عذاب يتيمة 🔗 (باللهجة العراقية)

البارت السابع

#الكاتبة :

رونق انصدمت و وگع التفون من ايدها و انكسر ، ظلت تصرخ ..

رونق : بويةةةةةة !!! ... ولك بوية ليش هيچ تركتني و رحت بويةة اني شلون بدونك بويةة تاكلني الما ترحم بويةة .. ولك بويةة انت چنت موجود و ما رحموني شلون و انت مو موجود بويةةة ..

ظلت تصرخ و تضرب بنفسها ، بينما زينب فرحانة و امها ما تعرف شنو تسوي ، خابرت على عباس يلي چانت ردة فعله ما متوقعة !!

عباس : عوفيها تصرخ خل تحس شلون من واحد يفقد عزيزه .. من ارجع يالله افكر ان اخذها لو لا عود ... مو يحن گلبچ ترة هاي وحدة ما تستاهل !!!
رباب : بسـ....
عباس : گلتلچ لااا !! .. مع السلامة .

سد التلفون بوجها ، اما رباب ظلت حايرة بين ان تسمع كلام ابنها او تفتح الباب لرونق لان گلبها تكسر عليها لان هيه ما مسوية شي يستحق ان يصير كل هذا وياها بسببه ..
راحت رباب لغرفتها و سدت الباب ، اما زينب فراحت لغرفة الطفلة بنت عباس و خابرت على شخص و ظلت تحچي وياه ...

زينب : الو ؟
**** : ها سويتي يلي گلتلچ عليه !؟
زينب : اي ... بس ليش والله خطية تكسر الخاطر !!؟
**** : مو هسه اگلچ .. خليها بعدين لما تصير سالفة روان عند الكل قصة و الها عنوان ...
زينب : هممم .. خوش مع السلامة .. بس بعد لا تهدد امي اني افهمها !!
**** : زين .... الله وياچ ...

سدت زينب الخط و طلعت من الغرفة و راحت لغرفتها ..

رونق ظلت تبچي و حست غير اغمى عليها ، رباب من ما سمعت الها صوت راحت يم الباب وگفت بس ماكو صوت ، خافت و اخذت المفتاح رادت تفتح الباب بس ...

عباس : انتي شدا تسوين ؟؟
رباب : يمة والله خطية ... ماكو صوت الها اخاف اغمى عليها !!
عباس : اعطيني انتي روحي سويلي اكل جوعان ..
رباب : صار يمة ..

اخذ عباس المفتاح و دخل ، شافها صگ اغمى عليها ، وصل يمها گعد على رجليه و ظل يمسح على راسها ..

عباس : بعدچ ما شايفة شي ... و فاتحة ابوچ ما توصلين الها لو على جثتي يا رونق بنت حسام !!!

شالها و خلاها على الچرباية و راح طلع و سد الباب من جديد حتى ما كلف نفسه ان يطمأن عليها ...
رباب صبت اله غدة و هو بس راد يگعد ياكل دگ تلفون البيت الرأيسي يلي تستعمله زينب .. هو من راد يفتح خط جرته زينب ...

زينب : ا .. ا .. هاي .. هاي صديقتي .. شموسة . اي شموسة !!
عباس : على كيفچ عيني !! .. يالله امشي ولي من گدامي روحي لغرفتچ تعبان مابية حيل ارزلچ حتى !!
زينب : اي اي صار ...

راحت ركضت لغرفتها ، عباس ظل شاك بيها و اكله الشك ..
..
#رونق :

گعدت شفت نفسي على الچرباية استغربت حيل .. ، باوعت للساعة شفتها 10:57 بالليل .
بطني گمات توجعني حيل ، باوعت شفت صينين مال اكل بالغرفة رحت تقربت شفت ورقة صغيرة مكتوب عليها ..