مابعد اجبارهم احببته ((الجزء الثاني))

البارت 24 والاخير

#سهى_الشمري
ماردت اشوقكم لليل لهذا راح اختمها هسة اتمنى تعجبكم....قراءة ممتعة احبتي..
😍😍😍😍😍😍😍😍😍
قمر...حسيته صدكني ...كلت خلي اعتذرله ...رحت صعدت لكيته مدد وحاط الموبايل بايده..

قمر.. ضرغام...

ضرغام...لارد..

قمر....اني اسفة ...

ضرغام.. صارت قديمة هاي الاسطوانية احسن تغيريها...

قمر...ضرغام ...واني باالامام فكرت ...وفكرت بحياتي ...واتاكدت انو الاحسن نبدي اني وياك مرة ثانية ...

ضرغام...والله؟؟ هههههه فات الاوان الي اكتشفته مالي ولاذرة بحياتج...

قمر...لا مو هيج والله بس الي مريت بيه صعب...اتمنى تسامحني ونبدي مرة ثانية..

ضرغام....اخخخخخخ منج ياقمر...يابنت عمي ماشي نبدي...بس ادورلج الزلات ...زلة وحدة بعد تنتهي...

قمر...ماشي ...وعد راح اخليك فرحان وياي ...
ماسئلتك متغدي ؟؟؟ ب12 وربع...

ضرغام...ليش سوالفج تخلي الانسان يشتهي شي...

قمر...ها شتفقنا اهووو...

ضرغام...اول شغلة...هاي الاهووو مالتج اتخبل منها الاحسن تبطليها...

قمر...ماشي...

ضرغام...امممم خوش ...وبعدني عندي كم شرط وكم نقطة تسوين يلا اسامحج...

قمر...دخيلك ربي بلش...ماادري ليش حاستك راح تستعبدني ...او شغلة طايح حظها راح تسويها بية ولو تنطيني شغلة تخليني اتندم لان وافقت...

ضرغام...ولاينكدر للسانج انتي فد وحدة...اخخخ وعض اصبعه...

قمر...اي دخيلك هسة انت احسن مني اشو السانك احد من لساني ...وحطيت ايدي على حلكي...

ضرغام...بشرفج...بشرفج...اذا هسة احطج وادفنج احد يكول ليش...لحسن حظج انو اني رجال متفهم ومااستخدم العنف والة جان انتي جثة هامدة من زمان...

قمر...اشكر رحمتك يارب انطيتني هيج رجال متفهممممم ...راح اموت من النعمة الاني بيها...

ضرغام...ها ...شحجينا لاتخليني استخدم غير اسلوب...

قمر...اشاقة ضرغومي.. اشاقة شجاك.. على كولة الاستاذ رمضان بالفيلم انت مابتهزرش ...وضربته خفيف على ايده ...

ضرغام...امممم هسة صارت ضرغومي...خرررب بحظي البازة ...بس حلوة ضرغومي بحلكج ...وابتسم...

قمر..امممم يلا شنو شروطك...

ضرغام...اي صح اول شغلة تذبين الاسود...

قمر...بس ...

ضرغام...بدون بس ...والشغلة الثانية شعرج وجهج شغلات هيج صايرة جنج ضابط ...اريد ارجع للبيت الكي مرتي مو الظابط جعفر المجاهد...