بقلم زهرة الاقحوان
عمار :انصدمت من رد رهف كانت مغطيها بعبايه
طلعوها برى اووووف لوخاليها شوي يمي
اشدعوه عليكم 😤 اشو هي صارت مرتي
وانا طلعت بعدها بس كاتلني الفضول اشوفها
رفعت عيني ماشاء الله كل هل الجماهير جايه
ماعلي بيهم خلي اشوف زوجتي المستقبليه
كعدت يمها درت عليها
😳😳😳😳😳
مومثل ماتوقعت
الحمد لله هسه اطمئنيت طلع ذوق امي حلو
نتعرف على رهف
رهف : عمري عشرين سنه كملت متوسطه وكعدت بالبيت
شعري بيه رده بس افا عليكم ماتاركته على طول كرياتين
يعني متلاحكه نفسي😂 وطويل كلش
وجهي مدور حنطاويه عندي غمازات عيوني واسعه ورموشي
حلكي صغير وخشمي وسط يعني لاكبه ولاخياره😁
طويله عن طولي لاتسولفون دبة طرشي😁
لا تضحكون علي كعب وموجود بعد شنو 😒
جسمي مليان من بداية مراهقتي عشقت عمار عمار يخبل
جمال واخلاق والي حببني بيه اكثر بابا بس
يحجي بيه وخاله مثال يضرب فيه
بس هو ابد مااهتملي ولايزورنه وظليت ارفض كل الي يجون علي
بس بابا كان يكول لازم اطمئن على ولد اخوي
ازوجهم ويستقرون اعوضهم عن اخوي فشلنه كدام الناس
ولاجنه عنده شباب يسوون راسه
ويوم من الايام بالصدفه كلي بابا ليش ماتاخذين ابن عمج
بوكتها ذبيت حسره هو وينه حاصل وانا كايله لا
كولت لبابا طبعآ اوافق لان مااحصل احسن من ابن عمي
والحمد لله صارت من قسمته
مامصدكه انا اصير زوجة عمار
-يالله ماما لبسها الحلقات
عمار :لبستها الحلقه وعقد ذهب ورفعت عيني
لكيتها تبتسم كلش حلوه وشكلها محبوب الحمد لله
كنت خايف مااحبه وماتدخل مزاجي وتبدي الطلايب
وماطولت كمت لان زحمه الناس كولها صافنه بوجهي حسيت نفسي بوراك ☺️
رهف :اوووف 😔بسرعه راح
شهد : حبيبتي لاتضوجين بدت فترة الخطوبه وشبعي سوالف
طبعآ شهد اخت رهف الصغيره
بس تدرين هسه بابا بسرعه يزوجج
لان مايحب الطبه والطلعه وهل سوالف
رهف :الله يسمع منج انا مااريدها اتطول
-ها يمه عموري شلون شفت رهوفه
عمار :حليوه
-يعني عجبتك
عمار :اي يوم زينه تنحب بس كون تظل حبابه وتكسب
محبتنه
-ان شاء الله يوم لاخوك بعد ياريت ياخذ شهوده وارتاح
اطمئن عليكم وذاك الوكت اطلع وادخل مااشيل الكم هم
عمار :يوم تركي مصطفى بحاله هو يختار لاتفرضون بنيه عليه
خلو هو يتحمل الي يريده
مريم :طلع رعد وظلينا انا واسراء
اسراء دخلت غرفتها وصار مغرب استحي ادك الباب عليها
دخلت للمطبخ عجنت وسويت حشو لفطائر
وطلعت فواكه سويت عصير
بابا يباوع للتلفزيون
