ရာနှုန်းပြည့်ချစ်ခြင်းတရားတို့ဆီ

အပိုင်း ၁၁

Breakfast ဝိုင်းမှ လေထုရဲ့အခြေအနေသည် အနည်းငယ် အကြောတင်းနေသယောင်။

"ရတီ ငါမေးနေတာကို ဒီတစ်သက်ဖြေဖို့ အစီအစဉ် ရှိပါတယ်နော်"

နိုင်နိုင်မေးလိုက်တော့ ရတီက ကျွန်တော့်ကို မျက်နှာငယ်လေးနဲ့ လှည့်ကြည့်ရှာသည်။မတတ်နိုင် ကိုယ့်ဘာသာကြည့်ရှင်းတော့ဆိုတဲ့ သဘောနဲ့ ခေါင်ရိပ် မျက်ခုံးသာပင့်ပြလိုက်သည်။

"ဟိုလေ ကိုကြီး နောက်မှ....."

"မလိုချင်ဘူး အခုပြော"

"အေးအေးဆေးဆေး..."

"မလိုဘူး ရတယ်"

"တစ်ကယ်ပါပဲ ကိုကြီးယောက်ျားကို မေးပါ့လား"

"အယ် ရတီ အဲ့ဒါ နင်နဲ့ပိုဆိုင်တာနော် ငါ့ကိုမလွှဲချနဲ့"

ဟိုဘက်ပုတ်လိုက် ဒီဘက်ပုတ်လိုက်နဲ့ ဘောလီဘောပုတ်နေပုံကိုက စိတ်မရှည်ချင်စရာ

"လွှဲချမနေနဲ့ နင်တို့နှစ်ယောက်ထဲက တစ်ယောက် အခုပြော"

အခြေအနေက သိပ်မဟန်တာနဲ့ ခေါင်ရိပ် ကိုယ်လွတ်ရုန်းဖို့တွေးလိုက်သည်။

"ရုံးက အလုပ်ကိစ္စလေးရှိလို့ အပေါ်မှာ ph သွားပြောလိုက်အုံးမယ်"

"မသွားနဲ့ မင်းလဲထိုင်နေ"

"အင်း"

လစ်ထွက်ဖို့ပြင်သော်ညား နိုင်နိုင့်ရဲ့ ခပ်ပြတ်ပြတ်လေသံအဆုံးမှာ အကြံကမအောင်မြင်။ ရှုံ့မဲ့မဲ့ မျက်နှာထားနဲ့ ပြန်ဝင်ထိုင်လိုက်တော့ ရတီမက ကျိတ်ရီသည်။

"ကဲ အငယ်မ ပြောတော့ ရပြီ"

"ပြောတာက အချိန်မရွေး ပြောပြလို့ရပါတယ်နော်
ပြီးမှ ကိုကြီးသာ လာမရှက်နဲ့........
သက်သေတွေနဲ့အတူပြမယ် လာလိုက်ခဲ့"

"ရတီမ"

"မတတ်နိုင်ဘူး ခဲအိုကြီးရေ......
ပြောမဲ့ပြောမှတော့ ပြစရာရှိတာတွေလဲပြရမှာပဲ
လာ နှစ်ယောက်လုံး လိုက်ခဲ့"

ပြောပြီးတာနဲ့ ရတီမက Breakfast ဝိုင်းကနေထသွားသည်။ ကျွန်တော့်မှာသာ ခြေမကိုင်မိ လက်မကိုင်မိ။
ရတီထသွားတော့ နိုင်နိုင်ကပါ မတ်တပ်ထရပ်ပြီး လိုက်ဖို့ပြင်သည်။ထိုင်ရာကမထတဲ့ ကျွန်တော့်ကိုမြင်တော့ နိုင်နိုင်တစ်ယောက် မျက်မှောင်ကြုံ့ပြီး ကြည့်လာတယ်။