بقلم زهرة الاقحوان
عمار :يوم تدرين كلش زين انا مااريد من الاهل
ليش انطيتيه مجال جان كيل رديتيه
-يوم عيب من عمك وثانيآ رهف حلوه وماناقصها شي
اذا انت حتى ماتباوع لوجهها ليش ابني
انطيها فرصه ومهما يكون بنت عمك ويعرفونه
زين ليش نتورط بغربه
عمار :استغفر الله انسدت نفسي على الاكل
اكوم
-ابني مايصير هجي انت مو زغير كل ماحاجيتك بموضوع
تتركني
عمار:دخلت للغرفه
صفنت على كلام امي صح انا مو زغير بس
كان عاجبني اختار واتزوج
بس هو وين اختياري اشو الي خليتها بالي اختفت
صارلها شكد مشايفها وهي بالاصل جانت مامهتمه الي
امي هم حقها وانا مامني امل اشوف وحده الي وياي
بالدوام قلبي مارف الهم
والي تختارهم امي دائمآ اطلع عيوب فيهم
بس رهف حتى ماشايفها مثل الناس
اكل للوالده وهي تتصرف
غيرت ملابسي وتعبان
خلي انام ارتاح بس من التفكير
-ربي اهديه تعبني هل الولد شايل هم البيت وتارك نفسه
اريده يلتهي بمره
مريم : السلام عليكم
-وعليكم السلام 😕
مريم :شبيها ست الحبايب ليش ضايجه
شنو تردين انا اسويلج
-ماما هي الحياة بس شغل كاعده لوحدي من الصبح لسه
مريم :ميخالف ماما احسن الج
يعني اسراء لوكاعده يمج جان هسه صوتكم واصل للشارع
ليش تشترين الهم خليج مرتاحه
اروح ابدل واجي احظر الغده
-والله الله هم يعرف ماخلاني لوحدي
مريم :احس بحماس كأني رجع لأيام زمان ارجع من دوام
اركض اخلص شغلي اخاف من عصبية ماما
بس ماما كبرت وصارت هادئه وحنينه اكثر
طلعت حظرت السلطه وطلعت للحديقه
بديت اغسل الطارمه ونظف الحمامات
سمعت صوت بابا ركضت
الله يساعدك بابا
-هلا بنتي الله يساعدج
مريم كملنه غده وكعدت اجلد الكتب وغسلت ملابسي
وبديت اتصفح واقرا
عندي حماس اريد اتفوق
لو تدرين ماما البنات شلون لبس وتصرفات
سابقات اعمارهم
علي :حلو يسبقون اعمارهم بس مو بلبس والمكياج ومياعه البلا معنى
خلي يتسابقون بالعلم وبالاجتهاد
مريم :هلاو علاوي شتحجي حبيبي
ياعلم اصلآ انا حسيت نفسي من غير عالم وياهم
-ماعليج بنتي بيهم خليج بتربيتج واخلاقج
علي :فعلآ اختي لاتخلين احد يستضعفج المكان الي رايحه
اله طالبه العلم ومتأكدين منج انت كدها
مريم :هههه فديتكم وفديت الثقه الي اعطيتونياها
صدكوني مراح اخيب ظنكم
صار الليل وكالعاده ادخل واكعد على السرير
واظل افكر
قررت ان محد يعرف باانفصالي
الكل يعلم انا غير متزوجه
مامستعده اتواجه بنظرات المجتمع الي كمطلقه
ومااريدها تسببلي احراج
خلص انا مريم وبس☺️
