بقلم زهرة الاقحوان
عمار :شبيج يوم شو انطيني ابني
اول ماشفته حمدت الله
كان الطفل في شي موطبيعي والراس اكبر من الجسم اطرافه صغيره وجسمه صغير
لج يوم انا جنت شهريآ اعطيج تاخذيها للطبيب
شلون هجي صار ماكللكم الطبيب اكو شي مو طبيعي
-اي والله يمه كل شهر اخذها ويكلولي كلشي طبيعي
وابد مالمحولنه الطفل يعاني من شي
عمار :😔انا لله وانا اليه راجعون
شراح اكللها هسه تتخبل وشنو ذنب هل الطفل
دخلت عليه بالدكتور
كلي بسبب الجينات المتقاربه لان اقارب فهذي النتيجه
ساعة السوده على خل الزواجه لو ادري ولااتزوجت
والحل شنو دكتور
-بالطفل الثاني خلي تضرب ابره وان شاء الله يخرج الطفل سليم
عمار :فعلآ الدنيا اظلمت بوجهي ماظليت اشوف شي
مصطفى :الله الله
شبيك خويه جان طحت اذكر الله
عمار : الحمد لله
-يوم مرتك تريد ابنها
رهف :صدري ورم اريد ابني اشوفه وارضعه كلش متحمسه
احضنه وابدله العبه ☺️
عمار :الحمد لله على السلامه رهف
رهف :الله يسلمك حبيبي ويتربى بعزك
انطيني اياه شلونه يشبهني يشبهلك
عمار :اعطيته اياه قلبي كان ينزف
كلش متأذي اووووف شوكت افرح مثل الناس
رهف :اوووع
اعوذ بالله شنو هاي
كتلك اريد ابني شبيك ماتسمع شنطيتني
عمار :ذكري الله رهف هذا ابنج كل احنه اتفاجأنه مايصير
هجي تسوين
رهف :شنحجي انت هذا موابني هذا مشوه ابني مابيه شي
عمار لهل الدرجه ماتحبني تريد تخبلني
وين اخذتو ابني اررررررريد ابني
😭😭😭😭😭😭😭
عمار :مااتحملت احس راسي راح ينفجر ماكدرت اظل اكثر
هاج يمه انا طالعه
-سوده علي يمه شلون عليك حظ 😭😭😭
يمه اخذيه الولد جوعان رضعيه وهاي عطية الله
يريد يختبر ايمانكم
رهف :مااريده 😡لاتخلوني اكتل روحي
نزلت من السرير ولزمت الممرضات وحده وحده
بكتوه الا اشتكي عليكم مااتركم هجي اريد ابني اريد ابني
مصطفى :يوم طلعيها بسرعه الناس كلها ظلت تتفرج
جيبيه انا اشغل السياره وانتوو وراي يالله
كوى امي سحبت رهف دخلتها بالسياره
كانت فاقده وتلطم وتصرخ
وصلنا للبيت واجو اهلها وعمار كان واكف بالباب
دمعته بطرف عيني
رهف ذبت ابنه على امي ماتريده
اشتريت مميات وحفاظات وحليب وجبتهم لأمي
رهف :لج خاله تركيه لاتشلعين قلبج خلي يموت
انا اخلف غيره يولي المن تكبرينه
-بنتي ذكري الله حرام الي جاي تسوينه
عمار :هجرت رهف صار اكثر من شهر لان موطبيعيه
كل احنه متحمليها على اعصابنه امي تداري بالطفل
خطيه فوك تعبها
انا كتت ارجع اساعدها اغسله واكعد احاجي وياه
كانت نظراته الي تقتلني
احس يكول انتم ظلمتوني
انا بالنسبه الي تقبلته وهذي ارادة الله وحكمه مااكدر اعترض
بس رهف ابد يوميه تسوي هوسه وصارت لاتطاق
