مابعد اجبارهم احببته ((الجزء الثاني))

البارت 17

#سهى_الشمري

خلصنا تفريغ غراضنا وغراض علاوي اني ولين ..صاحونا عالغدة ...

نزلت ...عمة بعدها كاعد تصب ...وضرغام حاط علاوي ويلاعبه...

رحنا للمطبخ ..وكعدنا نساعد عمة بالصب ...

ضرغام...قمر شكد عمر علوش...

قمر...تقريبا سنة...

ضرغام...ان شاء الله باقرب وقت نسوي حفلة تطهير ..شتكولين..

قمر..رايحة عن بالي ...اي فدوة....اكيد تعبك انطينياه

ضرغام...هذا العسل يتعبني...انوب العصر اخذه وياي اطلعه وارجعه عادي؟

قمر...ياريت ..خطية..ولو اتعبك..

ضرغام..لاعادي...

وكعدنا نتغدة ...كعد ضرغام وخله علاوي بحضنه...
وياكل

قمر..انطينياه واتغدة..

ضرغام...لا عوفيه..

قمر...ماكلت شي من وراه جيبه..

ضرغام...عوفيه..

قمر....منو امه ..اني لو انت ...جيبه..

ضرغام...هففف ..هاج ...وكاعد ينطينياه وخنزر خنزورة علاوي...

قمر...ها ماما شو خنزرت بية شجاك..

وكام يبجي يريد يرجع لضرغام...

قمر....يااااا وسفة عليك علاوي صارلك سنة وياي ...وهسة بس لاعبك شوية بعتني علموده ...مو صوجك ..

ضرغام...هههههههه...عيوني هو رجال شعنده وية النساوين ابقى بحضني بابا...هاي ماتفيدك...

قمر....ياااا هسة صارت هيج بسيطة...

اباوع عالكل....كلها تضحك علينا استحيت...وكعدت اكل ...اباوع لضرغام ياكل شوية ويلعب علاوي شوية ...ويكله ....بس لو تكبر شوية اشتريلك بايسكل يخبلل ...

وعلاوي يضحك...

كملنا ..اكل ...كعدنا نغسل اماعين ...كلت خلي ارضع علاوي اكيد ...جوعان ...بس وينه

سئلت عمو...كال عند ضرغام...

فاتتني ادك الباب ...كبل طبيت ...علاوي عالجرباية مال ضرغام نايم...والغرفة فارغة ماهوة ضرغام ...ردت اشيله علاوي...بس كعد يتحرك..كلت ماطول ضرغام ...مو هنا خل امدد يم علاوي ...

ومددة يمه وحاضنة علاوي ...واباوع تخبلللل غرفة ضرغام...

طبعا ..اكو حمام داخلي بكل غرفة.....مددة ودايرة وجهي على جهة باب الحمام...وفجاة انفتح باب الحمام ...وطلع ضرغام...بس لاف المنشفة على خصرة ومالابس شي...وعضلاته وعضلات بطنه اويلي يابة...قمررر بلا هالانحراف انجبي....واني مددة طلع واني...متتت من المستحة اني كبل كلت...

قمر....سلاما قولا من رب رحيم...استغفر الله ...استغفر الله..

ضرغام....يااا انتي هنا...