قصة احزان القمر
للكاتبة كاثرين
الجزء الثاني عشر
( عندما كنت احتاجك لم اجدك لكنني صرخت ب اسمك و لم اكن اعرف انك لم تعد سندي )
.
.
.
وكفت و هي عصبية و دارت ع احمد و دفعته بكل قوتها و صرخت بصوت عالي
:- لك حيوان ليش هيج سويت
تقرب منها بعصبية و لزمها من وجهها بيده الي ترس ايده
:- منو الحيوان ولج ها الضاهر صدك مامربيج عمر
حاولت تفك ايده من وجهها م كدرت
:- لك حقير دنيئ اترركني
ضلت تدفع بيه و هو يشد بيده ع وجهها
احمد :- راح اشوفج نار جهنم بالدنيا قبل الاخرة بنت الكلب اطلعين منا و تجين منا وي هذا النذل عبالج م ادررري راح اربيج من جديد
صرخت بصوت عالي :- لتغلط ع ابوي لك ربي روووحك ب الاول اتركنيي
دفعها و وكعت بالكاع و تقرب منها و لزم ايدها حيل
:- م عندي بنت لسانها طويل بالبيت لذا لازم ينكص لسانج يله ادخلج لبيتي
:- م اروح وياك لاي مكان ايدددي اتركنيييي
ضغط ع ايدها حيل و هو يلويها
صرخت من الوجع بعالي صوتها
:- اميررررررر
●●●●●●
امير دخلت للبيت و اني كارهها و بدي اطلع قلبي الي حبها جنت اعرف سالف الرسائل جذبة من تالين بس من شفت احمد حاضنها جن جنوني لا نوب هي فرحانه و تبجي مشتاقتله الضاهر
كعدت ع كرسي بالحديقة و خليت ايدي ع راسي و اني اشد بشعري
:- ياربي هالبنت جننتني
فجاة سمعت صوتها تصرخ ب اسمي و اني تخبلت طلعت اركض بسرعة و اشوفها واكعه و سانده روحها ع الحايط مال بيت خالتي و احمد لازم ايدها و لاويها و هي دموعها يصبن
ركضت عليه و ضربته بوكس كسرت راسه
ابتعد عنها و اني بسرعة رحت يمها
:- اذاج؟؟؟
ضلت تبجي و نزلت راسها
تقدم مني و لزمني من قميصي و هو يحاول يضربني لزمت ايده اريد اضربه اجو مجموعة شباب م خلونه و اجتمعو الجيران
واحد من الجيران:- بوية امير شصاير شكو
باوعتلها جانت تبجي و خدودها صارن حمر تقدمن منها الجارات و كومنها و دخلنها للبيت
امير :- هالكلب حاول يضربها
احمد بعصبية :- انجب حيوان لك اني ضربها لان هي عرضي و بنت عمي اني اريد اربيها اسممعو يا ناس هالكلبة م كالت ابوها متوفي و موصلت خبر لعمامها حتى يحلالها الجو و تبقى وي حبيبها هالكلب امير
دار الزلمة عليه
:- اششش اسكت عيب هالكلام ابني انت لو ابن عمها ماتحجي هالحجي و بعدين امير متكفل بيها و ب اخوها لان محد الها هالبنية و كل المنطقة تعرف هالشي و محد حجه حجاية مو زينة عليها و احنه غربة انت ابن عمها جاي تحجي هالحجي عليها هسة هيلين ع ابوها و امها مايوم طلعت عليهم حجاية يله بوية تعرف الطريق عوف بنيتنه و لا تتقرب منها
احمد :- مالكم دخل البنية بنت عمي و شفتها وي هالنذل و اني اريد اربيها طلعووو منها
الحجي :- لا لا هاي بنيتنه روح منا ماننطيها روح جيب كبارك و نتفاهم وياهم
احمد بعصبية :- حاسبني زعطوط كدامك شنو
الحجي :- لا لا من حشاك بوية بس هاي امانه المرحوم عدنه
امير :- سمعت يلا امشي منا جيب كبارك م نريد زعاطيط
احمد و هو يتهجم ع امير :- لك انت حسابك بعدين بس اخذها الا اكسر راسك مثل ماكسرت راس عمامك
امير :- انجب هو لو م انت حيوان م تسوي سواليتك ولي و لا اجيب ذاك الموضوع بالنص لان اعرفك حيوان لا و الله الحيوان اشرف منك
ا
أنت تقرأ
احزان القمر
General Fictionروايتي تتحدث عن الفقدان . عن فتاة عانت من فقدان اعز الناس .. ليرميها القدر وسط جرعات مكثفة من الاحزان التي لا تنتهي .. ف يسرق الحب ققلبها و يجعلها تعاني فهل يستطيع حبيبها ان يخرجها من سجن الاحزان تابعو روايتي التي بعنوان احزان القمر
