كسر القيود
بقلم زهرة الاقحوان
مريم :العفو مو بيت ابو ضحى
-لا ييت ابو احمد☺️
مريم :اعتذر غلطت بالرقم
احمد :لحظه لحظه اي صح بيت ابو ضحى هو نفسه بيت ابو احمد
انا احمد اخو ضحى منو وياي
مريم : تكدر تصيحلي ضحى 😒
احمد : اي عيني صار
تبيع ثكل الست
ضحى تعالي صديقتج على التلفون
ضحى :هلو مريم شلونج
مريم :حبيبتي مااكدر اطول اروح اليوم بالاربعه فدوه كون الكاج
كبالي موجوده استحي لان مااعرف احد
ياللله باي
ركضت سبحت وجففت شعري رفعته ولميته ولبست البدله
خليت مكياج خفيف ولفيت الشال وكعب وبوك ذهبي وحذاء ذهبي
رعد :يالله مريم اتأخرنه
مريم صار دقايق كملت لبست عليها عبايه
لان اذا اطلع هجي اشبع رزاله
وصلني رعد وكفلي بالباب
انتظرني ادخل
دخلت كانو ناس كلش قليلين موجودين بالبيت
وانا تايهه حاولت ابين مامهتمه واثقه من روحي ياربي وين هاي الثوله
نزعت العبايه
-هلا خاله اتفضلي حبيبتي
ضحى :سمعت ام عمار طلعت تحجي ويه وحده بس لامريم خلي اشوفها
هاي مريم شهل الاناقه
هلاو مريومه
-ها ضحاوي تعرفيها هاي البنيه
ضحى :اي هذي قرايبنه اسمها مريم
-عاشت الاسامي ماشاء الله تفضلي خاله
مريم :كرصت ضحى
ولج كلبه انا موكتلج من ادخل الكاج موجوده
ضحى :ههه لج طالعه صاروخ
مريم :اشو ماكو احد
ضحى :راحو يجيبون العروس ويجون بس اموت واعرف شنو يدور بالج
مريم :الله وكيلج ماكو شي بس اريد ازفه بيدي😁
طبعآ مو من كل قلبي ضحكت لان بداخلي جرح
ليش مو انا ليش مااتزوجت طبيعي حالي حال الناس
ضحى : لج مريم مبين عليج مفرحانه لاتحاولين تمثيلين
لان تمثيلج فاشل
مريم :سكتي خليني كاعده
واحنه نحجي دخلو عمار وزوجته والزفه
ظل قلبي يدك وعيوني خبطت كانت غرفه مفتوحه
دخلت فيها في سبيل مايشوفني
كان كانت هذي ليلتي وياك
بس حسافه
ضحى :شبيج مريم اذا تعبانه امشي نطلع
مريم :لامابيه شي
شوي وطلع عمار دخلت وكفت كبال العروس
انت الي اخذتي وياج بختي
اول فرحه واول دكه صارت من نصيبج
تقدمت الها
ضحى :لج وين رايحه 😰
مريم :وصلت الها بوستها
ودنكت عليه
مبروك عليج
مااوصيج ديري بالج عليه
رهف :من عيوني اذا ماادير بالي عليه
عليمن
مريم :اعطيتها بيدها هديه
من فخار
رهف :مشكوره بس ماعرفتج منو
مريم:انا جارتهم اسمي مريم
رهف:اهلا وسهلا
مريم : دخلو عمار وطلعت مثل الطير المذبوح
فقدت كل الاحاسيس بس
احس قلبي ينزف
رعد :اتونستي
مريم :اي تغير جو
رعد :اشو ممبين عليج شبيج
مريم :افكر بالدراسه دخلت البيت
بس ماما كاعده اسراء بغرفتها حظرت وياها العشه
وانا كوى امشي
رعد :صيحو لأسراء خطيه
مريم : دكيت الباب على اسراء
-شنو كلمن تحمل تظل نايمه تكوم
مريم :ماما سكتي الله يخليج مابيه حيل المشاكل
اسراء :مريومه شنو العشه
مريم :باذنجان وطماطه وبطاطا
اسراء :عاجبني مخلمه
سويلي
مريم :اسراء والله
والنبي محمد
تعبانه
كافي رحموني عمري كله اداريكم منو مداريني
اسراء :هاي كلها لان كتلج اريد مخلمه مااريد
شي بطلت
اكلت قليل وكمت لميت الماعيين وغسلتهم
شبيهم اليوم علي الام وبتها
