مابعد اجبارهم احببته ((الجزء الثاني))

البارت 9

#سهى_الشمري
#مابعد_اجبارهم_احببته

جهزو معنوياتكم ونفستكم لان هذا البارت بيه احداث قوية ...ماراح احركة عليكم ..علقولي عالنص واكتبولي ارائكم والبارت طويل ...قراءة ممتعة ..

..........
..
واني امشي بسرعة ..حسيت احد حط ايده على كتفي ..درت وجهي طلعلي..رجال اربعيني ..كال الحلو وين يريد ..انتي اكيد طالعة من فندق شي او مكان مو زين مو ؟.تعاي وياي انسيج كلشي ...

اني خفت ..دفعته وركضت سريع ..وهو ظل يحلكني ..المنطقة الي اني بيها فارغة ماكو ولابشر بس صوت جلاب ...

لكيت حاوية مال زبالة ...دخلت بيها كلت أأمنلي .. دخلت بيها وحطيت الغطا ..رغم الريحة تكتل بيها...كلت ميخالف اتحمل ولعبت نفسي واجيت اتقيأ بس لزمت نفسي...رفعت شوية الغطا ..شفت الرجال كاعد يركض يدور علية ..نزلت الغطا وظليت اردد اية..

((وجعلنا من بين أيديهم سدا  ومن خلفهم سدا واخشيناهم فهم لايبصرون))..

وظليت بس ابجي اني شنو الي كاعد يصير بية وشلازم اسوي ..رفعت الغطا شوية ..ومااسمع صوت هدووء اطمنت شوية ..ظليت امشي واتلفت ..جنطتي وينها..واكعة مني واني اركض..يالله شسوي هسة وظليت ابجي...وبعدها ..كعدت على رصيف ..

وانتجيت على بيت ...حاولت اجمع افكاري ..وافكر ..اني طلعت الساعة 11من المطعم انوب ظليت امشي واعتقد الساعة 4 التقيت بضرغام ..بمكان ماادري وين بس بعيد كلش عن المطعم ..وبعدها ظليت امشي بمكان ..وظلمت هاي المنطقة وين ...

واحس بس دموعي ينزلن ..زين هسة شصاير بالبيت ..ويحيى شسوة..كاافي قمر..انسيه ...لاتفكرين بيحيى ..خل يمشي خلص..
بطني كامت توجعني كلش..حطيت ايدي على بطني..اسفة حبيبي اسفة ظليت اركض ونسيتك لايصير بيك شي حباب لاتعوفني ماعندي غيرك ..انت الي راح تكون سندي بهاي الدنيا ..الي ناسها تنهش لحم امك ..

وبعدها هدئت كلش المنطقة وظليت اعرك ومااسمع شي ولااشوف شي ..ومااحس بأي شي مثل الواحد المتبنج ..حسيت بشي ينزل مني ..حسيت مثل المي باوعت جواي ..اظن هذا دم حطيت ايدي وشميته..اي هذا دم ...هاي ريحة دم ....

كمت ابجي واكول..لالاتعوفني ماما لا الة انت مااريدك تعوفني ....وظليت ابجي بعدها ماحسيت على شي ..

شفت ضوة ابيض ..وشفت رجال داير وجهه ولابس دشداشة بيضة ..منو هذا الرجال منو..كمت اصيح منو انت...رحت باتجاهه دار وجهه ..انصدمت..هذا بابا ...اي ...اي هذا بابا ..كمت ابجي كمت اقترب منه ..وهو يبتعد ..كمت اصيح بابا ...بابا لاتعوفني ارجع محتاجتك...

انوب شفته دار وجهه لجهة ويباوع ويبتسم ..درت وجهي على هذيج الجهة ...شفت هاي اني ..وهذيج لين ..اي ...اي والله هاي احنا وهذيج ماما ..وهذا الرضيع حمودي مو...اي ...اي ..

هذني احنا وصغار ..وكمت ابجي واصيح بابا...بابا وينك محتاجتك ...محتاجة ابجي بحضنك..بابا ..وابجي ..