عذاب يتيمة 🔗 (باللهجة العراقية)

البارت الرابع

#الكاتبة :

كتمت رونق صوت بچيها و خلت اديها على حلگها و بس دموع ، دمعة تتبعها دمعة و صارت بدون وعي تضرب نفسها و تصيح بصوت ناصي و مخنوگ ، و المصيبة محد يمها حتى يهدأها .
..
بعد ساعة 🕖 :-
..
غفت رونق و هيه منكمشة و حاضنة نفسها و تبچي ، گعدت على صوت الباب ، فتحت عيونها و راحت فتحت الباب ، ظنت ان هو مهدي لذلك ما اهتمت بـ حجابها چان مفتوح و واگع من راسها ، باعتبار ان هو اخوها بعد !! .
بس للاسف خاب ظنها ، و يلي چان واگف على الباب صدمها عباس ظل صافن على رونق و على شعرها و جمالها ، هو صفن بعيونها يلي صارن حمر من البچي و وجهها الاحمر من نفس السبب .
رونق رادت تركض للحجاب حتى تلبسه ؛ بس عباس جرها من ايدها ..

(هو رجل و كل رجل اكيد يصير عندة حب و تطلع لهذه الشغلات !!)

رونق : اترك ايدي انت شنو داتسوي !!؟؟ .. اتركني دا البس حجابي !!!

هيه دفعته بس هو لازم ايدها و صافن عليها ، هيه ضربته راشدي فتركها ركضت لحجابها و لبسته بسرعة ، اندارت عليه شافته عصبي و عيونه تجدح نار و شرار من العصبية .
هيه خافت لذلك رجعت ليورة ، بس كبريائها خلاها تمشي نحوه و تطلعه خارج الغرفة ، حاولت تدفعه بس ما اندفع لان مثل الجبل بالنسبة الها .

عباس : اني اسف ما اعرف شنو صارلي .. بس اريد احچي وياچ !!
رونق : لا لا اطلع برة اتركني بحالي .... ليش انت داتسوي هيچ بية !؟
عباس : مو اگلچ اسف لا تطولين و تعرضين بالموضوع !!
رونق : لا گلتلك لاااا ما تسمع يعني ..
عباس : رووونق ... قسماً عظماً برب السماوات هاي اخر مرة اسمح الچ تعلين بيها صوتچ علية و المرة الجاية راح تشوفين تعامل اسوء من يلي بالمستشفى سويته الچ !!! .. يالله امشي اگعدي اريد احچي وياچ و لا تخليني اصير عصبي عليچ مرة ثانية !!

رونق خافت لان هو طلعلها حقيقته العصبية يلي تخلي يلي گدامه يموت من الخوف و بس !! .. لعد شلون اذا طلع عصبيته عليها شنو راح يصير بيها !!؟
گعدت بعيد عنه و بس تباوع اله من جوة لجوة و خايفة من اي تصرف متهور ممكن يسويه الها او وياها !!!

عباس : راح نبدأ من جديد ... اني اسمي عباس و عمري 24 و اشتغل بالشرطة و احب تكون البنية مطيعة و هادئة و تنفذ و ما تخليني اصير عصبي .. اريد البنية تحترم عائلتي و تحترمني و تنفذ يلي اگوله بالحرف الواحد بدون ما تعترض ابدا ، و اريدها ثگيلة و راسها مدنگته من احچي وياها ، اريدها ذكية و فطنة .... اكره الصوت العالي و البنية يلي ترادد بالحچي و يلي ما عندها احترام و لا توقير لاحد ، اكره البنية يلي احچي وياها و يطب منا و يطلع منا .. عندي بس امي و اختي الصغيرة بعمر 14 و بنتي يلي عمرها سنة و امها ماتت بعد ما جابتها باسبوع و اني محتاج لبنية حتى تخلص شغل البيت بدل امي و تربي بنتي لان امي مرية چبيرة و ما بيها حيل ... و هسه انتِ !!

رونق بللت شفتها و حچت بصوت ناصي و مخنوگ و دمعتها بطرف عينها ...

رونق : ا .. اني .. رونق و .. عمري .. 16 .. اني بالرابع .. اعدادي ، حياتي كلها ظلم بظلم .. و عمري ما شفت شي يفرحني غير نتيجتي بالمدرسة .. امي ماتت لما جابتني ... ابوي تزوج ورة ثمن سنين .. زوجته دائماً تعاملني مثل الخدم تكرهني .. الى درجة الموت .. هي تضربني يومية و ابوية ما يحچي وياها ، ما عندي غير اخوية الصغير رامي هو يحبني ... و دائماً اشكيله كل شي و يهدأني .. مهدي چان كل حياتي قبل ما .. تجي انت و تخرب كل شي .. اتمنى اموت يوكية و ادعي ويا .. كل صلاة .. اي شخص يشوفني يستغلني .. يعاملني الكل مثل .. خدامة ..... ما عندي شي ثاني غير هذا !!