سفر احمد لاردن… بقلم فجر المساري .
احمد صار عندي شغل بالاردن وسافرت رحت ويه
اصدقائي. كملت شغلي واني افكر موضوع دارين
بسفري فكرت بموضوع دارين حسيت عندي مشاعر
اتجاهه بس خوفي اظلمها وياي…
قررت اعترف دارين بحبي الها لان اول مره هي
اعترفت وهالشي ممقبول لا بمجتمعنه ولا اني اقبل
هالشي…
اصدقائي عزموني على حفلة. واني قررت اعترف
ليوم دارين بحبي اتصلت بيها وكتلها عندي
مفاجى الج. وفتحت كاميرا وكمت وغنيت ويه
المغني الغنيه اسمها ..وسام داوود (الحبيب)
وكتلها احبج وهاي الغنيه مني الج ..
دارين ..مثل كل يوم نحجي اني واحمد كاصدقاء
صح اني احبه بس بعد ذاك اليوم قررت اخلي
حبه بكلبي. ..
اتصل احمد دارين… نعم كال عندي مفاجئ الج
اني جنت متمدده على الجربايه فزيت كعدت كتله
شنو كال احبج بصوت عالي اني انصدمت شنو الي
سمعته بقيت ساكته. كلي دارين دارين كتله شكلت
كال احبج وكال هوه طالع بحفلة ويه اصدقائه
وفتح كاميرا كام غني ويه المغني وكال هاي الج
الغنيه يمه كلبي واخيرا… حس بحبي اله…
وكلي من ارجع لبغداد راح اخطبج من
اهلج طرت من الفرح .. سديته وياه وهاي ماعرف
بيش الساعه ودكيت على صديقتي سمر
سمر جنت نايمه ماعرف بيش الساعه دك تليفوني
جان على ميز الجرباية. شلته شفت منو هاي
دارين ساعه متاخره شبيها تتصل هيج وكت ياستار
فتحت خط الووو دارين .. سمر. كتلها شكوو
كالت احمد خابرني واعترفلي بحبه… صدك ..
دارين والله خابر يكلي راح اسويلج مفاجئ
سمر ..استغفر الله ..ياربي هبطتيني تتصلين
الساعه 2 خليها لصبح وكليلي اعترفلي هههههه
سمر… شلون وياكم ..
وكلتلي جان معزوم بحفله وكالي فتحي التليفون
واسمعي على الاغنيه وكام يغني وي المغني
وكليي احبج… احبج… وراح اخطبج ..واخيرا..
سمر… هههه ربي يسعدج حبيبتي …
دارين ..بيومها بقيت احجي ويه احمد لصبح
منمت من فرحتي ..
بعد يومين رجع احمد من السفر واني اعرف هاليوم
يجي من السفر كعدت الصبح وجهزت نفسي
وقبل يوم رحت لسوك اشتريت فستان وردي
ردان طويل وبي دانتيل. ولبست وياه حجاب وردي
وخليت مكياج خفيف. ورحت اني واهلي عليهم
احمد… خابرت اهلي بموعد رجعتي وخابرت على
ابو دارين وعزمتهم ونطيت خبر لاهلي ..
رحنه عليهم وسمعت اسمه يكولون اجه حمودي
احس قلبي يطلع من مكانه. ومشتاقتله ..
جنه كاعدين بالاستقبال الكل اهله واهلي ودخل
سلم علينه وصل يمي مد ايده يسلم عليه يمه قلبي
بقوا خواته يقلدون علينه هوه اترخص وفات
يبدل ملابسه ..
دارين… اجاني مسج فتحته اسوف من منو…
احمد ..كلي تعالي اني اترخصت اروح اغسل ايدي
وماحس الاواحد جرني من ايدي التفتت احمد
واخذني للغرفته وسد الباب احمد شبيك لا احد
يجي يشوفنه…
احمد طلع هديه وكال هاي جبتها الج وشبكني
وكلي مستاقلج اني خجلت. وكتله وخر احمد
لايجي احد ...وكلي باجر اجي اخطبج يمه قلبي
طرت من فرحه ...
طلعت ورحت كعدت وهوه اجه وراي كعد وكل شويه
يباوع عليه ويغمزلي واني اباوع لاحد يشوفه
وخجلت… اتغدينه ودزلي مسج كلي غراض
شلون انطيهن الج كتله خليهن ماكدر اخذهن ويايه
طلعنه. وثاني يوم جابتهن الي سوسن ..
احمد… بعد ماطلعوا اهل دارين بليل صحت امي
وكتلها موافق اخطب دارين… امي هلهلت علخير
يمه بلمبارك منك المال ومنها لعيال…
دارين… سمر احمد كلي باجر اخطبج …
سمر الف مبروك حبيبتي ربي يتمم على خير
دارين سمر خايفه لا يصير شي ..سمر لا تكولين هيح
لو أنكِ تُبصر الفّرح الذِي يتَلون فِي وجهّي عنْد حديثكِ لبقِيت تَتحدث لي طويلاً...
شتكولون راح تصير الخطبة لوووو… .
فجر المساري…
أنت تقرأ
أحببتك ولكن .... ❤
Romantizmقصه حقيقية لشاب عربي عشق فتاه كرديه ولكن بسبب عادات وتقاليد والمشاكل ينتهي هذا الحب دارين واحمد
