كسر القيود
بقلم زهرة الاقحوان
البارت الثالث عشر
عمار :انت اكيد تخبلتي
شبيج رهف وين هدوئج وعقلج ورزانتج ترى تعبتيني
مريم ماتصير لمصطفى
رهف :معناته تحبها
عمار :لج مااحبها مااحبها اتصخمت اتزوجت ماعندي هاي السوالف بس انت مكابلج
رهف :ليش لعد ماتريدها تزوج مصطفى
عمار :ولج مايصير تخليها كبالي خلي عندج عقل
لاتخربين خوتنه بسبب الجهل الي عندج
وثانيا مصطفى شاكيلج كايلج رايدها
رهف : ماعلي لاتحاول تسد الموضوع
عمار /الله اكبر الله اكبر
كااااااافي زهكت كافي
-يمه شبيهم صوتهم طالع
ياساتر تعال يمه صطوفي
مصطفى :يوم تركيهم يحلون مشاكلهم بنفسهم مايصير
تدخلين
عمار :خليت وطلعت واشوف امي ومصطفى واكفين
درت وجهي ورحت للاستقبال انام
مصطفى : روحي يمه حاجيها مايصير تكبر المشاكل
وكليلها ماعليها بيه
-كومي بنتي كافي بجي خلي اسويلج كوب حليب
وغسلي وجهج وكعدي
ادري يابنتي
عاتب عليج مصطفى تركيه هو يختار حتى انا بعد مااتدخل
رهف :خاله ودوني لىهلي
-احنه اهلج
رهف :اريد اروح بيت بابا مااظل هنا
😭😭😭😭
-بنتي لاتفشلينا ويه ابوج شنو الي ترديه احنه باامرج
رهف :خطبي مريم لمصطفى
-ياه😒صخام
يمه شبيج تسودنتي شراح تستفادين من هوستج هاي
رهف :اطمئن تحرم عليه
-لج بنتي انا اكبر منج وجاي انصحج سمعيني
مايصير تهجمين بيتج على شغله ماتستاهل
البنيه بعدها طالبه وماترهمله وحتى لو ترهم انا مااقبل
رهف : كمت بسرعه لبست كب وشال
ولميت ملابسي خالتي تصيح وتتوسل لكن
ماكنت اشوف شي كدامي
اخذني مصطفى وصلني لاهلي
ماكنت بوعيي نهائيآ حجيت لبابا ومن عصبيتي ماانتبهت شحجي
-انا الي سويته زلمه وانطيته مره هجي يسوي بيها
بعد مااله مره عندي
رهف :لاتكول هجي بابا بس انا اريده
-موبكيفج
رهف : بابا انا حامل
-شلون 😒😢
يصير خير جيبي ونشمره عليه يربيهم هوى
رهف :بابا عصى بيه كل مايجون يرجعوني يطردهم بابا بس اشتاقيتلهم
بدأت بطني تبرز وكنت اتمنى عمار بجنبي بس انا السبب
ما اعطيته مجال يفهمني اويشرحلي الغيره عمتني
بس انا ندمانه
مريم : بدت السنه وانا متحمسه
اسراء :هافرحانه
مريم:اي سراوي دوام
اسراء ؛اي بس انا ضايجه راح اظل لوحدي النهار كله
مريم :اتحملي التهي بأامي😁
احس عروس مودوام سبحت ولبست ملابس تعطير وترطيب
قلمت اظافري لفيت الحجاب بسبعه ونص خلي اطلع
صباح الخير
