كسر القيود
بقلم زهرة الاقحوان
-الطفل حرارته موطبيعيه هذا ارهاق مامتحمله الطفل
لازم بااسرع وقت تنزل حرارته راح تأثر عليه
عمار : وضعنه المغذي وبعدها طلعونه بس فرقد ابد ماانخفضت حرارته تركت الدوام وظليت يمه
-ماما اخذه لدكتور اخصائي مايصير تركه ماتحسن
عمار :اليوم العصر اذا ماتحسن اخذها هسه ماكو دكتور
طلعت ارد على مكالمه طبكت سيارة عمي
نزلت رهف
استغفر الله هاي شجابها هسه
رهف:بابا شدد علي هو مايعرف موبيدي الي صار والا انا اعشق عمار موت
عدلت نفسي وغيرت شكلي ولبسي يارب نبدي صفحه جديده
اول مانزلت شافني عمار دار وجهه
اووووف
شلونك عمار
عمار:موزين شلوني وانت يمي 😡
-ابني مايصير هجي حشمني انا
عمار :عمو ابني تعبان بسببها شتريدني
-ابنك مريض من ولادته شتسويله هي لاتذب اللوم عليها
عمار :اي شتحجي بعد بنتك لازم تسد عنها
-يمه عمار تعال الولد ماادري شبيه الحك
رهف :ركض عمار واحنه دخلنه وراه
فرقد كان يرفس وشفايفه زرك
مااعرف ليش انقهرت عليه رغم انا ماكنت احن عليه
عمار خلي ماخذه 😭😭😭
عمار :انت لاتحجين شي ابد شلته وانا محتار وين اوديه ارجعه للمستشفى اخذت امي وطلعنه
-يمه الولد ماادري شبيه مثل المزوهر ظل يطلع الحليب حتى من خشمه وهو عوده ضعيف مسحت وجهي بماي
عمار :هايوم بشري
-هدأ شوي وجنها حرارته نزلت شتكول نرجع
عمار:درت عليه كانت ايديه واكعات 😳😳😳
يوم شوفي الولد
-يبوووووي يبوووووي مات الولد عمار
وانا اشوفه برد حسبالي اتحسن 😭😭
عمار :نزلته للدكتور كان موجود نفسه شاف عيوني حمر
فحصه كلي البقاء بحياتك
-انا عرفت الطفل مايطول من اول ماجبته لان بنيته كلش ضعيفه
-يوم مصطفى الحك جيب اوراق اخوك وتعال للمستشفى ابن عمار مات
مصطفى :انا لله وانا اليه راجعون
خطيه عمار يالله الطفل اتعذب
دخلت للبيت لكيت رهف
رهف :دخل مصطفى وكلي فرقد مات ركضت بدلة وطلعت وياه
احس بذنب جبير شوفي يارهف
هذا يومه بس انت استعجلتي على خراب بيتج ضحيتي بيه 😭😭
مصطفى :معقوله رهف تبجي يالله جائز حست بغلطها
دخلنه عمار كان واكف يمه كملت الاوراق شاله ودينه المغيسل
عمار :دخلت اغسله عيونه الي كان يفرح من يشوفني فيهم
ايديه الي جنت احسه وجهه خير علي
بابا انا حبيتك رغم كلشي مرضك وشكلك
ابريلي الذمه اذا قصرت
-ماما اذكر الله هو هسه طير بالجنه ويدعيلك وهذا حال الدنيا
وان شاء الله يعوضك بالاحسن
