#يد_القدر

الجزء الثامن

#يد_القدر
بقلمي فردوس عبد اللطيف
الجزء الثامن
باوعت عليها زوجة محمد بقيت صافنه بوجهه وألف سوال وسؤال اجه بتفكيري
اسماء ... مرحبا اني اسماء زوجة محمد
سابين ...شكو شتردين ؟
اسماء ...الله يخليج سابين ممكن طلب واحد ..بس اريد احجي معاج
سابين ... انقهرت عليها ....تفضلي اختي
دخلنه لغرفتي
اسماء ...انت سابين ؟
سابين ...ابتسمت لعد منو اني مو كتيلهه لبنت عمتي وطلبتيني بالاسم ...
اسماء بس ردت اتاكد انت سابين حتى يكون الكلام بينا
       اني اسماء زوجوني بالغصب لمحمد وأخته زوجوهه لأخويه هم غصب اكيد عرفتي بالفصل
العشائري زوجونه وصرنه ضحايا جريمه ارتكبها اخو محمد
من اول ماتزوجنا كان محمد يعاملني مثل اخته ...
ومرت الايام وشوية شوية ...
فد يوم كان سكران ومحاس ع نفسه وتخيلني انت وتقربلي ومن ذيج الليله حبلت
بس محمد يكولي ما احبج ولا اريد منج ولد واني ميت واموت باليوم مية موته
اني احبه وهو مايقصر وياي بكلشي الا مشاعره وكلبه وياج
دائما انت حاجز بينا
حاولت معاه بكل الطرق ردت ادخل لكلبه لكن محمد مجاي يكدر ينساج وانت عايشه بداخله
سابين ... صفنت بيهه وبكلامهه ...الله شاهد من اليوم الي كالي بي حايتزوج حضرني وماحجه وياي ولحد هاي اللحظه
تدرين ليش ؟ لان محمد مايحب الخيانه ...وبالمناسبه طبعا دست ع كلبي وكتلها ...اني مخطوبة وما اخرب حياتي علمود واحد مثل زوجج ثانيا انت هسه عرفتي محمد مايخونج بقى دورج تخلي ينساني ويحبج
القدر فرض علينا نفترق وكل واحد من عدنه يعيش مع شخص اخر ولازم نتقبل ونعيش حياتنا
كملت الحجي ودموعي تنزل وكلبي مكسور اختنكت روحي طلعت
سابين ...اني مقبله ع حياة جديده والماضي نسيته .ومحمد من الماضي ولا تخافين  ...بعد عندج كلام
اسماء ...لا مشكوره ..مع السلامه
وطلعت اسماء وكلبي انفطر لان عرفت محمد بعده يحبني بس دايس ع كلبه واني هم لازم ادوس ع كلبي واعيش حياتي
وأيمن اي بنت تتمنى تتزوجه
من طلعت رحت لغرفتي واني ابجي
ام سابين ...بنتي كومي غسلي وجهج ايمن راح يجيب الشيخ
سابين ...لهادرجه مستعجلين ؟
ام سابين ...بنتي انتو ع طول وحدكم بالبيت ميصير تبقون بدون عقد قران لازم تمهرون
ايمن جاب الشيخ
سالني الشيخ ..سابين بنت عامر هل تقبلين يكون ابوك عامر وكيلا عنك
اني سكتت
الشيخ ...السكوت علامه الرضى
سابين فكرت كلت لا يكون حرام الا اكول موافقه ...عاد كلته  (موافقة )
عقدنه بيومهه جان يوم موتي ...كلبي مات واندفن
والجسد منتظر الكفن ...خوات ايمن كللللوووووووش اشتغلت الهلاهل واني ابجي بكلبي ..غسلت وجهي ورحت بالحديقة
استقبلني ايمن وحظني وهمس باذني
ايمن ...هاي شكد صارلي انتظر  تصيرين الي بقيت وأكفة وكلبي يرجف والدمع بعيوني ظل يبوس بي من رقبتي وجتنفي ....كولشي بجسمي رايده ...بس كلبي رافضه ...ليش ما اعرف السبب ...ايمن اقرب شخص كدر يخترق الحواجز الي كنت مخليتهه لأي ولد يريد يتقربلي بس كلبي مو بيدي
باسني من شفتي بقوه دفعته وانهزمت للغرفه
فتت بغرفتي وبقيت ابجي واشهك ...وكفت كبال المراية اباوع ع وجهي واشوف آثار البوس برقبتي ...خفت بقوه من ايمن وكلبي وكلشي بروحي يصرخ ....
بقيت افكر اني لازم اطلع محمد من كلبي وافتح كلبي لأيمن
لانه الانسان الوحيد الي يستحق محبتي
نمت بعد ماتعبت من التفكير والأرق وكل نومي احلم ليش ايمن هيج يتقربلي ...لحد ما صار الصبح
كعدت الصبح وهم انكسر طوكي وبقى شعري مفتوح
ام سابين ...هلو ماما باجر عدنه دوام اني وابوج بعد ما اوصيج ع نفسج بنتي اهتمي بدروسج وهسه حا نروح نرجع للموصل
سلمت ع ماما وبابا وسافروا
حنين ...شافتني صباح الخير سوسو ...هلا هلا اخوي شهالخريطة برقبتج  اهدأ شوية
سابين ...سكتت وخجلت مكدرت احجي شي حسيت نفسي مخنوكه وأريد ابجي ...رجعت لغرفتي وبقيت اشهك وابجي
اندك الباب ...منو
ايمن ...ادخل لو لا  ...دخل للغرفة قبل ما اكوله ادخل
سابين ...عفية حباب عوفني
ايمن ...هاي اشبيج يمعوده وحظني بقوه وكال أسف والله
شمدريني حاتطبع هي بوسه اشبيج
سابين ...انت تعرف اني مرحله سادس وأريد اكمل دراستي
لان تاخرت هواي هالسنه اخر فرصة الي
ايمن ... حبي اني اساعدج ما اعوفج وين الكارت
سابين ...شاف الكارت درجاتي كولهه تسعينات
ايمن انت شاطره ومراح تعبيني واني حا اخليج تطلعين معدل عالي
وسام ...ايمن حنين وينكم تعالوا
ايمن ...شجابك اخوي ما اريد اروح
طلعنه بره واني ابتسم ...حسيت بالامان مع ايمن وكلبي زادت نبضاته
ايمن تنهد بنفس طويل ....ماتحتاجين شي سوسو ؟
سابين ...لا سلامتك
ايمن اروح حانسافر انطيني بوسه
سابين الله معاك
سافرو وجدو سلم عليهم
بقيت بالبيت وخليت همي ب الدراسه  اقتربت امتحانات السادس البكلوريا
بهالفتره ايمن يراسلني يوميا ومن تصير فرصة يتصل بي
تعلقت بأيمن وصار هو الانسان الوحيد المهم بحياتي من خلال لهفته واهتمامه بي صحيح اني حاجيتله ع محمد وعلاقتنا بس هو اقتنع ان محمد صار ماضي
اني صحيح بديت احب ايمن لكن ما اعترفتله ابد
كلبي انشغل بحب ايمن ونسيت محمد حتى تفكيري بي مو مثل اول صحيح الجرح بالبداية يكون مؤلم لكن بمرور الوقت وعندما تجد البديل الي يحبك ويخاف عليك اكيد حاتراجع نفسك وتحكم عقلك قبل عاطفتك
سمعت محمد صار عنده بنت وسماها سابين ...تشوقت أشوفها
خلصت امتحانات الوزاري بعد التعب وسهر الليالي ... مرحله السادس مصيريه مستقبلك متوقف ع هالسنه
والحمد لله كملت الامتحان وخلصت من الدراسه
ايمن اول يوم العطله اجاني
ايمن ...جدو تقبل اخذ سابين عدنه ببغداد
جدو ...أسمحلك تاخذهه بشرط تدير بالك عليها
ايمن ...والله اني مستعجل انطونياها زوجتي واريدهه
جدو ... ان شاء الله ابني رتب نفسك
ايمن ...سوسو بدلي عالسريع
رحت بدلت ولبست تنوره سوده وتيشيرت وردي وشال وردي ومكياج خفيف
طلعنه وصعدنه بالسياره بعده ما شغل اشو يباوعلي وعيونه تريد تأكلني ...بالطريق وكف السياره
سابين ...شكو ؟
ايمن ...اريد بوسه بالله انطيني
سابين ...امشي معود ترى اصرخ نزلت دموعي
ايمن ...لا حياة لمن تنادي ...وجرني وباسني بالغصب
حاولت اقاومه بس هو يعضني ويبوسني ...ما اعرف اشبي
دموعي نزلت ع خدودي وطخته ..هو انتبه ..وهدني وعافني
شفتي وكع منهه دم
ايمن ...اشبيج ها احجي شكو
سابين ..ليش تسوي هيج فهمني شتستفيد
مسحت الدم من شفتي
سابين ...ترى ارجع لجدو
ايمن ..هاي اشبيج ترى ماسويت شي غلط ..انتي مرتي
والله حللج الي
سابين ... اشلون مصار شي وانت تعظني مثل الوحش
ايمن ...هههههه ...اكمل الطريق لو افترسج
سابين ...سكتت وبكلبي نغزه
وصلنا لبيتهم واستقبلوني البنات ورحبوا بي
كعدنه نسولف ونحجي وسألوني اشلون جاوبت بالامتحانات
كنت خجلانه من البنات لان اثار العظه مبينه واني احجي واخزر بأيمن ...لان سوه بي هيج
كنت لازكه بحنين وين تروح اروح وراها ...حتى لايستفرد بي ايمن وانطي مجال ويتصرف وياي هيج لان اعرف بي بس يشوف فرصه يستغلهه
كنا كاعدين اني وحنين اجه ايمن من الدوام
ايمن ...حنون جيبيلي ماء
اني كمت وياها
ايمن .. ابقي سوسو اريدج بشغله
كام من مكانه واجه يمي
ايمن ...ابشرج بشغله بس بشرط اذا فرحتي اطلب منج طلب
سابين ...لا طلباتك صعبه
ايمن ...والله ما اطخج
سابين ...كول ميخالف
ايمن طلعت المعدلات ومعدلج ( 95،99)
سابين ...معقوله ايمن صدك تحجي
ايمن ..اي صدك
كمت اريد اروح أبشر حنين ومرام
ايمن ...سوسو الطلب نسيتي
سابين ...شنو طلبك
ايمن ..تعالي
جتي حنين وانطته الماي
حنين ...شكو ؟
سابين ...طلع معدلي عالي
حنين ..الف مبروك حبيبتي بوستني
ايمن ..حنين من رخصتج ...وجرني من ايدي وفوتني للغرفه
سابين ...ليش جبتني هنا ؟
ايمن ...شرطي تبوسيني
سابين ...خجلت حيل ...لا والله ما اكدر استحي حباب
ايمن ...ليش تستحين اني زوجج ..غمض عيونه
سابين ...انزل شويه ما أنوش
ايمن ...مشكلتج
رفعت نفسي وهو مسكني من خصري ..بست خده ...نو ظل حاضني
ايمن ...ابقي يمي سابين لاترحين
سابين ...انت حلفت عوفني بالله
حضني بقوه ...بصراحه ماكنت اريد ه يبتعد عني ..بس ما اعرف ليش ؟
طلع من الغرفة فرحان واني بقيت بالغرفة صليت من خلال تواجدني بيتهم صرت أأمن بي وان ايمن مراح يتقربلي الا بموافقتي ...
اتصلت باهلي وجدو وبشرتهم ...تحقق حلم حياتي وطلعت معدل عالي صحيح تعبت لكن الحمد لله النتيجه تستحق التعب
رحنا ننام بالغرفة
مرام ..سابين اسالج سوال ؟
سابين ...كولي
مرام ...محمد اشلون عفتي ..
سابين ...صفنت بوجهه محمد تزوج وصار عنده بنت وسماها سابين
مرام ...اشلون خاين ...ان شاء الله ايمن يعوضج وينسيج
سابين ...انت تعرفين ايمن حايخطبني ليش محاولتي تمنعي
وانت تعرفين بكل تفاصيل علاقتي بمحمد
مرام ...اخوي انكسر كلبه مره ما اريد ينكسر مره ثانية
سابين ...واني سكتت .. اشبي ايمن احجيلي
مرام ..هو يحجيلج
خفت لا زم اعرف شكو بقيت بقلق بالليل لحد مانمت انتظرت يصير الصبح
رحت لغرفة ايمن دكيت الباب ودخلت ...كان متمدد بفراشه
ويبتسم
ايمن ...تعالي حبي تعالي يمي
تمددت معاه عالسرير وخليت راسي ع صدره وهو حضني
ايمن ..اشو جيتي ماتخافين اتقربلج
سابين ...لا اعرف ماتسويها
ايمن ...اشبيج لهدرجه واثقة بي
سابين ...ثقتي بيك عمية بس كون تكون كدهه
اجه فوكي لا اني مو كدهه
سابين ...مو وكت هالحجي احجيلي شكو قبل ماتعرفني اريد اعرف حياتك
ايمن ...انت حياتي
سابين ...لا ايمن احجيلي شكو ...انت قبل ماتعرفني اريد اعرف حياتك
ايمن ...كلشي بوقته
فضولي قتلني
سابين ...اريد اروح
ايمن ...لا ابقي نروح سويه ..اريد بوسه
سابين ...لا
ايمن ..لا بربج
اندك الباب ...خجلت
سابين ...مكرود ويه مكرود  بس لا حسوا بينا
وظل يضحك علي وظل يقلد مكرود ويه مكرود ويضحك
وكلما تصير سالفة يكول مكرود ويه مكرود ويضحك
طلعنه من الغرفة
حنين ...ها ايمن شعدكم بالغرفة سوه
ايمن ..مرتي غير اشتاقتلي
اني ساكته
حنين همست باْذن ايمن
ايمن ..ليش شايفتني بدون احساس اني احبهه وهي هم تحبني
مو سابين ؟
سابين ..هزيت راسي يعني اي
حنين .. اليوم ودينا للسوك لان وره كم يوم حاتروح سابين
اقصد مرتك
ايمن ..اي مكرود ما جابت أغراضها مكروده ويضحك
رحنا للسوك  ...اني كلبي يكول ايمن ضام علي شي
اشترينا اغراض واحنا بالطريق رِن تلفون ايمن
ابتعد عنا ..رحت وراه سمعت اخر كلمه (انت مالج شغل هو بقى كم يوم وتشوفين شيصير ) وانتبهلي وكال بالله جدو احنا باجر يمكم ...
وسد التلفون واني اباوع بعيونه واجه حظني
ايمن ...اشبي الحلو ؟
سابين ...والله الي كدامك ماضل بيهه حيّل اكثر من الي صار بي هد حيلي وانت املي الوحيد
نظرته تغيرت
كلبي مجان مرتاح بقيت الوم بابوي هو الي اجبرني اوافق
اتزوجه واني حياتي بين ايده
رحت للغرفة دخل ايمن وسد الباب
سابين ...ايمن روح
ايمن ما اروح اني زوجج هو كم يوم وتصيرين مرتي
سابين ...المطلوب
ايمن ...اشبيج كارهتني ترى تعبتيني دكولين اثق بيك وانت كارهتني شبيج
سابين ...كلبي مامرتاح
حظني واني ابجي
ايمن ... اشبيج
سابين ...اني مكسوره وكلبي يمك وما اكدر اعيش بدونك اذا عفتني اموت والله
ايمن ...حبيبتي هذا كلبي عندج ظل يلعب بشعري
سابين ..اريد اروح يم البنات
ايمن ...مو تثقين بي
سابين ...اي بس اخاف عليك لا تستعجل وتغلط
جرني وباسني
بس حسيته مو مثل كل مره
سابين ايمن حباب ابتعد عني هاي السوالف مو حلوه
ايمن ...اشبيها انت مرتي دتعالي حظني بقوه ويبوس بي اريد ادفعه ما اكدر
نزلت دموعي ياربي شسوي صوتي انحبس اريد اصرخ ما كو صوت ..نفسي صار سريع دكات كلبي سريعه احس كلبي يريد يطلع
ايمن يفتح السحاب مال التراكسوت واني اكول لا لا ودموعي تنزل وادفع بي ...من شافني هيج عافني وراح لغرفته
بقيت الليل كوله افكر شنو قصده بهذا تصرفه مالكيت تفسير
اليوم الثاني الصبح ...شفت بنت عمهم سلمت ع ايمن لكن هو ماجاوبهه وهي دكول شهالثكل
صرت اعصاب دمي فار بس ماكدرت اتدخل
صعدنه بالسياره واني ساكته وأيمن طلع يغني
(اوعدني متروح )
ايمن ...اشبيج
سابين ...توعدني متروح وتعوفني ..؟
ظل يضحك
سابين ...شتريد منك
ايمن ...انت ليش تهتمين الهه هالغبية
سابين ...احجي النار تاكل بكلبي
ايمن ...راح احجيلج ...من كنت صغير وهي تهمتني انو اني اعتديت عليها ولما فحصوهه طلعت بعدهه عذراء
وأهلي يلحون علي تزوجها واني ما اقبل بقوا يلحون
بصراحه كنت احبها حب مصائر بي خيانه صارت بدمي
خنت أعز النا س والي خنته  بعدين عرف هي خانته
وماتستاهله
سابين ...انت شتحجي
ايمن ...من نوصل حاتفتهمين
وصلنا لبيت جدي دخلنا جوه شفت ايمن طلع بره
سابين ...ايمن شكو؟
شفت زهراء جايه من بيت عمي وابنها حيدر الصغير حاملته
وتبجي
زهراء ...ها ايمن ؟
ايمن غمزلها
دخلت زهراء
ايمن اندار علي ...شوفي سابين هاي حبي الي خنت اخوج
حيدر علمودهه ..اني كذبت عليج في سبيل اكسرج
نفسي انكطع
سابين ...اني احبك
ايمن ...دروحي بابا ياحب
سابين ...وين كلامك
للحكاية بقيه
...........بقلم فردوس عبد اللطيف ...........