رواية (احزان القمر)
الجزء العاشر
للكاتبة (كاثرين)
سأمضي وأنا أعرف أن الفراق سيسرق سنين من عمرنا لكن ثق ب انني لن انساك و ان الفراق سيزيد عشقي لك
.
.
فتح عيونه و هو مصدوم
:- احمممد ؟!
احمد و هو يحجي بتعب و عيونه حمر
:- اي نعم شبيك مصدوم
تقدم منه و رفع حاجبه و هو مستغرب
امير :- شعندك هنا ؟!
احمد :- كل م اشوفك تحاول تتهجم علي شبيك م تكلي مشكلتك شنو ؟ ترة روحي طافرة لا تخليني ابتلي بيك
امير بعصبية و هو يلزم احمد من قميصه
:- و الله اخليك تحفر كبرك بيدك م اعرف سوالفك الطايح حظها سألتك شنو تسوي هنا
بعد ايد امير من قميصه بهدوء
:- صدك امير شبيك كارهني لهدرجة
امير :- هه نسيت شنو سويته هااااا
ابتسم احمد و هو يحاول يحرك قلب امير
:- اااوف نسيت البنت الحليوة الي عمرها ١٧ هسة يمكن صار ١٩ ههههه حبيبتك السابقة مووو و ..
قطع كلامه امير و هو يضربه بوكس ع وجهه وكعه بالكاع
كعد احمد و مسح حلكه و ابتسم
:- هههه اني ح اسامحك هالمرة لانو تعبان شوي بس صدكني ح اندمك
امير بعصبية و هو يصيح :- نذل حيوان مو انسان اذا جبت سيرة بنت عمي ع لسانك بالقران امحيك من الوجود .. بلا شرف
و تركه و راد يدخل
صاح وراه احمد و هو يكعد و يمسح التراب من ملابسه
:- امير وين دفنت عمي
التفت امير لاحمد مصدوم
:- شششنوو ؟؟؟
احمد :- عمي ابو عمار وين دفنتوو
سكت امير و هو يحاول يستوعب سؤال احمد
تقرب منه بهدوء و رفع ايده بوجهه
:- شتحجي انت ؟!
احمد :- اعتقد انت مو اطرش سمعت شنو كلت لك عمي ابو عمار وين دفنته
امير بعصبية :-
لك لتمسلت و احجي عدل خلي افهم
احمد :- ععععممممميييييي ابو عماررررر وين دفنته فهمت
امير بتوتر و مصدوم :- يعني عمك ؟ يعني .. يعني
قاطعة و هو يدور و يمشي
:- ادخل و خلي خالتك تفهمك و اريد مكان القبر ب اسرع وقت انتظر اتصال منك
ترك امير مصدوم و هو مستغرب و يفكر بكلامه و يعيده ب ذاكرته يحاول يستوعب الي كاله
●●●•••●●●•••●●●•••●●●•••●●●
ابو تالين و هو يكعد ع كرسي و يمسح وجهه بعصبية
:- لاول مرة تضمين علي شي ليش هيج تسوين خليتيني بموقف حرج كدام الولد
ام تالين :- صدكني م ...
قاطع كلامها امير و هو يدخل بسرعة و يصيح بعصبية
:- خااااالة ... احمد شيسوي جان هنا و ابو عمار عمه يعني؟؟؟؟
نزلت راسها و بجت
ابو تالين :- تعال اكعد ابني لتتعصب اهدأ شوي تالين بابا مي لاخوج
تالين باوعت لابوها و رفعت حاجبها
راحت للمطبخ
:- اخوج اخوج ( تقلد صوت ابوها )
.....................
شرب المي و تركه ع طاولة
امير :- خالة فهميني عقلي ح يوكف..
ام تالين :- ابني اول م توفو اهل هيلين و هي بالمستشفى كلت لها لازم اتصل ع عمامج بس هي رفضت و كالت انو عمامها السبب بموت ابوها و حقدت عليهم و حلفتني بروح اولادي م اكولهم و اني م كدرت اكولكم انو عمها الشيخ سلام ..
امير بصدمه :- عمها شيخ راضي ؟! اخو شيخ حامد زوج خالتي سهام ؟ و احمد ابن عمها يعني
ام تالين هزت راسها بمعنى اي و دنكت راسها
امير دخل اصابعه بشعره و شد شعره بعصبية و صرخ :- ليشششش مكلتي من البدايةةةةة ليشششش خالة ليشش ..
باوع بوجهها و نزل لزم رجليها
:- خالة رفعي راسج و احجيلي ليش ضميتي عني ليشش حبببيتها
صرخ بوجهها
:- حبييييت بنت عائلة ابو راضي .. يعني الي كانو السبب بقتل اممممي
صرخ بحركه و دموعه صارن مثل الشلال و عيونه حمر
لزمته خالته من وجهه بثنين اديها
:- لا خالة لاااا صدكني مالهم دخل اهل هيلين لتعاقب البنت ع شي مالها دخل بيه
امير و هو يبجي :- حرموني من امي خالة
خله راسه ع رجل خالته و ضل يبجي بحركه و هو يتذكر ابوه من سولفله ع امه
{( امير) كنت صف ثاني متوسط رجعت من المدرسة فرحان و ورقة الامتحان الي بيها علامة 100 بيدي اريد اوصل بسرعة لابوي و افرحه بيها
فتحت الباب و دخلت بسرعة بدون اي صوت
فجاة سمعت صوت ابو راضي تقربت ب بطئ و باوعت من الباب بدون محد يشوفني
ابو امير :- هسة انت جاي لبيتي علمود تخطب اختي لابن اخوك نسيت الي سويته
ابو راضي :- كل الناس تعرف انو الي صار قضاء و قدر و ماتت زوجتك صارلها اكثر من ١٢ سنة
ابو امير :- و اني اعرف انو زوجتي ماتت بسببكم منو الي حرك الشركة اولادك و هي ماتت بيها
و عيب عليك تجي و تخطب اختي
ابو راضي :- يا ابو امير م كانو يعرفون انو هي بالشركة .. و الكل موافقين بس انت رافض و البنت كالت الا انت ترضى
دار وجهه ابو امير و ابتسم
:- عفية ب اختي م تريدكم و تعرف اني راح ارفض اطلع من بيتي يله م اريد اشوف وجهك الشراكه الي بينه انتهت من ماتت ام امير و اني م كدرت احجي خوفاً ع ابني و ع اخت زوجتي ف الله راح يحاسبك مراح يتركك قتلتو شابة بعدها م شافت شي بحياتها و يتمتو طفل بعده م شابع من امه
دار ابو راضي و راد يطلع
امير شفته دار ركضت برة طلعت
حتى م يعرف اني سمعت
كعدت بالشارع و سندت ظهري ع حايط و دموعي نزلن بسرعة م كدرت اسكت ضليت اشهك
خليت ايدي ع حلكي
من طلع نصدم و هو يشوفني ابجي
ابو راضي :- شبيك ابني ؟
امير سويت روحي ابجي ع نتيجتي :- اني راسب
ابتسم و ضرب راسي ب ايده :- تعوضها بغير امتحان بطل لتبجي
بعدت ايده بهدوء و اني كارهه
ابتسم ابو راضي و راح
ضل امير يباوع ع ابو راضي و هو يبتعد
امير :- الله ينتقم منكم
●●••●●••●●••●●••
ابتسم و هو يشوفني
:- من شوكت اجيت ؟هاي ليش عيونك حمر ؟
امير :- شلون ماتت ماما
نصدم من سؤالي و نزل راسه
:- من ولدتك
امير صرخ :- لجذب علي بابا اني كل م تكول من ولدتك اتمنى الموت و احس بالذنب و اكول بسببي ماتت ماما بس هسة سمعت كل شي كولي شلون و ليش حركو الشركة
تنفس بصعوبة و كعد ع كرسي و نزع نظاراته و تركهم ع طاولة
:- ابني جنت اريد اكلك من تكبر بس الضاهر كبرت
امير :- بابا انت كذبت علي كلت ماتت من ولدتني كولي فدوة
ابو امير :- و اذا كلت لك شنو تسوي ها ؟
نزل راسه و بجه:- بس كول .. م بيدي اي شي اسويه
ابو امير :- اني و راضي و حامد و سلام عشنه بمنطقة وحدة و اصدقاء بالمدرسة و الكلية و اكثر من اخوان
حامد تزوج بيوم زواجة شفت اخت العروس جانت اطلع اغراض من السيارة و تنقلهم للبيت ف ساعدتها و شكرتني مرت ايام بعدها شفت بالكلية ف تعرفت عليها و حبيتها و تزوجنه
لاحظت راضي تغير علي و ضل م يلتقي وياي بعدها عرفت من امك انو هو خاطبها و رافضه لانو متزوج و عنده ولد عمره اشهر ..
من بعد م كالت لي امك بهذه السالفة ابتعدت عنهم و سافرت
بيوم من الايام تزوج اخوهم سلام و طلعت العروس صديقه امك ف اصرت نروح
و بيوم العرس مالته عرض سلام علي شراكه و اني جانت حالتي المادية مو زينة قبلت و اسسنه الشركة مالتنه بتعب
ارباح الشركة صارت هواي و صار الها فروع ب بغداد و العمارة
ضل راضي يجي للشركة يدور ع مشاكل وياي و يريد زله مني .. هواي سوة مشاكل بالشغل بس اني حليتها
جانت الغيرة مبينه من يشوف نجاحي بالشغل
اني م اهتميت لانو اعرف راضي صار انسان ثاني و تغير هواي
بعد ولادتك بشهرين جنت اني مسافر وي سلام لبغداد بنص الطريق تذكرت عندي اوراق لازم اجيبهم ف اطريت ارجع اتصلت ب امك و كلت لها
ام امير :- حبيبي اني بالسوك القريب ع شركة اروح اجيبلك الاوراق
ابو امير :- بعد روحي اي .. استعجلي لان اني راح انزل ع بيت ابو راضي اخذ علاج سلام خطية ناسيه هم و امر ع بيتنه كون الكاج بالبيت انتي و الاوراق استعجلي
ام امير:- اوك حبيبي بس كولي وين مخليهم
ابو امير و هو يسوق عدل جهازة :- المفتاح عندج مال غرفتي .. تلكين وياهم مفتاح المكتب هن بالمكتب
●•●•●•●•●•
الاوراق جانت مهمه ف من وصلنه نص الطريق لبغداد سلام كالي ارجع اجيبهم ف اطريت ارجع
طبعا طولت بالطريق ساعتين يله رجعت
دكيت الباب طلعت مرت حامد و مرت سلام و حسيت بتوترهن و قلقهن
مرت سلام :- تفضل خوية العلاج ..
مرت حامد :- خوية حامد وياكم راح ؟
ابو امير :- لا خوية ليش
مرت حامد :- و الله يا خوية طلعو هو و راضي و شكلهم م يطمن و كالي راح نروح للشركة بس لا ناوين ع مشكلة ثانية كلت انبهك
تفاجئ ابو امير
:- ان شاء الله ماكو
و ضليت افكر ب المصيبة الي ح تجيني من ورة راضي و حامد
اتصلت ع ام امير م ترد
:- ياربي صار ساعتين اتصل و م ترد
السوك قريب ع شركة م اطول عشر دقائق مشي
ركبت سيارتي و بسرعة اتجهت للشركة
دخلت للفرع الي بيه الشركة
جان فرع جبير و طويل بيه محلات هواي
جنت ع بعد مسافه
فجاة شفت نار و الناس تتراككض و تطلع من الفرع و الشرطة و الاسعافات
تقربت و اشوف الشركة صايرة عبارة عن فحمه سودة
ركضت نزلت و اشوف الحارس محترك و يصرخ
بين صوت الاسعاف و صوت صريخ الناس
صرخت بكل صوتي
:- ززهههررررة
●•●•●•●•●•
مر ثلاث ايام ماتت امك اثناء الحريق
الحارس مالت الشركة طلبني
و اجيت اشوفه
نطق بصعوبة من شافني
:- راض..ي و.. حامد هم الي حركو الشركة
جان يتنفس بصعوبة و يون من الوجع و يرجع يحجي بكلام متقطع
فهمت منه انو حامد و راضي حاركين الشركة لان سلام مقرر يسجلها ب اسمي
مات الحارس الي جان الشاهد الوحيد
م ضل عندي شاهد و خاصة بعد ان اثبت الشرطة انو الحرق بسبب تماس ب الكهرباء
رحت واجههتهم نكرو هالشي
حاولت اقتلهم حاولت احركهم مثل م حركوها بس خفت عليك اذا انسجن محد الك و هم خالتك مالها ذنب وين تروح اذا نقتل زوجها بس يا ابني
اووعدني تسكت و م تحجي
الله راح يحاسبهم
اني تركت كل الشغل الهم
و هم م يدرون انو امك بالشركة لو يدرون م سوو الي سووه
اوعدني تنسسه هالموضوع ابني
وعد ابوه
و ضل يبجي
و يصرخ
●●●●●●
كعد و هو عصبي
:- خالة كل الي صار بسببج ليش م كلتي من البداية صرخ بصوت عالي و هو يشوف خالته ساكته :- هااااا
احجييي لتسكتين .. هي تعرف ابن عمها احمد مو ؟ و هي رفضت اعرف اني مو ؟
الخالة و هي تبجي :- لا خالة صدددك
ضرب الطاولة بيده حيل و كسرها و دخل للغرفة و سد الباب
ابتسمت تالين و هي ب بالها فكره شيطانية
:- و اخيرا ح نخلص منج قمورة
●•●•●•●●•●•●•●●•●●•●•●•
هيلين باوعت ع عموري اخوية جان نايم و مرتاح ابتسمت و حضنته و غمضت احس عمار صار ابني حتى مرات اكوله لصيحني ب اسمي كولي ماما و هو يستحي و يضحك
عمار من النوع الخجول بس اني احاول اصير مقربه منه و اصيرله كل شي بحياته
حضنته حيل و حجيت بصوت ناصي :- افيشش يريحه هلي
عمار و هو مغمض :- ترة ادري تحبيني
ضحكت :- شيطان كاعد
فتح عيونه و عدل كعدته .. هيلين الله ليحرمني منج شايفه شكد احبج بكد السماء 😍
هيلين :- يمه يمه شيطان جنت بس تعارك هسة تحبني
عمار :- هو مو صوجج صوج ليترومس وياج انتي مال واحد يترومس وياج
هيلين :- لك احترم ترة اموتك
عمار غمضض عيونه :- لتبدين تعاركين نامي يله
هيلين بعصبية :- لك كوم م انومك يمي ولي
عمار وكف و هو ياخذ مخدته :- طيري ميت عليج ام كفشة اصلا انتي جبانة تخافين و قهرتيني كلت انام يمها خاف تخاف
هيلين :- ههههههههه بعد اني اخاف
عمار :- اي😒
هيلين :- ولي
عمار :- ح اروح لغرفتي و انتي ضلي جبانه
صعد فوك لغرفته و حس بخوف بس كبريائه م سمحله ينزل ههههه
نام و تغطه و غمض عيونه حيل
لشوي ضاج و كعد
عمار :- لازم اسوي خطة عليها
ابتسم بشر😏
●•○•●•○•●•
هيلين حنت نايمة و سمعت صوت يخوف
كعدت بسرعة و بعدت الغطه مني حاولت اخلي رجلي بالكاع و تذكرت الافلام الرعب من يطلع الجن من جوة الجرباية
:- يممممه اسم الله شفكر اني ماكو هيج خرافات مجرد افلام
كعدت امشي ع اطراف أصابعي احاول اوصل لمصدر الصوت
فجاة شفت شخص لابس رداء ابيض و طاير بالهوة و شعره طوويل و اسود و الضوة يطلع منه
ضليت ارجف و صرخت
:- ييييييييمممممماااااا
•●•○•●•○•●•○•●•○•●•
جان كاعد بالكاع و ساند ظهره ع جرباية و مخلي راسه بين رجليه و مدخل اصابعه ب شعره و هو يشد بشعره قوي
:- اني جبان م حاولت اقتل الي قتل امي السبب جان يخاف علي و ع مستقبلي اي مستقبل هذا
فتحت الباب بدون م ادكه و دخلت
رفع راسه شافها و رجع راسه بين رجليه
:- طلعي مالي خلكج
تالين :- اموري جبتلك مي
تذكر هيلين من تكول اموري و صرخ بوجهها
:- لذكررين اسمي اكرهه
تالين بعصبية :- هاي شبيك ترة زودتها انت من البداية غلطان شلون تحبها
باوعلها بصدمة
تالين تقربت منه
:- شوف امير هيلين وكحه مو مثل متشوفها فقيرة
ترة هاي حية و هي تعرف اهلها السبب بموت امك
امير :- شنووو
تالين ابتسمت :- صدك سمعتها تحجي وي ابن عمها بالتلفون
امير :- مسسستحيل لجذبين
تالين :- تصدك م تصدك اني م خسرانه شي و شنو دخلي بيكم حاولت اكولك الي سمعته حتى لتنخدع بيها اني اخاف عليك منها هع عبالك بس انت تحبك حتى ابن عمها و متواعدين بالزواج من قبل
امير :- من كل عقللللج ؟ كذبتج واضحه
تالين :- هه لتصدك بس اكتشف بنفسك و شوف تعرف قبل احمد جان عايش ب بيت هيلين و احتمال هو وياها علاقتهم قوية
امير باوعلها بصدمة و هو يفكر بكلامها
هز راسه بمعنى لا و صرخ
:- لاااا مستحيل هيلين الي و م تكون لغيري
تالين :- لك يا الك يحظي لك ابن عمها ذاااك تعرف شنو يعني ينهي عليها اذا يريدها و ياخذها بكيفه هه شمدريك م يجي باجر ياخذها اني و هو كال لامي ياخذها باجر
باوعلها امير و هو عصبي
:- ب احلامه ياخذها مني
●●●●●●●●●●•●•●•
جان عمار كاعد بالكاع و ميت ضحك و هيلين لازمه قلبها و تشهك
:- يا حقيررررر شسوين لو واكف قلبي و ميتة
عمار :- لج يكولون العار م يموت😂
هيلين و هي تشهك :- ااااااه ؟ شنو انجب شنو العار م يموت ادبسزز لتحجي هيج مو عيب هاي كوله من الفيس تتعلم اذا م حذفت حسابك
عمار و هو يسوي روحه بريئ و زعلان :- ليش يا حبيبتي م سويت شي مجرد سويت شبح مثل توم وجيري
هيلين و هي تكوم و تركض وراه :- مثل توم و جيري مو اوووكفلي
ضلت تركض وراه و هو يركض و يضحك عليها و يصيح جبانه
لزمته و ضلت تضرب بيه ع كيف و هو ميت من الضحك
(هيلين .. بهاي الايام القليلة كدرت اخلي عمار يشاقيني و يضحك و يعتبرني صديقته و الحمد لله حسيت مرض التوحد قل عنده من اني وياه
عمار يحب امير و يتمنى دائما يلتقي بيه
صح اني ممقصرة بس يبقى هو ولد يحب يكون وياه اخ للاسف جان يحب امير اكثر مني
حسيت امير متغير صار يومين م يجي حتى م اشوفه يطلع
اشتاقيتله هواية صار يومين م شايفته ادزله ع واتساب م يريد يقره و ميرد
اروح لخالتي اشوفها متوترة و هو م يطلع او يكولون انو مموجود
كلت يمكن يحاول يهرب مني ف تركته براحته
طلعت الصبح للشركة شفت امير واكف
تقدمت منه دار وجهه مني من شافني تقدمت اله
استغربت تصرفه و نزلت راسي و اني ابتسم
رفعت راسي و صحت
:- امير صبا....
فجاة شفت الخط مالته وكف و صعد و راح
:- حتى م كال صباح الخير
شبيه هاليومين يا ربي هفففف
طول الدوام واني ضايجة و افكر ب امير اتصل م يرد دزيتله كومة رسائل اخر رسالة كتبتها
:- هيه حگ الله أغمض من تغيب
شنهي نفع العين لومــا شـوفك
امير رد محتاجه اسمع صوتك
دز رسالة
:- مالي خلكج لتلحين م فارغلج
نصدمت من الرد مالته و ختنكت
باوعت للمكتب ماعندي شغل
طلعت للكافترية
طلبت كهوة اعدل بيها الصداع الي براسي
النادل :- استاذة طاولتج المفضلة اليوم محجوزة
ضجت و رفعت حاجبي :- اوووف منو حجزها اني كلت لكم من قبل حجزوها بس الي بهيج ساعة احب مكانها
النادل :- استاذة اسف و الله جان عنيد و كال انو يعرفج
:- منو ؟؟
فرحت بداخلي جنت عبالي امير
رحت و اشوف احمد كاعد و ساند راسه ع طاولة
:- اووووف مصيبة راسي شجابه هنا
رحت كعدت بالطاولة الي بصف الطاولة الي كاعد بيها
انتبهلي
:- تعالي ع طاولتج
:- لا عيني شكرا
احمد بعصبية كلت لج تعالي
هيلين هزت راسها بالنفي
:- مستحيل
اجه كعد يمها
:- اسمعي هيلين اني اليوم محتاج شخص احجيله همي .. صدكي م اريد اذيج اليوم انتي الوحيده الي اجيتي ب بالي
هيلين :- بعدين😒
احمد و هو ينزل راسه :- فقدت عمي و زوجته الي ربيت عندهم بالطفولة
باوعت عليه ب حزن و هي تذكر اهلها
:- البقاء بحياتك اسفة لان هيج عاملتك .. يعني اني
توترت و م عرفت تحجي
ابتسم الها
:- هيلين اني جنت طفل وكح و اعارك و هو جان يضربني بس جنت اكتشف انو هو الي يتاذه من يضربني
هيلين :- من تفقد شخص عزيز ع قلبك راح تحس انو الحياة م الها معنى اني حاسه بيك .. و دائما يكولون انو الشخص من يموت يله ينحب .. اني اكول لااا بلعكس احنه الي نحبه لان دائما ويانه م نحس بحبه الكبير بقلبنه بس لمن نفقده راح نحس بهالشي
نزلن دموعه :- هيلين احس اني ضعيف .. جنت اكرهه لان يضربني مع العلم جنت اسمعه يحجي وي زوجته و يسألها عن اكلي عن دراستي عني و يهتم بي بدون م اعرف
هيلين :- الله يصبرك الصبر من الله .. احتمال جان انسان طيب مو ؟
احمد :- اي حيل طيب بس اني حيل اذيته
هيلين بعصبية :- ادعيله صلي اقراله قران مو تكعد تبجي هيج كدام بنت م تعرفها انت تكول اذيته هسة هو م ينتظر منك بجي
باوع لهيلين مصدوم من ردها و هي توكف
:- مع السلامة
و راحت
ابتسم
:- الله وياج يا شالعه قلبي الله يشلع قلبج
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
