مابعد اجبارهم احببته ((الجزء الثاني))

البارت 15

#سهى_الشمري
بيوم...لين..كالت خلينا نروح للسوك محتاجة كم شغلة...كتلها اي يلا ...ورحنا ...

اشتريت...ملابس لعلاوي...وكم شغلة للبيت والي ..وليهن اشتريت للكلية مالتها ملابس الها..

واحنا نمشي ..شفنا ضرغام وصديقه..اجة سلم علينا..صديقه عافه وراح سلم عليه واترخص وراح...

ضرغام..بنات ليش اجيتو لهنا لو كايليلي شمحتاجين..جنت اني اجيب واجيكم..

قمر...شكرا مامحتاجين..بس شغلات بنات ماتعرفها..

ضرغام..اها اوك ..خلصتو لو بعدكم..

لين..خلصنا..

ضرغام..خوش معناتها اوصلكم..

قمر..شكرا ماانريد انتعبك ناخذ تكسي..

ضرغام...لامايصير يلا تعالو السيارة قريبة منا ..

ومشة كدامنا..
اكو واحد لحكنا ...كال الله الله شحلاته الحنطاوي الي لابس بنطرون ومانتو اسود ...مايلوكلك الاسود ياعسل..

ماحسينا الة ضرغام نايم فوكاه ويضربه بوكسات..

اني ولين..نرفع بضرغام وماكو ..

ضرغام...لك سااافل ...سكططط ...ياناقص ...اليوم اربيك ياعار...

الشاب...لك عوفني ..كلب

والناس تفاكك بيهم ..

بالكوة فكوهم...

راح جاب السيارة ...ونار وشرار يطلع من عيونه...

صعدنا اني ولين ليورة ..

ضرغام...قمر خانم اني سايق عدكم يعني حتى ماحودة تتفضل تكعد ليكدام...

قمر ...اني تعرف مايصير رجلي هستوه ميت مايصير اكعد وية رجال ثاني الوادم تحجي علية...

ضرغام...وطبهم مرض الوادم شعلينا....بنتر..

قمر و لين ....دخيلك يارب شبيه..

ضرغام...وانتي ست لين شو متفضلة ليورة ..حسب علمي لاارملة ولامطلقة ولامزوجة ولامخطوبة ...ليش عود متبنطحة ليورة...

لين..اسفة ...بس مااحب اكعد ليكدام...

ضرغام...استغفر الله..

ووصلنا والطريق كوله..يرزل بالوادم وعيونهم ماصخة ولوك لوك لوك..سطرنا...

فتحنا الباب لااحمد ولاعلاوي بالبيت ..لكينا ورقة كاتب عليها احمد...اخذت علاوي نشتم هوة شوية ونرجع ...

اطمنت...انطيت مي لضرغام وصبيناله جاي..

كعدنا كدامه...

كال...قمر اهلي فاتحوج بالموضوع..

دنكت وكتله...اي كالو

كال..وو..وانتي رئيج شنو...ويلعب بلحيته...