدي و خدر كل جسمي و وكعت م حسيت ع روحي و رحت بعالم ثاني
(لزم ايد بنته و كال :- بابا ديري بالج ع اخوج و ع نفسج اصبري و اني وياج و امج هم اشر ع يمينه امي واكفه و تباوعلي تقدمت مني و كالت :- بنتي اخوج يحتاجج ابوي وكف و مسك ايد امي و تركوني و راحو صحت بصوت عالي :- لا بابا ماما لا تروحو فدووووة اوكفي ماما
فجاة كعدت لكيت روحي ع جرباية بالمستشفى لزمت بالحايط بلكوة و وكفت اريد رجلي يعينني حتى اكوم ماكو صرخت لج يييوم ولك باابااا لا ترحون فدوة ضلت دموعي توكع بسرعة و اني اصرخ حاولت ادوس ع ألم الي برجلي و امشي فجاة وكعت و حاولت اكوم م كدرت صرخت :- اااخ يييياربييييي لج يوووووووووم باااااباااااا ردو الي محد الي من بعدكم ضلت دموعي توكع و اني احجي :- محد الي بابا م شبعت منك فدوة لا تروح يييييااااا روحي ارجع فدوة مامااااااا
( :::::::::::::
راحو ماخذوني هلي ويمكن نسوني
بعدهم يتموني وانا صغيرة على همي
يا دنيا وينه اهلنه وين اهل المحنه
تفاركنا بحزنا ويبس دمعي ويا دمي
يا بويه ارجع اصيح وترهم الفركه على صوتي
بعد شنفع دنيا وفاركت من عندي اخوتي
عليله وقلبي مابيه حيل واشوف الدرب وحشة ليل
غرفنا يتم الدمعات بصغرنا وشفنا عمر الويل
.
.
(الاب لو رحل معناها بنته تموت)
الله يرحم كل غالي و عزيز سكن بقلوبنه و فجاة رحل
.
.
انتظرو البارت الرابع مع معاناة بطلتنا هيلين و بداية عذابها
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
