البارت 1
علي ..الليله ليلتي ..حبيبتي صارت الي ..
اخيرا سديت باب الغرفه ..حاجز سويت بالفندق بالگوة خلصت منهم كولهم اهلي واهلهه وانفردت بحبيبتي ..
سديت الباب وانداريت عليهه ..تقدمت تجاهه والفرحه مو سايعتني .. جانت گاعده ع الجربايه بهدوء وسكينه ومنصيه راسهه وايديهه بحضنهه تفركهن بتوتر وتطكطك بأصابيعهه مبينه خايفه ومتوترة ..
تأملتهه بحب ..عيوني محاوطاتهه بس مارفعت عيونهه لعيوني يمكن خجل يمكن خوف ..
تقدمت تجاهه وخرت البرنص نزعته الهه ..سبحانك ربي ياعيونهه وياسحرهن ..
قرفصت كدامهه اخذت ايدهه جفلت ..
علي ..اسم الله حبيبي ..
بست اديهه ثنينهن ..
علي ..باوعيلي حبيبي ..
رفعت راسهه بيدي ..صارت عيني بعينهه ثواني مو اكثر ونزلتهن بخجل ..
علي ..مبروك عليج اني حبيبي ..
ضحكت وضحكت هي لضحكتي ..
گعدت يمهه ع الجربايه بقربهه ..ايدي لازمه ايدهه ..بارده ايدهه وايدي دافيه .. جنت احاول اعصرهه وافركهه وادفيلهه ايدهه ..
علي ..حبيبي شبيج ترجفين ..
همستلي ..خايفه ..
علي ..شو ترجفين مو بس خايفه ..
ترة الشغله متخوف هلگد ..واذا تعبانه مو لازم اليوم حبي ..
التفتتلي بلهفه ..
اي اي عفيه تعبانه ..
ضحكت بعلو صوتي ..
ولج شنو هي شو ماصدگتي ..ماهدج اليوم ..
تجذب عليه لعد ؟
لااااء ممقبوله منج .. شوكت مجذب عليج اني ..
اسفه ..حشاك ..
قربت ايدهه لشفتي وبستهه ..صارت عيني ع راحة ايدهه اليمنه الي اعرفه بيهه شامه ..وين الشامه ؟ شي مثل الصخام يمكن عرگت وانمسح من تلازمنه ..غالطت نفسي بس بين فترة وفترة انتبه الشامه تظهر وتختفي ماعرف شنو فلمهه ..
علي ..
ياعيونه لعلي ..
اريد ابدل .
اطلع يعني ؟
اي بلازحمه عليك لان استحي ..
لالا شلون كلام هذا ..
لعد بس افتحلي السحابه مااگدر اوصللهه واروح ابدل بالحمام ..
وليش تروحين للحمام ..
شنو ليش غير اسبح ..
وليش تسبحين ؟
همه گالولي ..
منو همه ..؟ 5
جنت بسلاسه وتسلسل اسألهه اسئله نوعا ما سخيفه وهي ببراءة تجاوب بس شنو ويه كل سؤال تزداد جرأة سؤالي واشوف الخدود تتحول من حمر الى طماطه الى گلوبات من الخجل والاحراج واني مستمتع بتأثيري عليهه وهي من كل عقلهه تجاوب ..شكد احسهه طفله وفطيرة ..
جاوبتني ..
ماما وخالاتي واختي هاله ..
هسه اني صرت زوجج وتسمعين كلامي والاگوله هو اليمشي ..
اني احجي وهي تهز براسهه موافقتني الكلام ..
وشما اگلج تسوين ..تمشين ورايه وانتي مغمضه ..
هزت راسهه وهي تباوعلي عين بعين بترقب ..
كتلهه ..يله خليني افتحلج السحابه علمود تبدلين ..
گومتهه ..درت جسمه صار ظهرهه عليه تسريحتهه جانت ع طول شعرهه وشعرهه اصفر طويل مموج لاعبهه بيهه فلم ام الصالون ..
زاحت شعرهه لجهه كتفهه ..
بديت ببطئ افتحلهه السحابه من ورة ..
اني الخبرة ابو البنات ابن ال 28سنه شفت ظهرهه قطعه مصبوبه صب ..تخربطت احوالي ..هاي الحوريه الي ..هالجمال كوله الي ..
دخت ..اختلت موازيني ..
بست مكان السحابه ع جسمهه ع طول العمود الفقري مجان اكو شي جوة البدله غير اسقيات الحماله شفافات وطابع اثرهن ع جسمهه فتحت القفل جسمهه ارتخه بس هي فزت بس ماتحركت ..ساكنه وهادئه ..
تنتهي السحابه لنهايه ظهرهه ولهناك انتهت بوساتي ..
كزبر جلدهه ورجفت بين اديه ..
نزعتهه كتف البدله وظهر كتفهه المصبوب وبسته ع الخفيف برقه ونزعتهه الكتف الثاني وبستهه ومن وحدهه البدله ووگعت ماتعبتني ..
حاولت تستر نفسهه بايديهه درتهه عليه وحضنتهه..
حرفيا چانت ترجف برد خوف ماعرف بس حسيته شي مبالغ بي ومافهمت سببه شنو واساسه شنو ..
حاضنهه واعرف بجسمي دافي وهي جسمهه ينفض نفض ..
دفنت وجهي برگبتهه ردتهه تهدأ وتخدر بيدي بستهه برگبتهه وبشحمايه اذنهه رادت تبتعد مثل الكشت او قشعرت استمريت ابوسهه بهداوة نزلت ايدهه عني كفت عن مقاومتي ..
شلتهه اخذتهه للجربايه ..
نومتهه نمت فوگاهه ضايعه بين اديه .. ضايعه بعالمي .. فاصله .. تغمض وتفتح عيونهه بخدر ..ضكت العسل ..بست شفايفهه برقه تفاعلت وياي ..وَنت ..أنت ..انينهه متعني وحرك كل الحواس الي بيه ..
تعمقت بالبوسه ..لحد ماحسيتهه تطلب الهوا تركتهه شويه ..
فتحت عيونهه ..باوعتلي وعيونهه ناعسه ..
بدت الدموع تطلع من عيونهه ..
فصلت اني ..
شكو حبي ..شبيج ..ترة لسه كولشي مسويت .
همس ..وخرر عني ..
علي ..جلنار شبيج ؟
همس ..وخرر گتلك ..حرام الديصير ..
كان كلامهه مخنوك بعبراتهه ودموعهه ..اسمع حرف من الكلمه والباقي يروح ويه الشهگه ماسمعه ..
عقدت حاجبي ..
گلتي حرام ؟؟ لو اني ماسمعت زين ؟
همس ..اي حرام الديصير ..وخر ارجوك ..
شنو قصتچ جلنار ..ليش هيج دتسوين ..ندري خايفه بس مو هيج ..
علّت صوتهه ..
آني مو جلنار ..آني همس ..
شنوووو ؟؟؟؟
البارت 2
#جحيمي_وناري
همس وجلنار ..توأم متماثل ..خوات نسختين طبق الاصل من بعضهم .
بس مختلفات بالشخصيه جلنارشخصيه عنيده قويه خشم عالي مزاجيه مايعحبهه العجب والغرور تتفرد ومعروفه بي ..
طالبة كليه قانون مرحله اولى عمرهه 20سنه .
همس صدوگ همس هادئه مثل النسمه مطيعه شخصيتهه مرحه وحبوبه اجتماعيه ووجه بشوش ..
الفرق بين همس وجلنار شامه بايد جلنار بباطن الايد تحديدا وبمكان ثاني غير ظاهر للعين بس التوأم يعرفنه ..
الخوات ينعرفن من الطبع والشخصيه مو بالشكل لان توأم متماثل وحته الصوت نفسه .
جلنار تحب ابن عمهه اخو نرجس بعدين نتعرف عليهه تصير زوجة حسام اخو جلنار .. 1
همس طالبة معهد طبي مرحله ثانيه يعني هالسنه تتخرج لان معهدهه سنتين من السادس والتعيين مركزي بينما جلنار رسبت بالسادس وعادت السنه فدخلت كليه متأخرة سنه هستوهه مرحله اولى .
عائلتهم متكونه من 3اخوات هاله وهمس وجلنار ..هاله هي اكبر البنات وحته اكبر من الولد ومتزوجه معلمه ومتعينه تدريسيه وزوجهه من الوسط التدريسي معلم مثلهه عدهم 3 اطفال 2بنات وولد ..
يجي بعد هاله 3ولد محمد وحسام وبسام ..
حسام وبسام هم توأم وبعدهم توأم البنات همس وجلنار ..
الحاله الماديه للعائله متوسطه ابو هاله موظف بالصحه معاون طبي وام هاله معلمه لغه عربيه ..
ابو هاله جبر الاولاد والبنات من يوصلون صف سادس علمي يقدمون الانسيابيه معهد طبي لغرض التعيين المركزي الرجال يدور مصلحه اولاده وميريدهم يحتاجون احد او يصيرون تحت رحمه الزمن الصعب عدا هاله الي تخرجت من معهد المعلمات بزمن صدام فبوقته كان تعيين التربيه مركزي ايضا لذلك. راسآ تعينت .. اما اخر العنكود العنيده جلنار هي الي شذت عن القاعده وگالت اريد اصير محاميه وباصرارهه اخير شي رضخوااهلهه لطموحهه واختيارهه ..
محمد اكبر الولد متزوج بنت عمته زينه موظف بالصحه وطالع بيت لوحده وعندة طفلين ..
حسام متزوج بنت عمه اسمهه نرجس وهم موظف بالصحه وزوجته ربة بيت وكاعدين ويه اهله ولان نرجس ربة بيت فعدهه نوع من الغيرة ع جلنار وهمس وتوز حسام عليهن باللبس والطلعه والطبه وهنه وين يطلعن غير للكليه او المعهد والسبب الثاني للغيرة هو انو اخوان حسام الكبار ثنينهم طالعين بيوت وحدهم بس حسام لاء فدائما تسوي مشاكل بالبيت ومحد خلصان من لسانهه رغم بنت عمهم هي ..
بسام ايضا موظف بالصحه ومتزوج كرايب بنت خالته تحديدا اسمهه نور موظفه بالمصرف مأجرين بيت وطالعين البيت قريب ع الاهل ..
عائله علي ..
علي محامي عمرة 28سنه ماجستير بالقانون استاذ تدريسي بالجامعه الصبح يداوم بالجامعه والعصر عنده مكتب محاماة يديرة ..امورة الماديه تووپ ..عصامي طموح كون نفسه بنفسه رغم الحاله الماديه لاهله ماقاصرة ..
والده مقاول ودائم السفر ع طول مو بالبيت فمسؤوليه البيت شايلهه علي رغم عنده اخوان اكبر منه ..
عائله علي بالحقيقه 4ولد و3بنات ..حسين و حيدر كبار اكبر من علي مزوجين وطالعين وبعدين علي تسلسله الثالث وقبله 2بنات سمر وفاتن هم مزوجات وبعد علي حمزة ومن بعد حمزة آيه آآآخر العنكوود ..
حمزة هو الي لازم شغل الوالد بالمقاوله بالمحافظه بينما ابوهم هو الي يسافر لادارة شغلهم ببقيه المحافظات وع اكثر هو مزوج زواج ثاني بس محد مأكد الخبر وام علي مثل الي متريد تعرف او يمكن تعرف ومتأكده من الخبر ويمكن زوجهه كايللهه بس هي. فضلت السكوت لان شسوي مثلا تتطلگ وبناتهه مزوجات وولدهه هم وصار عدهه احفاد ..مترهم من بعد هذا العمر وهو رب العالمين محلل الزواج للرجال بعد هي ليش تعارض وليش تهدم حياتهه ..
المتعرفوه عن ام علي انسانه تحببب المظاهر كولشي ولا احد يخرب البرستيج مالتهه واهم شي شكالوا الناس وشلون يشوفوهه .. 4
انتهى التعريف بالشخصيات .. 3
