مابعد اجبارهم احببته ((الجزء الثاني))

البارت 8

#سهى_الشمري
#مابعد_اجبارهم_احببته

هذا البارت مشوق وبيه احداث حلوة ..علقولي عالنص مو بنهاية البارت ..قراءة ممتعة ...

صار الصبح ..
قمر..كعدت ب8 رحت تريكت وبدلت كعد يحيى ..كال صباح الخير وين رايحة ..
كتله...صباح النور اكلك .. خابرتني لين تكول ماما مريضة كلش اريد اروحلها ..
يحيى...يااا ..حبيبتي لتخافين اكيد خالة بخير ..مايصير بيها شي..اطمني ..انتظريني ابدل واروح وياج..

كتله..لامو ضروري ..اروح وحدي..
كال..لايمخالف اوصلج واشوفها واطمن عليها هم..

كتله..لايحيى اني اروح وحدي ..
كال..ماشي ..سلميلي عليها وكليلها عدها العافية ..وديري بالج على نفسج قمر ..

كتله..ماشي ..يلا باي
كال..باي

وكملت كم شغلة وحضرتلهم الريوك..وطلعت صارت الساعة ب9ونص ودخلت للمكان الي اتفقنا بيه اني وسهر ..وطولت يلا وصلت طلبت عصير ليمون وانتظرتها ..شوي واجت

سهر..صباح الخير..
قمر..صباح النور...

سهر..شونج قمر..شونه البيبي..
قمر..عوفينا من كل هذا كوليلي شنو الموضوع الي خليتيني اجي علموده..

سهر..قمر سئلتي يحيى على حملي؟؟
قمر..اي وكالي انو انتي حامل من صديقه ..مصطفى..

سهر..ضحكت...مصطفى؟؟
قمر..ليش تضحكين .

سهر..وانتي ..صدكتي عود؟؟
قمر..وليش مااصدكه ..يحيى مايجذب علية..

سهر..على فكرة ..انتي زوج ..احد كالج هيج من قبل ..
قمر..نعم؟؟جاية تهينيني انتي..

سهر..ههه لالااعتذر ..الي كالجياه كوله جذذب ..
قمر..جذب؟؟وشنو الصدك..

سهر..احجيلج؟بس خاف ماتصدكين؟
قمر...هو من الطبيعي مااصدك ..لان واثقة من يحيى..

سهر..واضح..لدرجة انتي جاية وتشوفيني علمود تعرفين ابو طفلي منو ...حبيت هاي الثقة الي بينكم ..برافوو فعلا ..

قمر..احجيلي من الاخر..شتريدين..وليش ماتعوفين زوجي بحاله..

سهر...زوجج؟؟حبيبتي هذا الي ببطني ابن يحيى..

قمر..الي كالته الي مثل الصاعقة وصعقتني لان حسيت يحيى ماكاعد يجذب علية ..ليش كتلها انتي وحدة جذابة وساقطة ..وتتبلين عليه ..يحيى سولفلي القصة ..انتي جنتي على علاقة بمصطفى وحبلتي منه وطلبتي مساعدته ..بس هوة رفض فكلتي راح اكول لمرتك واطلكك منها لان بسببك تعرفت على من مصطفى وصار الي صار وهو ضربج بيومها...

سهر..طكتها ضحكة..وكالت والله فلم مفبرك وعشت يحيى ..اي والله ماجنت اضن بيه مخرج لهل درجة..عمي فنان ..لج ياغبية مصطفى شنو صح جنت على علاقة بمصطفى بس ماتقربلي ..بيوم جان سكران يحيى بسبب انو متعارك وياج اعتقد واجاني للبيت ..