بقلم زهرة الاقحوان
ميلاد:هههههه اتشاقه وياك 😁
احنه فوك ونسمع اصواتكم وعرفنه ولد المحله بس سمعنه
اسم عمار وماعرفناه وتدري بالفضول القاتل عندي
لهذا حجيت كذا 😁😰
رعد:😒موعيب عليكم اتزوجتو وصرتو امهات وابد
ماتعقلون هاي مريم صغيرتكم احسن منكم
مريم :وكع قلبي جان فتحو علي باب وانا شلون علي حظ
من رخصتكم اريد انام
هبه :وين بعد وكت😉
مريم :ماعدكم سالفه بيها حظ المن كاعده وياكم
ثانيا باجر عدنه عرس ولازم نكعد من وكت
رعد :اي والله ورانه ركضه
ميلاد :ركضت لغرفه مريم قبل لاتنام
حسبالها اعبرها الها انا نشف دمي وهي الي صارت زينه
اوكفي اوكفي
تعالي طلع ماعنده خوات منين تعرفينه
والنبي محمد مااخليج تنامين
مريم :شبيج حبي ترى ماتسوى ذكرت اسم كلبتو الدنيا
ماعندي شي
هبه :دومج اتظمين عنه وماتعتبرينه خواتج
مريم :اوووف 😕
كعدت كبالهم
شوفو انا كنت بالمتوسطه وهو يداوم بالبنايه المقابيلنه موظف
كان بالروحه وبالرجعه يوكفلي
ويلاحكني انا اتعلمت عليه بيوم الي مااشوفه
اتظل عيوني تدور عليه
ويوم من الايام وكف كدامي وانا حجيت عليه
كلي بااسمه وماانكر بداخلي فرحت
وقلبي ظل يدك بس مابينت شي
كنت اخاف من جبروت بابا واخواني
تركته ومشيت بسرعه للبيت
بكن ماكنت ادري هذي الخطوات راح توديني لغير
حياة
😭😭😭😭
حياة مليانه دموع والم
تغير قدري صرت انسانه ثانيه
براءتي راحت جمالي اتغير
هبه :اسفين مو قصدنه انذكرج بشي
اذاج ودموعج عزيزه علينه نشوفها
لوندري بيج هجي مخاليناج تحجين
وثانيآ جمالج يزيد ياحلوه وجمال روحج احلى
ميلاد : وهسه عمار شنو من رجعتي كملتي المتوسطه ماالتقيتو
مريم :لا ابد ماكان اله اثر
صح كنت اتمنى اسمع شي عنه او المحه
يالله انا عشت حياة اكيد هو مراح يقبلني ويريدني مثل قبل
الله يوفقه وانا اريد اهتم لدراستي
هبه :بس الصراحه حلو ☺️
مريم :خلصتو اريد انام تعبت
ميلاد :تدرين مريم انت تحبيه
مريم :ميهم احبه ولااكره ماتفرق بعد
غطيت راسي
وكنت بداخلي ابكي بدل الدموع دم
قلبي يوجعني محد يفهم الي انا فيه
-شلون بيكم كعدو الشمس طلعت وانتم نايمين يالله جايبتكم
تنامون
هبه :ماما انا اساعدج خليهم نايمين
خطيه تعبانين
-لج هسه يجولنه الناس وهما نايمين مو عيب
هبه :ميلاد مريم كعدو عيني الساعه بالتسعه وماكو وقت ورانه هواي شغل
