#يد_القدر

الجزء التاسع

#يد_القدر
بقلم فردوس عبد اللطيف
الجزء  التاسع
البارت السابق صار استفسار من بعض المتابعين احب اوضح
زهراء بنت خالة سابين والي كانت على علاقة مع حيدر اخو سابين وتزوجت خالد ابن عمة سابين الثانية
وأيمن ابن خالة خالد زوج زهراء
بهذا اليوم المشوؤم جتي زهراء لبيت جدو بعد ما تطلقت من زوجها خالد وكانت متفقة تلتقي بأيمن بذيج اللحظه لان كان عدهه علاقة بأيمن  واتفقو يتزوجون بعد ما تتشمت بسابين وتشوف رده فعلها من تعرف حقيقة اتفاقهم  زهراء كدرت تخلص من زوجها وتطلق
ايمن ...دروحي بابا ياحب
سابين ...وين كلامك ايمن اني سوسو
ايمن ... تدرين اني صادقت حبيبج محمد فترة الي بقيت يمكم
وحاولت افهم حقيقة علاقتكم وحجالي كولشي
سابين ..ايمن انت جاي تتشاقى وياي فدوه لا تعوفني حباب
والله حا اتخبل ...تدري شنو الحياة بدونك ...اني احبك ما احب محمد
اصلا علاقتي بمحمد كانت ضمن الشرع وماتجاوزت حدودي ليش تعتبرهه جريمه واني حجيتلك كولشي
بقيت ابجي
ايمن ...شفتي هذا جزاج تذكرين من سالتج علية جاوبتيني
(محمد يخاف علي اكثر منك )
ايمن ...جر ايدي جيبي حلقتي انطيني الحلقة
سابين ...لا لا عوفها لا تاخذهه انت جاي تتشاقى
دفعني ودخل جوه واني بقيت متبسمره بمكاني
مصدومه من الي سمعته وشفته ...معقوله الكلام الي سمعته من ايمن ؟  لو هذا حلم او كابوس ؟ اذا كابوس اريد اصحى منه ما اريد استمر بي ...ياربي ما اريده يعوفني بس شسويله
هو جاي يحجي جديات ...جرجرت رجلي ورحت لغرفتي ابجي ع حظي ليش هيج صار بي
قررت انتحر ...اي اموت ...لو ماطالعه من الموصل مجان صار بي ...بقيت ابجي بحرقه
زهراء دكت الباب ودخلت ...
زهراء ...ها سوسو ابتسامه صفراء خبيثة .. ايمن يكول لجدو
سابين ماتفيدني هسه سمعته يحجي
سابين ...كمت عليها وجريتها من شعرهه وطلعت حركتي بيها وشبعتها ضرب شكد كنت عصبية ومقهورة واضرب بيهه ...
سابين ...لج فوك ما ستر عليج اخوي يا كذابه ياخاينه ليش ما كلتيلي ايمن الي كنتي معاه واخوي كشفكم ليش من تحجين وياي تسوين نفسج بريئة وماكلتي ايمن حبيبج وخليتيني احبه واتعلق بي وهو الي خاين اخوي
زهراء ...ايمن وينك الحكني موتتني سابين تخبلت
دفعتهه وطلعت من غرفتي ...
شفت ايمن وجدو وأيمن يكول ...هذا الي عندي
مسحت دموعي وقويت نفسي وتقربت منهم
سابين .. صح جدو ايمن ميفيدني هذا خاين ونذل
جدو ...اليوم زهراء هم تطلكت
سابين ضحكت ههههههههه جدو ايمن يحب زهراء وخلي توضحلك حيدر وأيمن كانو اصدقاء وحيدر كان يحب زهراء
وزهراء وأيمن خانو حيدر ومكفاهم الالم الي تسببو لحيدر ومات بحسرته
اجه علي ايمن وخلاني احبه وتالي عافني بكل بساطه
ايمن ....صافن وميحجي اي كلمه بس كال ما اريد سابين
     اتنهد (أسف سابين انتي طالق )
هذه الكلمه نزلت علي مثل السيف الي ذبحني بي ...
وكف كلبي ونهد حيلي رجلي خدرو وطلع ايمن
اني فقدت كل احساس بالحياة حتى الدنيا صارت ظلمه وكعت اغمى علي
جدو ...اشبيج سابين اشبيج بابا
جبتلهه كلونيا وره خمس دقايق فتحت عينها تون
سابين ...ايمن لا ايمن خاين انتقم مني ومن اخوي ليش ليش
زهراء انت بنت خالتي ليش تاذيني
جدو ...بنتي كومي كعدي واحجيلي تفاصيل اريد افهم بس قبلها ليش تبجين هالعيون الحلوه ذبلت من البجي
سابين ... جدو احبه انكسر كلبي قهرني واني كنت اعتبره دوا لجروحي كنت اعتبره الامان الي ربي عوضني بي .... كلت انسى الامي وَيَا
جدو ...بنتي اكيد اكو سر بالموضوع اني مجاي اصدك ايمن يفرط بيج بهالبساطه الا اذا اكو سبب مقنع ولازم اعرفه
سابين ..اني ماكنت احبه بهالفتره خلاني احبه واتعلق بي سحرني بكلامه خلاني اعيش بعالم الحب الوهمي اثاري هو ناوي يذبحني بهالكلام المعسول بس اريد اعرف السبب
جدو ...كومي بنتي  روحي توضي وصلي واقري قران حاتنسين الدنيا ومابيها
سابين ...توظيت وصليت ورحت عالمراية اباوع على نفسي
آثار بوساته برقبتي ..وجعت للبجي والدموع الي ماتقبل توكف تندمت لان حبيته وتعلقت بي
رِن تلفوني واني بحالة وجع ...رسالة من ايمن
( سوسو اني أسف ويجي يوم وتعرفين السبب الي خلاني أتصرف معاج بهالطريقة ويجي يوم وتعرفين اني احبج )
وهذا مقطع صوتج سجلته من كنا سوية بالغرفة حتى تبقين في بالي ....
اخر شي كاتب (احبج سابين )
ضربت التلفون بالارض ...خاين حقير ..الله ينتقم منك يانذل
ياربي وين بابا ؟
هذا ابن اختك الشريف يمه وينج ليش الي صار بي هيج واني وحيده اوووف
اخوي انس وينك كنت اخلي راسي ع صدرك واشعر بالامان
ليش طلعت للخارج ياخوي وعفتني وحيده بهالدنيا  بس جدو وياي   ولقمه بيد الذئاب ليش يادنيا ليش بس اني من احب لو يتزوج لو يطلع خاين وناوي عالغدر
كلبي انكسر دموعي ماتنشف
سابين ...جدو اريد اروح للموصل
جدو ...انت شتحجين ؟
سابين ...جدو ايمن دمرني اكولك وحده من الاثنين ياما توديني للموصل او اموت اذا ابقى هنا اتخبل ذكرياتي ويه ايمن بكل مكان شانسى جدو كل ركن بالبيت يذكرني بي
جدو ...دمعت عيونه حبيبتي هسه الساعه ب 11 بالليل
تعالي بنتي نامي بحظني خلي اقرى عليج قران
نمت بحظن جدو وهو يقرى علي قران
................................................
ايمن ...اخذت زهراء وابنهه حيدر وطلعنه من بيت جدو
هسه وين نروح زهراء
زهراء ...تعرف ايمن ماعندي احد بعد ما طلكني خالد اخذني لبيتكم ببغداد
ايمن ...وتجين عدنه بالبيت ...
زهراء اي مكان تكون بي انت اكون وياك واحنا لازم نتزوج
انت حبيبي وبعد ما نفذت خطتي وكسرت خشمها هالمغروره
فرحانه مطلعه معدل هسه اني اسعد انسانه بالدنيا
ايمن ...حبيبتي زوزو ترى الطريق لبغداد خطر الساعه ب 10ونص ليلا
انطلقنا لبغداد وبالطريق
زهراء ...يموني اوكف خلي اسوي لابني مميه وأبدل حفاظته
ايمن ...الطريق كان فارغ ما احس الا هجموا علينا 7 اشخاص شباب مستهترين شاربين خمر ومكبسلين فاقدين العقل فتحوا الأبواب وما احس الا بسجين ع بطني وزهراء تصرخ وابنها شمرو من السياره عالارض
فقدت الوعي وما اعرف شنو الي صار
جدو ...الساعه ب 12 ليلا اتصلت بي حنين وتصرخ وتبجي
      جدو الحكنه ايمن ايمن مسوي حادث بالطريق مانعرف اندعم يمكن وحالته خطره بالمشفى
جدو ...لج حنين انت شتحجي شكو فهميني على كيفج وياي مجاي استوعب
سابين ...احجي جدو احجي اشبي ايمن ؟
جدو ..مسوي حادث وحاليا بالمشفى
سابين ...خلي نروح علية عفية جدو احس اني فقدت كلبي
طول الطريق اندعي من ربي لا يصير شي بأيمن
انها عدالة السماء ...شكد خططت وحاكت مؤمرات واذت وخانت (زهراء) لكن عدالة السماء موجوده على ارض الواقع ..اللهم لا شماته ولكن هنياله الي بات مظلوم ولا بات ظالم
دخلنا للمشفى واشوف بيت عمي ويمهم جنازه والطفل حيدر بأيدهم
جدو ...احجو شكو هاي جنازه منو
     هذه جنازه زهراء
جدو شنو الي صار
عمي ...الي صار من ايمن موكف السياره طلعوا علية عصابة متكونه من سبع لأشخاص سكارى ضربو ايمن بسكاكين واعتدوا على زهراء وقتلوهه وسرقوا سياره ايمن
وتركوهم عالرصيف والجيش لكاهم وجابوهم هنا بالمشفى
جدو ...ايمن وبنه
عمي ...ايمن ضاربي بسجاجين على كلياته وبالانعاش احتمال نخسره يردون متبرع كلية
سابين ...جدو اني انطي كليتي
جدو ...شتنطي ؟
سابين ...انطي كليتي
جدو ..لج بنتي اخاف اهلج ميقبلون
سابين ..عوف اهلي اريد أنقذ ايمن
اخذني الدكتور وسوولي فحوصات
الساعه الثالثة فجرا ...دخلوني غرفة العمليات سويه ...ايمن فاقد مسكت ايده
الدكتور ...سابين حسبي من 1 الى ال 10
بعد ما اتذكر شي
بعدهه صحيت وأحس الم بصفحتي ..الم فضيع تاذيت فد مره الالم ما ينحمل
ايمن كان نايم يون من الوجع ...بلحظتهه نسيت كولشي سوى ايمن
ودوني لردهه النساء تلكاني جدو
سابين ...جدو حبيبي طمني على ايمن
جدو ...انت لازم ترتاحين
سابين ...اريد اطلع للبيت اروح يم اهلي
جدو ...انت لازم ترتاحين مايصير تطلعين الدكتور يكول تبقين كم يوم
اليوم الثاني
ايمن صحه من البنج ويصيح باسمي
جدو ... دخلي سابين ايمن يريدج ضروري شوفي شيريد منج ..
ترددت ادخل او لا احترت ..قويت كلبي
دخلت بغرفته منظره يقهر دفعني جدو واني بكرسي متحرك لان عمليتي بعدهه تاذيني
ترقبو غدا ان شاء الله الجزء الاخير
يتبع
.........بقلم فردوس عبد اللطيف .........-