كسر القيود
بقلم زهرة الاقحوان
مريم :دخلنا لأسراء كان وجهه شاحب وتعبانه وتبجي
ميخالف اسراء بعدكم بداية العمر وتكدرين تخلفين درزن مو واحد
رعد : اسراء حبيبتي المهم سلامتج
اسراء :لاتحجون الي بيه مو بيكم
ماجاي تحسون بيه
مريم :ظلينا نهدي بيها بس اسراء كلش مكتئبه
طلعناها للبيت وظلينا انا وماما انداريها والدتها زارتنا
مثل الخطار وراحت
اسراء: بعد مرور اسبوع مريم دارتني اكثر من اختي
محد وكفلي بشدتي غير مريم دارتني ودافعت عني
وانا الي كنت اموت منها
مريم :اسراء شنو رئيج نطلع نغير جو
اسراء :لزمت ايدها مريم تسامحيني
مريم :شبيج اسراء ليش هجي تحجين
اسراء:😔اذيتج هواي وجرحت مشاعرج
ودمرت اعصابج ماكان يهمني شي
المهم اخليج اتزعلين
لان اكرهج بس انت احسن مني سبقتني بطيبتج واخلاقج
خلاص انا قررت ابدي صفحه جديده وياج
لان انتم طيبين وماتستاهلون الا كل خير سامحيني على الاذيه
وكلامي وياج
مريم :حبيبتي انت حتى لو تاذيني ماافكر بااذيتج
يكفي انت زوجة رعودي
وان شاء الله ماكو شي
لاتشيلين هم
اسراء :راح اروح لاهلي اليوم تكدرين تجين وياي
مريم :لاعيني عذريني استحي وامي خطيه تظل لوحدها
اسراء:نروح سوى ومااطول بس زياره ونرجع
مريم :التفتت لامي
هزت راسها يعني قبلي
وانا ماحبيت اكسر خاطرها وخاصه اسراء حسيتها متغيره
رعد :دخلت لكيت ماما لابسه عبايه
ومريم واسراء مبدلات
خير شبيكم شكو
اسراء :انا موكتلك انروح اليوم لبيت اهلي
ومريم ويانه هي وخاله
رعد:😳
مريم :خويه مولزوم لاتضوج
رعد :يااضوج بالعكس انا فرحان واخيرآ اتصافيتو
يمعوده جنت بين نارين
مريم :بيتهم يخلى من الترتيب استقبلنا والدها
دخلنه وبعدها والدتها طلعت
-اقتربت من اسراء
لج ماما شبيج عيالج جايبيج خير 😰
اسراء :اطمئني ماكو شي
-اكلج عجبتني حماتج ليش مانخطبها لأحمد
اسراء :مووكته هل الكلام بعدين نحجي
بس البنيه منفصله
-ياااه لعد الله يرزقها باابن الحلال
اسراء:لزمت خالتي من ايدها وكلتلها
يالله ماما انروح
ماما ظلت صافنه بس مااهتميت
انا اتمرضت وتعبت ماكنت اشوف الحنيه الا من عيالي
رهف :خاله لاتكوليله انا احب افاجئه
-ان شاء الله خاله الله يتمم عليج
عمار :رهف انا تعبان حظري الغده اكل وانام
رهف :وانا عندي خبر يطير التعب منك
عمار :خير
رهف :انا حامل
عمار :صدك تحجين يعني واخيرآ راح الزم ابني بيدي
رهف :اي ☺️
عمار : رهف شنو تحتاجين شنو تشتهين كولي
ولا تحكين مااريد يطلع باابني شي
