كسر القيود
بقلم زهرة الاقحوان
رهف :عمار اكعد ملك مدري شبيها
اكعد عمار
ركضت بيها لخالتي
خاله كعدي شوفي ملك اشو مابجت
-يبوووووووي مصيبه وكعت على راسنا
ولج البت يابسه ولج مخنوكه يارهف
عمار :ركضت شبيكم ليش الصريخ
-مرتك نايمه على بتها ياعمار
رهف :😭😭😭😭😭😭والله موقصدي مخبله اكتل بنتي
بس نمت وانا ارضعها
عمار :ولج صدك تحجين ثاني طفل تضيعيه مني
لج الله ياخذج
شغلت السياره واخذتها وانعاد علي سالفتي السابقه
الطبيب كال صار ساعات من متوفيه
طلعت بسياره
ليييييييش ربي ليش تنزل عذابك علي شمسوي
شمسوي بحياتي
ظليت وحدي اخذتها دفنتها بصف اخوها
رهف انت طالق لمي ملابسج وطلعي ماالج كعده بيتي
طلعي برى طلعي
بعد ماحسب حساب اهل واي شي
خلص ماشفت من عشرتي وياج بس القهر
طلعي
رهف : اظلمت الدنيا بعيني معقوله انا اطلك واتجيب وحده
على فراشي
عمار صدكني انا احبها اكثر منك لاتظلمني
عمار :لااظلمج لااظلمج وانا منو الي محد فكر بيه
بعد مااريدج
رهف : سهله جنت خاله ورقه بالمخده مالته
ايبين شغلج خرب ام رضا
طلعتها وحركتها
ولميت غراضي وطلعت
ضحى :اجت امي مقهوره فعلا ماشافو راحه خطيه
ماما يوميه روحيلهم خطيه
-اي بنتي باجر من الصبح عدهم
مريم :وين هاي الغبيه علنو النتائج
رعد :لج مريم ناجحه بمعدل 88 مبروك
مريم :الله يخليك لاتتشاقه هجي وياي
علي :انت علم وفخر
مريم :بوسوني وانا مصدومه
كعدت بالارض ابجي من الفرحه ربي
ماقصرت فتحتها بوجهي من اوسع ابوابك
ضحى :مريم معدله زين وانا 68يالله المهم افتكيت من الدراسه
متت كلش بعد ماالي نفس ادرس
-بنتي اروح لبيت ام عمار ترحين وياي
ضحى :لامااشتهي اشوف رهف الكريهه
روحي انت
-شلونج ام عمار
-شلوني خيه اسودت الدنيا بعيني
الولد طلك مرته والثاني برى وعمار مادخل للبيت بعد
يختنك مثل السمجه المزوهره
-ياساتر يارب شجاي يصير بيكم
-حظي خيه حظي وحده غيري هسه محتاره وين تروح وانا محتاره وين اخلي ضيمي
رهف :يوم راح اتخبل لاجاي انام ولااكدر اكعد راح اموت
-امشي انروح لام رضا
رهف :تولي لو بيها خير ماطلكني شغلها مثلها فاشل
تدرين قبل لااطلع شلت حجاب عمار حركته من حركة دمي
